ਮਾਨਸਾ, 25 ਅਪ੍ਰੈਲ (ਵਿਸ਼ੇਸ਼ ਪ੍ਰਤੀਨਿਧ)- ਸੂਬੇ ਨੂੰ ਨਸ਼ਾ ਮੁਕਤ ਬਣਾਉਣ ਲਈ ਵਿੱਢੀ 'ਯੁੱਧ ਨਸ਼ਿਆਂ ਵਿਰੁੱਧ' ਮੁਹਿੰਮ ਤਹਿਤ ਜ਼ਿਲ੍ਹਾ ਪੁਲਿਸ ਨੇ 107 ਗ੍ਰਾਮ ਹੈਰੋਇਨ (ਚਿੱਟਾ) ਅਤੇ 90 ਨਸ਼ੀਲੇ ਕੈਪਸੂਲ (ਸਿਗਨੇਚਰ) ਬਰਾਮਦ ਕੀਤੇ ਹਨ | ਜ਼ਿਲ੍ਹਾ ਪੁਲਿਸ ਮੁਖੀ ਭਾਗੀਰਥ ਸਿੰਘ ਮੀਨਾ ਨੇ ਦੱਸਿਆ ਕਿ ਥਾਣਾ ਬੁਢਲਾਡਾ ਦੇ ਸੀ.ਆਈ.ਏ ਸਟਾਫ਼ ਨੇ ਦੀਪਕ ਕੁਮਾਰ ਉਰਫ਼ ਦੀਪੂ ਤੇ ਦੀਪਕ ਕੁਮਾਰ ਉਰਫ਼ ਡੋਗਰ ਵਾਸੀ ਨੰਗਲ ਹੱਡਾਵਾਲਾ (ਹਰਿਆਣਾ) ਤੋਂ 100 ਗ੍ਰਾਮ ਅਤੇ ਜੌੜਕੀਆਂ ਪੁਲਿਸ ਨੇ ਗੁਰਪ੍ਰੀਤ ਸਿੰਘ ਉਰਫ਼ ਗੋਪੀ ਵਾਸੀ ਸਰਦੂਲਗੜ੍ਹ ਤੋਂ 7 ਗ੍ਰਾਮ ਹੈਰੋਇਨ (ਚਿੱਟਾ) ਜਦਕਿ ਭੀਖੀ ਪੁਲਿਸ ਨੇ ਕਿਰਨਾ ਕੌਰ ਵਾਸੀ ਭੀਖੀ ਤੋਂ 90 ਨਸ਼ੀਲੇ ਕੈਪਸੂਲ (ਸਿਗਨੇਚਰ) ਬਰਾਮਦ ਕਰ ਕੇ ਤਫ਼ਤੀਸ਼ ਅਮਲ 'ਚ ਲਿਆਂਦੀ ਹੈ |
