ਭਗਤਾ ਭਾਈ ਕਾ, 4 ਮਈ (ਸੁਖਪਾਲ ਸਿੰਘ ਸੋਨੀ): ਬਾਬਾ ਵਿਸ਼ਵਕਰਮਾ ਜੀ ਸੁਸਾਇਟੀ ਭਗਤਾ ਭਾਈਕਾ ਵਲੋਂ ਅੱਜ ਸ਼ਹਿਰ ਦੇ ਬੱਸ ਅੱਡੇ ਅੰਦਰ ਲੋਕ ਸੇਵਾ ਹਿੱਤ ਲਾਈਫ਼ ਕੇਅਰ ਫਾਊਾਡੇਸ਼ਨ ਲੈਬ ਸਥਾਪਿਤ ਕੀਤਾ ਗਿਆ ਹੈ | ਲੈਬ ਦਾ ਸ਼ੁੱਭ ਉਦਘਾਟਨ ਐਨਜੀਓ ਵਰਕਰ ਸਤੀਸ਼ ਕੁਮਾਰ ਅਤੇ ਰਘਵੀਰ ਸਿੰਘ ਮਲੂਕਾ ਵਲੋਂ ਸਾਂਝੇ ਰੂਪ ਵਿਚ ਕੀਤਾ ਗਿਆ | ਇਸ ਦੇ ਨਾਲ ਹੀ ਸੁਸਾਇਟੀ ਦੇ ਸਹਿਯੋਗ ਨਾਲ ਇੱਕ ਸਿਹਤ ਜਾਂਚ ਕੈਂਪ ਵੀ ਲਗਾਇਆ ਗਿਆ, ਜਿਸ ਵਿਚ ਵੱਡੀ ਗਿਣਤੀ ਵਿਚ ਲੋਕਾਂ ਨੇ ਆਪਣੀ ਜਾਂਚ ਕਰਵਾਈ | ਇਸ ਲੈਬ ਸੰਬੰਧੀ ਰਛਪਾਲ ਸਿੰਘ (ਨਿੱਕਾ) ਅਤੇ ਦਵਿੰਦਰ ਸਿੰਘ ਮਠਾੜੂ ਨੇ ਜਾਣਕਾਰੀ ਦਿੰਦਿਆਂ ਕਿਹਾ ਕਿ ਉਕਤ ਲੈਬ ਦੇ ਖੁੱਲ੍ਹਣ ਨਾਲ ਇਲਾਕੇ ਦੇ ਲੋਕਾਂ ਨੂੰ ਸਸਤੇ ਦਰਾਂ 'ਤੇ ਉੱਚ ਮਿਆਰੀ ਟੈੱਸਟਾਂ ਦੀ ਸਹੂਲਤ ਮਿਲੇਗੀ | ਉਨ੍ਹਾਂ ਦੱਸਿਆ ਕਿ ਮਾਰਕੀਟ ਵਿਚ ਮਹਿੰਗੇ ਹੋ ਰਹੇ ਟੈੱਸਟਾਂ ਤੋਂ ਲੋਕਾਂ ਨੂੰ ਕਾਫ਼ੀ ਰਾਹਤ ਪ੍ਰਾਪਤ ਹੋਵੇਗੀ ਅਤੇ ਸਿਹਤ ਸੇਵਾਵਾਂ ਨੂੰ ਮਜ਼ਬੂਤੀ ਮਿਲੇਗੀ | ਇਸ ਮੌਕੇ ਦਰਸ਼ਨ ਸਿੰਘ ਭਾਈ ਕੇ, ਮਨਜੀਤ ਸਿੰਘ ਧੁੰਨਾ, ਗੁਰਤੇਜ ਸਿੰਘ ਚਾਨੀ ਸਟੇਟ ਐਵਾਰਡੀ, ਨਿਰਮਲ ਸਿੰਘ ਹੀਰੋ ਵਾਲੇ, ਕਗਸੀਰ ਸੀਰਾ ਪੰਨੂੰ, ਗੁਰਬਚਨ ਸਿੰਘ ਧੀਮਾਨ, ਹਰਿੰਦਰ ਪਾਲ ਸਿੰਘ ਹਿੰਦਾ, ਸੁਖਮੰਦਰ ਸਿੰਘ ਅਕਾਲ ਵਾਲੇ, ਡਾ. ਨਿਰਭੈ ਸਿੰਘ, ਸ਼ਮਿੰਦਰਪਾਲ ਸਿੰਘ ਸ਼ਮੀ, ਮਾ. ਜਗਸੀਰ ਸਿੰਘ ਪੰਨੂ, ਜੱਸਾ ਸਿੰਘ ਖ਼ਾਲਸਾ, ਸੁਖਜੰਟ ਸਿੰਘ ਖ਼ਾਲਸਾ ਸਮੇਤ ਖੂਹ ਕਮੇਟੀ ਭਗਤਾ ਭਾਈਕਾ ਦੇ ਮੈਂਬਰ ਵੀ ਹਾਜ਼ਰ ਸਨ |
