ਅਜੀਤ, ਜਲੰਧਰ
ਨੈਸ਼ਨਲ ਤੇ ਸਟੇਟ ਹਾਈਵੇ ’ਤੇ ਬਣਨ ਵਾਲੇ ਫਲਾਈਓਵਰਾਂ ਦੇ ਪਿੱਲਰ ਬੀਮਾਂ ਵਾਲੇ ਬਣਾਉਣ ਦੀ ਮੰਗ
ਮਾਨਸਾ , 6 ਨਵੰਬਰ ( ਬਲਵਿੰਦਰ ਸਿੰਘ ਧਾਲੀਵਾਲ )- ਰੈਡੀਕਲ ਪੀਪਲਜ਼ ਫੋਰਮ ਪੰਜਾਬ ਨੇ ਕੇਂਦਰ ਤੇ ਪੰਜਾਬ ਸਰਕਾਰ ਤੋਂ ਮੰਗ ਕੀਤੀ ਹੈ ਕਿ ਮਾਨਸਾ ਸ਼ਹਿਰ ਸਮੇਤ ਸਮੁੱਚੇ ਪੰਜਾਬ ’ ਚ ਨੈਸ਼ਨਲ ਤੇ ਸਟੇਟ ਹਾਈਵੇ ’ ਤੇ ਬਣਨ ਵਾਲੇ ਫਲਾਈਓਵਰ ਮਿੱਟੀ ਨਾਲ ਭਰਵੇਂ ਬਣਾਉਣ ਦੀ ਬਜਾਏ ਪਿੱਲਰਾਂ ਅਤੇ ਬੀਮਾਂ ਵਾਲੇ ਬਣਾਏ ਜਾਣ । ਫ਼ੋਰਮ ਦੇ ਬੁਲਾਰੇ ਸੁਖਦਰਸ਼ਨ ਸਿੰਘ ਨੱਤ ਨੇ ਕਿਹਾ ਕਿ ਮਾਨਸਾ ਸ਼ਹਿਰ ਦੇ ਨੇੜੇ ਮਾਨਸਾ ਕੈਂਚੀਆਂ , ਰਾਮਦਿੱਤੇਵਾਲਾ ਚੌਂਕ ਅਤੇ ਭੈਣੀਬਾਘਾ ਵਿਖੇ ਹਾਲੇ ਬਣਨੇ ਸ਼ੁਰੂ ਹੋਏ ਤਿੰਨੇ ਫਲਾਈਓਵਰਾਂ ਨੂੰ ਲਾਜ਼ਮੀ ਕੰਕਰੀਟ ਪਿੱਲਰਾਂ ’ ਤੇ ਉਸਾਰਿਆ ਜਾਣਾ ਚਾਹੀਦਾ ਹੈ , ਜਿਸ ਲਈ ਲੋਕਾਂ , ਕਾਰੋਬਾਰੀ ਤੇ ਵਾਤਾਵਰਣ ਪੱਖੀ ਸੰਗਠਨਾਂ ਨੂੰ ਆਵਾਜ਼ ਉਠਾਉਣੀ ਚਾਹੀਦੀ ਹੈ ।
ਮਾਨਸਾ , 6 ਨਵੰਬਰ ( ਬਲਵਿੰਦਰ ਸਿੰਘ ਧਾਲੀਵਾਲ )- ਰੈਡੀਕਲ ਪੀਪਲਜ਼ ਫੋਰਮ ਪੰਜਾਬ ਨੇ ਕੇਂਦਰ ਤੇ ਪੰਜਾਬ ਸਰਕਾਰ ਤੋਂ ਮੰਗ ਕੀਤੀ ਹੈ ਕਿ ਮਾਨਸਾ ਸ਼ਹਿਰ ਸਮੇਤ ਸਮੁੱਚੇ ਪੰਜਾਬ ’ ਚ ਨੈਸ਼ਨਲ ਤੇ ਸਟੇਟ ਹਾਈਵੇ ’ ਤੇ ਬਣਨ ਵਾਲੇ ਫਲਾਈਓਵਰ ਮਿੱਟੀ ਨਾਲ ਭਰਵੇਂ ਬਣਾਉਣ ਦੀ ਬਜਾਏ ਪਿੱਲਰਾਂ ਅਤੇ ਬੀਮਾਂ ਵਾਲੇ ਬਣਾਏ ਜਾਣ । ਫ਼ੋਰਮ ਦੇ ਬੁਲਾਰੇ ਸੁਖਦਰਸ਼ਨ ਸਿੰਘ ਨੱਤ ਨੇ ਕਿਹਾ ਕਿ ਮਾਨਸਾ ਸ਼ਹਿਰ ਦੇ ਨੇੜੇ ਮਾਨਸਾ ਕੈਂਚੀਆਂ , ਰਾਮਦਿੱਤੇਵਾਲਾ ਚੌਂਕ ਅਤੇ ਭੈਣੀਬਾਘਾ ਵਿਖੇ ਹਾਲੇ ਬਣਨੇ ਸ਼ੁਰੂ ਹੋਏ ਤਿੰਨੇ ਫਲਾਈਓਵਰਾਂ ਨੂੰ ਲਾਜ਼ਮੀ ਕੰਕਰੀਟ ਪਿੱਲਰਾਂ ’ ਤੇ ਉਸਾਰਿਆ ਜਾਣਾ ਚਾਹੀਦਾ ਹੈ , ਜਿਸ ਲਈ ਲੋਕਾਂ , ਕਾਰੋਬਾਰੀ ਤੇ ਵਾਤਾਵਰਣ ਪੱਖੀ ਸੰਗਠਨਾਂ ਨੂੰ ਆਵਾਜ਼ ਉਠਾਉਣੀ ਚਾਹੀਦੀ ਹੈ । ਉਨ੍ਹਾਂ ਕਿਹਾ ਕਿ ਬੇਸ਼ੱਕ ਇਸ ਸਬੰਧੀ ਸਰਕਾਰਾਂ ਅਤੇ ਸਬੰਧਿਤ ਵਿਭਾਗਾਂ ਦੀ ਮੁੱਖ ਦਲੀਲ ਹੈ ਕਿ ਮਿੱਟੀ ਦੀ ਭਰਤੀ ਵਾਲੇ ਪੁਲ ਕੰਕਰੀਟ ਵਾਲੇ ਪੁਲਾਂ ਤੋਂ ਕਾਫੀ ਸਸਤੇ ਪੈਂਦੇ ਹਨ ਪਰ ਪਿਛਲਾ ਤਜਰਬਾ ਵਿਖਾਉਂਦਾ ਹੈ ਕਿ ਕਿਵੇਂ ਮਿੱਟੀ ਵਾਲੇ ਪੁਲ ਬਾਰਿਸ਼ ’ ਚ ਗਿੱਲੇ ਹੋਣ ਮਗਰੋਂ ਭਾਰੀ ਟਿੱਪਰਾਂ ਤੇ ਟ੍ਰੇਲਰਾਂ ਦੇ ਬੋਝ ਹੇਠ ਬੈਠ ਜਾਂਦੇ ਹਨ , ਜਿਸ ਨਾਲ ਕਿੰਨੇ ਹੀ ਸੜਕ ਹਾਦਸੇ ਵਾਪਰਦੇ ਹਨ ਅਤੇ ਵੱਡਾ ਜਾਨੀ ਤੇ ਮਾਲੀ ਨੁਕਸਾਨ ਹੁੰਦਾ ਹੈ । ਇਸ ਤੋਂ ਇਲਾਵਾ ਇਨ੍ਹਾਂ ਪੁਲਾਂ ਨੂੰ ਮੁਰੰਮਤ ਲਈ ਵਾਰ - ਵਾਰ ਬੰਦ ਕਰਨਾ ਪੈਂਦਾ ਹੈ , ਜਿਸ ਨਾਲ ਟਰੈਫਿਕ ਜਾਮ ਵਰਗੀਆਂ ਸਮੱਸਿਆਵਾਂ ਵੀ ਪੈਦਾ ਹੁੰਦੀਆਂ ਹਨ । ਆਗੂਆਂ ਅਨੁਸਾਰ ਮਿੱਟੀ ਵਾਲੇ ਪੁਲ ਤੇ ਸੜਕਾਂ ਜਿੱਥੇ ਪੰਜਾਬ ਦੀ ਹਜ਼ਾਰਾਂ ਏਕੜ ਜ਼ਮੀਨ ਨੂੰ ਮਿੱਟੀ ਹੇਠ ਦੱਬ ਕੇ ਬੇਕਾਰ ਕਰ ਰਹੇ ਹਨ ਉੱਥੇ ਸ਼ਹਿਰਾਂ , ਕਸਬਿਆਂ ਤੇ ਪਿੰਡਾਂ ਨੂੰ ਪੱਕੇ ਤੌਰ ’ ਤੇ 2 ਹਿੱਸਿਆਂ ’ ਚ ਵੰਡ ਕੇ ਉਨ੍ਹਾਂ ਦੇ ਸਰੂਪ ਨੂੰ ਬੁਰੀ ਤਰ੍ਹਾਂ ਵਿਗਾੜ ਰਹੇ ਹਨ ।
