ਤਲਵੰਡੀ ਭਾਈ, 21 ਫਰਵਰੀ (ਕੁਲਜਿੰਦਰ ਸਿੰਘ ਗਿੱਲ)-ਤਲਵੰਡੀ ਭਾਈ ਦੇ ਸਰਕਾਰੀ ਡਿਪੂ ਹੋਲਡਰਾਂ ਦੀ ਚੋਣ ਮੀਟਿੰਗ ਹੋਈ, ਜਿਸ ਦੌਰਾਨ ਹੋਈ ਚੋਣ ਮੌਕੇ ਅਵਤਾਰ ਸਿੰਘ ਰਾਜੂ ਨੂੰ ਡਿਪੂ ਹੋਲਡਰ ਯੂਨੀਅਨ ਦੀ ਸਥਾਨਿਕ ਇਕਾਈ ਦਾ ਪ੍ਰਧਾਨ ਚੁਣ ਗਿਆ | ਉਹ ਲਗਾਤਾਰ ਦੂਜੀ ਵਾਰ ਯੂਨੀਅਨ ਦੇ ਪ੍ਰਧਾਨ ਚੁਣੇ ਗਏ ਹਨ | ਚੋਣ ਸਮੇਂ ਸੰਜੀਵ ਕੁਮਾਰ ਚਾਵਲਾ, ਬਲਦੇਵ ਰਾਜ ਦੇਬਾ, ਰਾਜ ਪਾਲ ਸ਼ਰਮਾ, ਭਜਨ ਵੱਤਾ, ਜਗਦੀਸ਼ ਰਾਏ, ਲਖਵੀਰ ਸਿੰਘ, ਅਮਰਜੀਤ ਸਿੰਘ ਆਦਿ ਨੇ ਉਨ੍ਹਾਂ ਨੂੰ ਸਮਰਥਨ ਦਿੱਤਾ | ਪ੍ਰਧਾਨ ਅਵਤਾਰ ਸਿੰਘ ਰਾਜੂ ਨੇ ਕਿਹਾ ਕਿ ਡਿਪੂ ਹੋਲਡਰ ਯੂਨੀਅਨ ਸਰਕਾਰ ਦੇ ਨਿਯਮਾਂ ਮੁਤਾਬਿਕ ਲੋਕਾਂ ਨੂੰ ਰਾਸ਼ਨ ਮੁਹੱਈਆ ਕਰਵਾਉਣ ਲਈ ਵਚਨਬੱਧ ਰਹੇਗੀ ਜਦ ਕਿ ਡਿਪੂ ਹੋਲਡਰਾਂ ਦੀਆਂ ਲੰਬੇ ਸਮੇਂ ਤੋਂ ਲੰਬਿਤ ਮੰਗਾਂ ਦੀ ਪੂਰਤੀ ਲਈ ਕਾਰਜ ਕੀਤਾ ਜਾਵੇਗਾ |
