ਦੋਰਾਹਾ, 24 ਜਨਵਰੀ (ਜਸਵੀਰ ਝੱਜ, ਮਨਜੀਤ ਸਿੰਘ ਗਿੱਲ)-ਅਕਾਲੀ ਦਲ ਵਾਰਸ ਪੰਜਾਬ ਦੇ ਆਗੂ ਜਸਵੰਤ ਸਿੰਘ ਚੀਮਾ ਜੋ ਕੇ ਲੁਧਿਆਣੇ ਵਿਖੇ ਪ੍ਰੋਪਰਟੀ ਦਾ ਕੰਮ ਕਰਦਾ ਹੈ ¢ ਦੋਰਾਹੇ ਵੱਲੋਂ ਆਪਣੀ ਕਾਰ ਰਾਹੀਂ ਆ ਰਿਹਾ ਸੀ ¢ ਜਿਉਂ ਹੀ ਉਹ ਪੁਲ ਗੁਰਥਲੀ ਕੋਲ ਪਹੁੰਚਿਆ ਤਾਂ ਪਿੱਛੋਂ ਦੋ ਮੋਟਰਸਾਇਕਲ ਸਵਾਰਾਂ ਨੇ ਆ ਕੇ ਉਸ ਨੂੰ ਕਾਰ ਦੀ ਤਾਕੀ ਵਿਚ ਹੱਥ ਮਾਰ ਕੇ ਰੁਕਣ ਦਾ ਇਸ਼ਾਰਾ ਕੀਤਾ ਪਰ ਉਸ ਨੇ ਜਿਉਂ ਹੀ ਰੋਕਣ ਵਾਲਿਆਂ ਦੇ ਹੱਥ ਵਿਚ ਵੈਪਨ ਦੇਖਿਆ ਤਾਂ ਉਸ ਨੇ ਗੱਡੀ ਭਜਾਉਣ ਦੀ ਕੋਸ਼ਿਸ਼ ਕੀਤੀ ਪਰ ਪਿੱਛੋਂ ਮੋਟਰਸਾਇਕਲ ਸਵਾਰਾਂ ਨੇ ਫਾਇਰ ਕਰ ਦਿੱਤਾ ਜੋ ਕਿ ਕਾਰ ਦੀ ਪਿਛਲੀ ਤਾਕੀ ਵਿਚ ਵੱਜਾ ¢ ਇਸ ਸਮੇਂ ਉਸ ਨੇ ਆਪਣੀ ਜਾਨ ਬਚਾ ਕੇ ਦੋਰਾਹਾ ਪੁਲ ਥੱਲੇ ਪੁਲਿਸ ਕੋਲ ਆ ਕੇ ਉਹਨਾਂ ਨੂੰ ਸਾਰੀ ਰਿਪੋਰਟ ਕੀਤੀ ¢ ਐਸ ਐਚ ਓ ਥਾਣਾ ਦੋਰਾਹਾ ਇੰਸਪੈਕਟਰ ਆਕਾਸ਼ ਦੱਤ ਨੇ ਕਿਹਾ ਕਿ ਇਸ ਘਟਨਾ ਦੀ ਪੂਰੀ ਛਾਣਬੀਣ ਕਰਕੇ ਦੋਸ਼ੀਆਂ ਨੂੰ ਜਲਦੀ ਤੋਂ ਜਲਦੀ ਗਿ੍ਫਤਾਰ ਕਰ ਕਰਕੇ ਕਨੂੰਨ ਅਨੁਸਾਰ ਸਖ਼ਤ ਤੋਂ ਸਖ਼ਤ ਕਾਰਵਾਈ ਕੀਤੀ ਜਾਵੇਗੀ ¢ ਇਸ ਸਮੇਂ ਅਕਾਲੀ ਦਲ ਵਾਰਸ ਪੰਜਾਬ ਦੇ ਮੁੱਖ ਬੁਲਾਰੇ ਸੰਦੀਪ ਸਿੰਘ ਰੁਪਾਲੋ ਨੇ ਘਟਨਾ ਦੀ ਨਿੰਦਾ ਕਰਦੇ ਹੋਏ ਕਿਹਾ ਕਿ ਪੰਜਾਬ ਵਿਚ ਬਦ ਅਮਨੀ ਦਾ ਮਾਹÏਲ ਬਣਿਆ ਹੋਇਆ ਹੈ, ਆਮ ਆਦਮੀ ਖੁੱਲ ਕੇ ਵੀ ਨਹੀਂ ਵਿਚਰ ਸਕਦਾ ਜੋ ਕਿ ਪੰਜਾਬ ਦੇ ਲਈ ਬਹੁਤ ਮੰਦਭਾਗਾ ਹੈ ¢
