ਨਗਰ ਨਿਗਮ ਦੇ ਪਹਿਲੇ ਜਨਰਲ ਹਾਊਸ ’ਚ 125 ਕਰੋੜ ਰੁਪਏ ਦੇ ਵਿਕਾਸ ਕਾਰਜਾਂ ਨੂੰ ਮਨਜ਼ੂਰੀ
ਅਜੀਤ ਡੈਸਕ
09-07-2026
ਮੋਟੇ ਜ਼ੁਰਮਾਨਿਆਂ ਦਾ ਫ਼ੈਸਲਾ
ਮੇਅਰ ਨੇ ਸ਼ਹਿਰ ’ਚ ਜਨਤਕ ਥਾਵਾਂ ’ਤੇ ਉਸਾਰੀ ਦਾ ਮਲਬਾ ਸੁੱਟ ਕੇ ਸ਼ਹਿਰ ਦੀ ਸੁੰਦਰਤਾ ਨੂੰ ਵਿਗਾੜਣ ਵਾਲਿਆਂ ’ਤੇ ਸਖ਼ਤੀ ਕਰਦੇ ਹੋਏ ਮਲਬਾ ਸੁੱਟਣ ’ਤੇ 25 ਹਜ਼ਾਰ ਰੁਪਏ ਅਤੇ ਆਵਾਰਾ ਪਸ਼ੂ ਛੱਡਣ ’ਤੇ 1 ਲੱਖ ਰੁਪਏ ਜੁਰਮਾਨਾ ਲਗਾਉਣ ਸਮੇਤ ਸਬੰਧਿਤ ਵਾਹਨ ਜ਼ਬਤ ਕਰਨ ਦਾ ਫ਼ੈਸਲਾ ਲਾਗੂ ਕੀਤਾ ਹੈ। ਜਦਕਿ ਮਲਬੇ ਦੇ ਪੱਕੇ ਹੱਲ ਲਈ ਟੀ.ਪੀ.ਡੀ. ਪਲਾਂਟ ਸਥਾਪਤ ਕਰਨ ਦੀ ਯੋਜਨਾ ਬਣਾਈ ਜਾ ਰਹੀ ਹੈ।
ਫਾਈਨੈਂਸ ਅਤੇ ਕੰਟਰੈਕਟ ਕਮੇਟੀ ਦੀ ਚੋਣ
ਜਨਰਲ ਹਾਊਸ ਦੌਰਾਨ ਕੌਂਸਲਰ ਕਮਲੇਸ਼ ਮਹਿਰਾ ਅਤੇ ਰਤਨ ਰਾਹੀ ਨੂੰ ਫਾਈਨੈਂਸ ਐਂਡ ਕੰਟਰੈਕਟ ਕਮੇਟੀ ਦੇ ਸਰਬਸੰਮਤੀ ਨਾਲ ਮੈਂਬਰ ਚੁਣਿਆ ਗਿਆ, ਜਿੰਨ੍ਹਾਂ ਦੇ ਨਾਵਾਂ ਦੀ ਵੱਖ-ਵੱਖ ਕੌਂਸਲਰਾਂ ਨੇ ਪੇਸ਼ਕਸ਼ ਅਤੇ ਤਜਵੀਜ਼ ਕੀਤੀ।
