ਨਕਦੀ ਚੋਰੀ ਕਰਨ ਵਾਲੇ 2 ਕਾਬੂ
ਮਾਨਸਾ, 2 ਅਕਤੂਬਰ (ਵਿ. ਪ੍ਰਤੀ.)
ਮਾਨਸਾ, 2 ਅਕਤੂਬਰ (ਵਿ.ਪ੍ਰਤੀ.)- ਥਾਣਾ ਸ਼ਹਿਰੀ-1 ਮਾਨਸਾ ਪੁਲਿਸ ਨੇ ਲੈਬਾਰਟਰੀ ’ਚੋਂ ਨਕਦੀ ਚੋਰੀ ਕਰਨ ਵਾਲੇ 2 ਜਣਿਆਂ ਖ਼ਿਲਾਫ਼ ਮੁਕੱਦਮਾ ਦਰਜ ਕੀਤਾ ਹੈ। ਡਾ. ਰਾਕੇਸ਼ ਜਿੰਦਲ ਵਾਸੀ ਮਾਨਸਾ ਨੇ ਪੁਲਿਸ ਨੂੰ ਲਿਖਾਈ ਸ਼ਿਕਾਇਤ ’ਚ ਦੱਸਿਆ ਕਿ ਉਸ ਦੀ ਵਾਟਰ ਵਰਕਸ ਰੋਡ ’ਤੇ ਏ.ਸੀ.ਸੀ.ਯੂ. ਲੈਬਾਰਟਰੀ ’ਚੋਂ ਦਰਮਿਆਨੀ ਰਾਤ ਸਮੇਂ ਗਗਨਦੀਪ ਸਿੰਘ ਤੇ ਸੁਮੀਰ ਖਾਨ 2 ਲੱਖ 73 ਹਜ਼ਾਰ 870 ਰੁਪਏ ਚੋਰੀ ਕਰ ਕੇ ਲਏ ਗਏ। ਪੁਲਿਸ ਨੇ ਉਕਤ ਨੂੰ ਕਾਬੂ ਕਰ ਕੇ 2 ਲੱਖ 10 ਹਜ਼ਾਰ 30 ਰੁਪਏ ਬਰਾਮਦ ਕਰ ਲਏ ਹਨ।
