ਸ੍ਰੀ ਅਮਰਨਾਥ ਦੀ ਪਵਿੱਤਰ ਯਾਤਰਾ ਲਈ ਮੱਖੂ ਤੋਂ ਸ਼ਿਵ ਭਗਤ ਹੋਏ ਰਵਾਨਾ

ਮੱਖੂ, 5 ਜੁਲਾਈ (ਵਰਿੰਦਰ ਮਨਚੰਦਾ)-ਸ੍ਰੀ ਅਮਰਨਾਥ ਜੀ ਦੀ ਪਵਿੱਤਰ ਯਾਤਰਾ ’ਤੇ ਜਾਣ ਮੌਕੇ ਸ਼ਿਵ ਭਗਤਾਂ ਵਲੋਂ ਪ੍ਰਾਚੀਨ ਸ੍ਰੀ ਸ਼ਿਵਾਲਾ ਮੰਦਰ ਮੱਖੂ ਵਿਖੇ ਬੜੀ ਸ਼ਰਧਾ ਭਾਵਨਾ ਨਾਲ ਸ਼ਿਵਲਿੰਗ ’ਤੇ ਰੁਦਰ ਅਭਿਸ਼ੇਕ ਅਤੇ ਭਗਵਾਨ ਸ਼ਿਵ ਸ਼ੰਕਰ ਭੋਲੇ ਨਾਥ ਜੀ ਦੀ ਪੂਜਾ ਅਰਚਨਾ ਕਰਨ ਉਪਰੰਤ ਸ੍ਰੀ ਅਮਰਨਾਥ ਜੀ ਦੀ ਯਾਤਰਾ ਲਈ ਹਰ ਸਾਲ ਦੀ ਤਰ੍ਹਾਂ ਇਸ ਵਾਰ ਵੀ ਰਵਾਨਾ ਹੋਏ। ਸ੍ਰੀ ਅਮਰਨਾਥ ਜੀ ਦੀ ਪਵਿੱਤਰ ਯਾਤਰਾ ’ਤੇ ਪਹਿਲੀ ਵਾਰ ਜਾਣ ਵਾਲੇ ਸ਼ਿਵ ਭਗਤਾਂ ਵਿਚ ਭਾਰੀ ਉਤਸ਼ਾਹ ਦੇਖਣ ਨੂੰ ਮਿਲਿਆ। ਇਸ ਦੌਰਾਨ ਸ਼ਿਵ ਭਗਤਾਂ ਵਲੋਂ ਹਰ ਹਰ ਮਹਾਂਦੇਵ ਦੇ ਲਗਾਏ ਜੈਕਾਰਿਆਂ ਨਾਲ ਪ੍ਰਾਚੀਨ ਸ੍ਰੀ ਸ਼ਿਵਾਲਾ ਮੰਦਰ ਗੂੰਜ ਉੱਠਿਆ। ਇਸ ਮੌਕੇ ਭਰਤ ਛਾਬੜਾ, ਗੌਤਮ ਕੱਕੜ, ਪ੍ਰਤੀਕ ਠੁਕਰਾਲ, ਰਾਹੁਲ ਕਲਿਆਣ, ਰਾਹੁਲ ਖੁਰਾਨਾ, ਕੁਨਾਲ ਆਹੂਜਾ, ਸੌਰਵ ਖੁਰਾਨਾ, ਸਮਾਰਥ ਸਚਦੇਵਾ, ਅਰਵਿੰਦਰ ਸਿੰਘ, ਪੰਕਜ ਸਚਦੇਵਾ ਸ੍ਰੀ ਅਮਰਨਾਥ ਯਾਤਰਾ ਦੀ ਪਵਿੱਤਰ ਯਾਤਰਾ ਲਈ ਰਵਾਨਾ ਹੋਏ।