ਪੰਜਾਬ ਭਰ ਵਿਚ ਆੜ੍ਹਤੀਆਂ ਵਲੋਂ 1 ਅਪ੍ਰੈਲ ਤੋਂ ਅਣਮਿਥੇ ਸਮੇਂ ਲਈ ਹੜਤਾਲ ਦੀ ਚੇਤਾਵਨੀ
ਅਜੀਤ ਡੈਸਕ
29-03-2026
ਖੰਨਾ ਮੰਡੀ ਵਿੱਚ ਇਹ ਪ੍ਰਸਤਾਵ ਸਰਬਸੰਮਤੀ ਨਾਲ ਪਾਸ ਕੀਤਾ ਗਿਆ, ਜਿਸ ਨਾਲ ਸਾਫ਼ ਹੈ ਕਿ ਆੜ੍ਹਤੀ ਭਾਈਚਾਰਾ ਇਸ ਮਾਮਲੇ ਵਿੱਚ ਇੱਕਜੁੱਟ ਹੈ | ਜੇਕਰ ਹੜਤਾਲ ਹੁੰਦੀ ਹੈ, ਤਾਂ ਇਸਦਾ ਸਿੱਧਾ ਅਸਰ ਕਿਸਾਨਾਂ, ਵਪਾਰੀਆਂ ਅਤੇ ਆਮ ਲੋਕਾਂ 'ਤੇ ਪੈ ਸਕਦਾ ਹੈ, ਕਿਉਂਕਿ ਅਨਾਜ ਦੀ ਆਵਾਜਾਈ ਅਤੇ ਵਪਾਰ ਠੱਪ ਹੋਣ ਦੀ ਸੰਭਾਵਨਾ ਹੈ | ਇਸ ਮੌਕੇ ਮੀਟਿੰਗ ਵਿੱਚ ਆਏ ਕੈਬਿਨਟ ਮੰਤਰੀ ਤਰਨਪ੍ਰੀਤ ਸਿੰਘ ਸੌਂਦ ਨੂੰ ਆੜ੍ਹਤੀਆਂ ਦੀਆਂ ਮੰਗਾਂ ਬਾਰੇ ਵੀ ਮੰਗ ਪੱਤਰ ਤੋਂ ਕਿਹਾ ਗਿਆ ਹੈ | ਜਿਨ੍ਹਾਂ ਨੇ ਭਰੋਸਾ ਦਵਾਇਆ ਕਿ ਜਲਦੀ ਹੀ ਇਸ ਨੂੰ ਪੂਰਾ ਕਰਵਾਇਆ ਜਾਵੇਗਾ ਪਰ ਫਿਰ ਵੀ ਜੇਕਰ ਆਉਣ ਵਾਲੇ ਦਿਨਾਂ ਵਿੱਚ ਪੰਜਾਬ ਦੀਆਂ ਅਨਾਜ ਮੰਡੀਆਂ ਦੀ ਸਥਿਤੀ ਕਾਫ਼ੀ ਗੰਭੀਰ ਬਣ ਸਕਦੀ ਹੈ, ਜੇਕਰ ਇਹ ਹੜਤਾਲ ਲਾਗੂ ਹੋ ਜਾਂਦੀ ਹੈ | ਇਸ ਮੌਕੇ ਚੇਅਰਮੈਨ ਜਗਤਾਰ ਸਿੰਘ ਰਤਨਹੇੜੀ, ਯਾਦਵਿੰਦਰ ਸਿੰਘ ਲਿਬੜਾ, ਭਰਪੂਰ ਚੰਦ ਬੈਟਰ, ਹੁਕਮ ਚੰਦ, ਸੁਭਾਸ਼, ਰਾਜ ਕੁਮਾਰ ਸਾਹਨੇਵਾਲੀਆ, ਸੰਕੇਤ ਕੁਮਾਰ ਧੰਮੀ, ਵੇਦ ਪ੍ਰਕਾਸ਼, ਸਤੀਸ਼ ਕੁਮਾਰ ਗਰਗ, ਬੂਟਾ ਸਿੰਘ ਰਾਜੇਵਾਲ, ਭੁਪਿੰਦਰ ਸਿੰਘ, ਦਰਸ਼ਨ ਸਿੰਘ ਗਿੱਲ, ਫਤਿਹ ਸਿੰਘ ਜਰਗ, ਸੰਜੀਵ ਕੁਮਾਰ ਸੀਲੀ, ਪ੍ਰਧਾਨ ਹਰਸੇਮ ਪਾਲ ਬੱਤਾ, ਸੁਰਿੰਦਰ ਕੁਮਾਰ ਸ਼ਾਹੀ, ਜਸਪਾਲ ਸਿੰਘ ਕਾਲਾ, ਰਕੇਸ਼ ਕੁਮਾਰ ਬਿੱਟਾ, ਬਲਕਾਰ ਸਿੰਘ ਬਿੱਟੂ, ਜਗਤਾਰ ਸਿੰਘ ਇਕੋਲਾਹੀ, ਗਿਰਧਾਰੀ ਲਾਲ, ਭਗਵਾਨ ਦਾਸ, ਭਾਨਾ, ਹਰੀਸ਼ ਕੁਮਾਰ, ਸਚਿਨ ਸ਼ਾਹੀ ਆਦਿ ਹਾਜ਼ਰ ਸਨ |
