ਬਠਿੰਡਾ, 21 ਫਰਵਰੀ (ਵਲ੍ਹਾਣ): 69ਵੀਆਂ ਨੈਸ਼ਨਲ ਸਕੂਲ ਖੇਡਾਂ ਅੰਡਰ-17 ਹੈਂਡਬਾਲ ਲੜਕੀਆਂ ਵਿਚ ਪੰਜਾਬ ਦੀ ਟੀਮ ਨੇ ਦੂਜਾ ਸਥਾਨ ਹਾਸਲ ਕੀਤਾ ਹੈ | ਇਹ ਖੇਡਾਂ ਪਿਛਲੇ ਦਿਨੀਂ ਸੋਮਨਾਥ (ਗੁਜਰਾਤ) ਵਿਖੇ ਹੋਈਆਂ ਸਨ ਅਤੇ ਇਨ੍ਹਾਂ ਖੇਡਾਂ ਵਿਚ ਵੱਖ-ਵੱਖ ਰਾਜਾਂ ਦੀਆਂ 34 ਟੀਮਾਂ ਨੇ ਹਿੱਸਾ ਲਿਆ ਅਤੇ ਪੰਜਾਬ ਦੀ ਤਰਫ਼ੋਂ ਬਠਿੰਡਾ ਜ਼ਿਲ੍ਹੇ ਦੇ ਸੇਂਟ ਜੇਂਵੀਅਰ ਸਕੂਲ ਦੀਆਂ ਤਿੰਨ ਖਿਡਾਰਨਾਂ ਨਜਮਪ੍ਰੀਤ ਕੌਰ, ਬਰਲੀਨ ਕੌਰ ਅਤੇ ਯਸੀਕਾ ਨੇ ਭਾਗ ਲਿਆ¢ ਪੰਜਾਬ ਟੀਮ ਨੇ ਸੀ.ਬੀ.ਐੱਸ.ਟੀਮ ਨੂੰ ਸੈਮੀਫਾਈਨਲ ਹਰਾ ਕੇ ਫਾਈਨਲ ਵਿਚ ਪ੍ਰਵੇਸ਼ ਕੀਤਾ ਸੀ, ਪਰ ਗੁਜਰਾਤ ਟੀਮ ਕੋਲੋਂ ਹਾਰ ਕਾਰਨ ਪੰਜਾਬ ਟੀਮ ਦੂਜੇ ਸਥਾਨ 'ਤੇ ਰਹੀ ਹੈ¢ ਸਕੂਲ ਦੇ ਪਿ੍ੰਸੀਪਲ ਫਾਦਰ ਸਿਡਲਾਏ ਫਰਟਾਡੋ, ਕੋਆਡੀਨੇਟਰ ਮੈਡਮ ਨੂਪੁਰ ਅਤੇ ਮੈਡਮ ਅਰਚਨਾ ਰਾਜਪੂਤ ਵਲੋਂ ਸਕੂਲ ਦੀਆਂ ਤਿੰਨੋ ਖਿਡਾਰਨਾਂ ਅਤੇ ਅਧਿਆਪਕ ਦਵਿੰਦਰ ਸਿੰਘ ਨੂੰ ਜਿੱਤ ਲਈ ਮੁਬਾਰਕਬਾਦ ਦਿੱਤੀ¢
