ਬਾਈਕ ਸਵਾਰਾਂ ਨੇ ਬਜ਼ੁਰਗ ਦੀ ਜੇਬ ‘ਚੋਂ 4 ਹਜ਼ਾਰ ਕੱਢੇ
ਰਾਮਪੁਰਾ ਫੂਲ, 24 ਸਤੰਬਰ (ਪੱਤਰ ਪ੍ਰੇਰਕ)- ਰਾਮਪੁਰਾ ਫੂਲ ਵਿਖੇ ਦੋ ਬਾਈਕ ਸਵਾਰ ਨੌਜਵਾਨ ਇਕ ਬਜ਼ੁਰਗ ਦੀ ਕਮੀਜ਼ ਦੀ ਜੇਬ ‘ਚੋਂ 4 ਹਜ਼ਾਰ ਰੁਪਏ ਕੱਢ ਕੇ ਫ਼ਰਾਰ ਹੋ ਗਏ। ਦੋਵੇਂ ਨੌਜਵਾਨਾਂ ਨੇ ਆਪਣੇ ਚਿਹਰੇ ਰੁਮਾਲ ਨਾਲ ਢਕੇ ਹੋਏ ਸਨ।
ਰਾਮਪੁਰਾ ਫੂਲ, 24 ਸਤੰਬਰ (ਪੱਤਰ ਪ੍ਰੇਰਕ)- ਰਾਮਪੁਰਾ ਫੂਲ ਵਿਖੇ ਦੋ ਬਾਈਕ ਸਵਾਰ ਨੌਜਵਾਨ ਇਕ ਬਜ਼ੁਰਗ ਦੀ ਕਮੀਜ਼ ਦੀ ਜੇਬ ‘ਚੋਂ 4 ਹਜ਼ਾਰ ਰੁਪਏ ਕੱਢ ਕੇ ਫ਼ਰਾਰ ਹੋ ਗਏ। ਦੋਵੇਂ ਨੌਜਵਾਨਾਂ ਨੇ ਆਪਣੇ ਚਿਹਰੇ ਰੁਮਾਲ ਨਾਲ ਢਕੇ ਹੋਏ ਸਨ। ਵਾਰਦਾਤ ਨੇੜੇ ਲੱਗੇ ਸੀ.ਸੀ.ਟੀ.ਵੀ. ਕੈਮਰੇ ਵਿਚ ਕੈਦ ਹੋ ਗਈ। ਪੀੜਤ ਬਾਲ ਕ੍ਰਿਸ਼ਨ ਪਾਲਾ ਨੇ ਦੱਸਿਆ ਕਿ ਉਹ ਆਪਣੀ ਪਤਨੀ ਨਾਲ ਐਕਟਿਵਾ ‘ਤੇ ਕਿਸੇ ਜਾਣਕਾਰ ਦੇ ਘਰ ਜਾ ਰਹੇ ਸਨ। ਕੰਨਿਆ ਪਾਠਸ਼ਾਲਾ ਸਕੂਲ ਵਾਲੀ ਗਲੀ ਵਿਚ ਸਥਿਤ ਮੰਦਰ ਦੇ ਸਾਹਮਣੇ ਉਨ੍ਹਾਂ ਨੇ ਐਕਟਿਵਾ ਰੋਕੀ। ਇਸੇ ਦੌਰਾਨ ਪਿੱਛੋਂ ਬਾਈਕ ‘ਤੇ ਆਏ ਦੋ ਨੌਜਵਾਨਾਂ ਨੇ ਮੌਕਾ ਪਾ ਕੇ ਉਨ੍ਹਾਂ ਦੀ ਕਮੀਜ਼ ਦੀ ਜੇਬ ‘ਚੋਂ 4 ਹਜ਼ਾਰ ਰੁਪਏ ਕੱਢ ਲਏ। ਬਜ਼ੁਰਗ ਨੂੰ ਜਦੋਂ ਤੱਕ ਘਟਨਾ ਦਾ ਪਤਾ ਲੱਗਾ, ਉਦੋਂ ਤੱਕ ਦੋਵੇਂ ਮੁਲਜ਼ਮ ਬਾਈਕ ‘ਤੇ ਫ਼ਰਾਰ ਹੋ ਚੁੱਕੇ ਸਨ। ਵਾਰਦਾਤ ਦੀ ਸੀ.ਸੀ.ਟੀ.ਵੀ. ਫੁਟੇਜ ਵਿਚ ਦੋਵੇਂ ਨੌਜਵਾਨ ਘਟਨਾ ਤੋਂ ਬਾਅਦ ਬਾਈਕ ‘ਤੇ ਜਾਂਦੇ ਦਿਖਾਈ ਦੇ ਰਹੇ ਹਨ। ਪੁਲਿਸ ਵਲੋਂ ਫੁਟੇਜ ਦੇ ਆਧਾਰ ‘ਤੇ ਮੁਲਜ਼ਮਾਂ ਦੀ ਪਛਾਣ ਕਰਨ ਦੇ ਯਤਨ ਕੀਤੇ ਜਾ ਰਹੇ ਹਨ।
