ਖੰਨਾ, 16 ਅਪ੍ਰੈਲ (ਹਰਜਿੰਦਰ ਸਿੰਘ ਲਾਲ)-ਖੰਨਾ ਪੁਲਿਸ ਵੱਲੋਂ ਸਰਕਾਰ ਦੇ ਦਿਸ਼ਾ-ਨਿਰਦੇਸ਼ਾਂ ਅਨੁਸਾਰ ਖੰਨਾ ਦੇ ਐਸ. ਐਸ. ਪੀ. ਡਾ. ਦਰਪਣ ਆਹਲੂਵਾਲੀਆ ਦੀ ਅਗਵਾਈ ਵਿਚ ਐਨ. ਡੀ. ਪੀ. ਐਸ. ਦੇ 39 ਮਾਮਲਿਆਂ ਵਿੱਚ ਕੇਸ ਪ੍ਰਾਪਰਟੀ ਦਾ ਨਿਪਟਾਰਾ ਕੀਤਾ ਗਿਆ | ਇਸ ਵਿੱਚ 61 ਕਿਲੋਗ੍ਰਾਮ ਭੁੱਕੀ, 330 ਗ੍ਰਾਮ ਹੈਰੋਇਨ, 9 ਕਿੱਲੋਗਰਾਮ 500 ਗ੍ਰਾਮ ਸੁਲਫ਼ਾ, 80 ਨਸ਼ੀਲੀਆਂ ਗੋਲੀਆਂ, 35 ਗ੍ਰਾਮ ਚਰਸ, 38 ਖਾਲੀ ਕੱਪੜੇ ਆਦਿ ਸ਼ਾਮਿਲ ਹਨ | ਡਾ. ਦਰਪਣ ਆਹਲੂਵਾਲੀਆ ਨੇ ਕਿਹਾ ਕਿ ਪੰਜਾਬ ਪੁਲਿਸ ਯੁੱਧ ਨਸ਼ਿਆਂ ਵਿਰੁੱਧ ਮੁਹਿੰਮ ਸਫਲਤਾ ਨਾਲ ਚਲਾ ਰਹੀ ਹੈ ਅਤੇ ਵੱਡੀ ਗਿਣਤੀ ਵਿਚ ਨਸ਼ੇ ਫੜੇ ਹੀ ਨਹੀਂ ਜਾ ਰਹੇ ਸਗੋਂ ਲੋਕਾਂ ਨੂੰ ਨਸ਼ੇ ਛੁਡਾਉਣ ਵੱਲ ਅਤੇ ਸਪਲਾਈ ਰੋਕਣ ਵੱਲ ਵੀ ਧਿਆਨ ਦਿੱਤਾ ਜਾ ਰਿਹਾ ਹੈ |
