ਨਾਬਾਲਗ ਲੜਕੇ ਦੀ ਲਾਸ਼ ਨਹਿਰ ’ਚੋਂ ਬਰਾਮਦ

ਬਠਿੰਡਾ, 28 ਜੂਨ (ਅਵਤਾਰ ਸਿੰਘ ਕੈਂਥ)- ਸਥਾਨਕ ਸ਼ਹਿਰ ਦੇ ਨੇੜੇ ਸਥਿਤ ਉੜੀਆ ਬਸਤੀ ਦਾ ਇਕ ਨਾਬਾਲਗ ਬੱਚਾ ਰਾਤ ਦੇ ਸਮੇਂ ਨਹਿਰ ’ਤੇ ਗਿਆ ਤਾਂ ਉਹ ਅਚਾਨਕ ਨਹਿਰ ਵਿਚ ਡੁੱਬ ਗਿਆ । ਸੂਚਨਾ ਮਿਲਣ ’ਤੇ ਥਰਮਲ ਪੁਲਿਸ ਸਟੇਸ਼ਨ ਦੀ ਪੁਲਿਸ ਟੀਮ ਅਤੇ ਐਨ.ਡੀ.ਆਰ.ਐਫ. ਦੀਆਂ ਟੀਮ ਰਾਤ ਦੇਰ ਤੱਕ ਉਸ ਨੂੰ ਲੱਭਦੀਆਂ ਰਹੀਆਂ ਸਨ, ਪਰ ਲੜਕੇ ਦੀ ਲਾਸ਼ ਨਹੀਂ ਮਿਲੀ । ਦੂਜੇ ਦਿਨ ਸ਼ਾਮ ਦੇ ਸਮੇਂ ਪਿੰਡ ਬੀੜ ਤਲਾਬ ਕੋਲ ਨਹਿਰ ਵਿਚ ਲੜਕੇ ਦੀ ਲਾਸ਼ ਬਾਰੇ ਜਾਣਕਾਰੀ ਮਿਲਣ ਤੋਂ ਸਥਾਨਕ ਬੀੜ ਤਲਾਬ ਦੇ ਪਿੰਡ ਵਾਸੀਆਂ ਦੀ ਮਦਦ ਨਾਲ ਸਹਾਰਾ ਜਨ ਸੇਵਾ ਟੀਮ ਮੈਂਬਰ ਸੰਦੀਪ ਗਿੱਲ ਨੇ ਨਾਬਾਲਿਗ ਲੜਕੇ ਦੀ ਲਾਸ਼ ਨਹਿਰ ਵਿਚੋਂ ਕੱਢੀ। ਥਰਮਲ ਪੁਲਿਸ ਸਟੇਸ਼ਨ ਨੂੰ ਸੂਚਿਤ ਕਰਨ ਤੋਂ ਬਾਅਦ ਲੜਕੇ ਦੀ ਲਾਸ਼ ਸਿਵਲ ਹਸਪਤਾਲ ਦੇ ਮੁਰਦਾਘਰ ਵਿਚ ਪਹੁੰਚਾਇਆ ਗਿਆ।