ਜ਼ੀਰਾ, 3 ਫਰਵਰੀ (ਪ੍ਰਤਾਪ ਸਿੰਘ ਹੀਰਾ)-ਅਵਾਨ ਰੋਡ ਜ਼ੀਰਾ ਵਿਖੇ ਸਥਿਤ ਐਮਬਰੋਜ਼ੀਅਲ ਪਬਲਿਕ ਸਕੂਲ ਦੇ ਵਿਦਿਆਰਥੀਆਂ ਨੂੰ 11 ਵੀਂ ਕਲਾਸ ਦੇ ਵਿਦਿਆਰਥੀਆਂ ਵਲੋਂ ਵਿਦਾਇਗੀ ਪਾਰਟੀ ਦਿੱਤੀ ਗਈ | ਇਸ ਦੌਰਾਨ ਸਕੂਲ ਦੀ ਚੇਅਰਪਰਸਨ ਅਮਨਜੀਤ ਕੌਰ ਬੁੱਟਰ ਮੁੱਖ ਮਹਿਮਾਨ ਵਜੋਂ ਪੁੱਜੇ ਪ੍ਰੋਗਰਾਮ ਦੌਰਾਨ ਵਿਦਿਆਰਥੀਆਂ ਵਲੋਂ ਆਪਣੇ ਸੀਨੀਅਰ ਵਿਦਿਆਰਥੀਆਂ ਦੇ ਸਨਮਾਨ 'ਚ ਰੰਗਾਰੰਗ ਇਕ ਸੱਭਿਆਚਾਰਕ ਪ੍ਰੋਗਰਾਮ ਪੇਸ਼ ਕੀਤਾ | ਇਸ ਮੌਕੇ ਸਕੂਲ ਚੇਅਰਮੈਨ ਸਤਨਾਮ ਸਿੰਘ ਬੁੱਟਰ ਪਿ੍ੰਸੀਪਲ ਤੇਜ਼ ਸਿੰਘ ਠਾਕੁਰ ਵਿਸ਼ੇਸ਼ ਤੌਰ 'ਤੇ ਹਾਜ਼ਰ ਹੋਏ ਅਤੇ ਸਕੂਲ 'ਚੋਂ ਜਾਣ ਵਾਲੇ ਵਿਦਿਆਰਥੀਆਂ ਨੂੰ ਸ਼ੁੱਭਕਾਮਨਾਵਾਂ ਦਿੱਤੀਆਂ ਗਈਆਂ | ਇਸ ਮੌਕੇ ਪਿ੍ੰਸੀਪਲ ਤੇਜ਼ ਸਿੰਘ ਠਾਕੁਰ ਨੇ ਆਪਣੇ ਭਾਵੁਕ ਸੰਬੋਧਨ 'ਚ ਕਿਹਾ ਕਿ ਕਲਾਸ 12ਵੀਂ ਦੇ ਵਿਦਿਆਰਥੀਆਂ ਨਾਲ ਬਿਤਾਇਆ ਹਰ ਪਲ ਉਨ੍ਹਾਂ ਲਈ ਅਨਮੋਲ ਹੈ | ਉਨ੍ਹਾਂ ਨੇ ਵਿਦਿਆਰਥੀਆਂ ਨੂੰ ਆਤਮ-ਵਿਸ਼ਵਾਸ, ਸੰਯਮ ਤੇ ਮਨੁੱਖੀ ਸੰਵੇਦਨਸ਼ੀਲਤਾ ਨਾਲ ਜੀਵਨ ਵਿਚ ਅੱਗੇ ਵਧਣ ਲਈ ਪ੍ਰੇਰਿਤ ਕੀਤਾ ਤੇ ਕਿਹਾ ਕਿ ਸਕੂਲ ਦੇ ਦਰਵਾਜ਼ੇ ਹਮੇਸ਼ਾ ਆਪਣੇ ਵਿਦਿਆਰਥੀਆਂ ਲਈ ਖੁੱਲ੍ਹੇ ਰਹਿਣਗੇ | ਵਿਦਿਆਰਥੀਆਂ ਵਲੋਂ ਵੀ ਸਕੂਲ 'ਚ ਬਿਤਾਏ ਟਾਈਮ ਨੂੰ ਯਾਦ ਕਰਦਿਆਂ ਇਹ ਸਮਾਂ ਆਪਣੀ ਜ਼ਿੰਦਗੀ ਦਾ ਸੁਨਹਿਰੀ ਸਮਾਂ ਦੱਸਿਆ | ਇਸ ਮੌਕੇ ਮਿਸਟਰ ਚਾਰਮਿੰਗ' ਦਾ ਖ਼ਿਤਾਬ ਯੁਵਰਾਜਦੀਪ ਸਿੰਘ 12ਵੀਂ ਕਾਮਰਸ-ਬੀ ਤੇ 'ਮਿਸ ਚਾਰਮਿੰਗ' ਦਾ ਖ਼ਿਤਾਬ ਐਸ਼ਵੀਰ ਕੌਰ 12ਵੀਂ ਮੈਡੀਕਲ ਨੂੰ ਦਿੱਤਾ ਗਿਆ | 'ਮਿਸਟਰ ਐਲਿਗੈਂਟ' ਦਾ ਸਨਮਾਨ ਕਰਨਦੀਪ ਸਿੰਘ 12ਵੀਂ ਕਾਮਰਸ-ਏ ਤੇ 'ਮਿਸ ਪਿ੍ਟੀ' ਦਾ ਸਨਮਾਨ ਹਰਮਨ ਕੌਰ 12ਵੀਂ ਮੈਡੀਕਲ ਨੂੰ ਪ੍ਰਾਪਤ ਹੋਇਆ | ਇਸ ਤੋਂ ਇਲਾਵਾ 'ਮਿਸਟਰ ਵੇਲ-ਡਰੈੱਸਡ' ਦਾ ਖ਼ਿਤਾਬ ਅਰਮਨਪ੍ਰੀਤ ਸਿੰਘ 12ਵੀਂ ਕਾਮਰਸ-ਏ ਅਤੇ 'ਮਿਸ ਵੇਲ-ਡਰੈੱਸਡ' ਦਾ ਖ਼ਿਤਾਬ ਸੇਜਲ ਗੁਲ੍ਹਾਟੀ 12ਵੀਂ ਕਾਮਰਸ-ਏ ਨੂੰ ਦਿੱਤਾ ਗਿਆ | ਇਹ ਪ੍ਰੋਗਰਾਮ ਅਭੁੱਲ ਯਾਦਾਂ ਛੱਡਦਾ ਹੋਇਆ ਸਮਾਪਤ ਹੋਇਆ |
