ਦੀ ਕਾਨਵੈਂਟ ਸਕੂਲ ਪੋਹੀੜ ਨੇ ਤੀਆਂ ਦਾ ਤਿਉਹਾਰ ਮਨਾਇਆ
ਅਹਿਮਦਗੜ, 22 ਅਗਸਤ (ਸੁਖਜੀਤ ਸਿੰਘ ਖੇੜਾ) - ਦੀ ਕਾਨਵੈਂਟ ਸਕੂਲ ਪੋਹੀੜ ਨੇ ਪੰਜਾਬ ਦੇ ਅਮੀਰ ਵਿਰਸੇ ਨੂੰ ਸਮਰਪਿਤ ਤੀਆਂ ਨਾਲ ਸੰਬੰਧਿਤ ਸੱਭਿਆਚਾਰਕ ਸਮਾਗਮ ਕਰਵਾਇਆ। ਵਿਦਿਆਰਥੀਆਂ, ਅਧਿਆਪਕਾਂ ਅਤੇ ਸਟਾਫ ਨੇ ਮਿਲ ਕੇ ਵਿਰਾਸਤੀ ਪਰੰਪਰਾ, ਸੰਗੀਤ, ਕਲਾ ਅਤੇ ਏਕਤਾ ਨਾਲ ਇਸ ਤਿਉਹਾਰ ਨੂੰ ਮਨਾਇਆ।
ਅਹਿਮਦਗੜ, 22 ਅਗਸਤ (ਸੁਖਜੀਤ ਸਿੰਘ ਖੇੜਾ) - ਦੀ ਕਾਨਵੈਂਟ ਸਕੂਲ ਪੋਹੀੜ ਨੇ ਪੰਜਾਬ ਦੇ ਅਮੀਰ ਵਿਰਸੇ ਨੂੰ ਸਮਰਪਿਤ ਤੀਆਂ ਨਾਲ ਸੰਬੰਧਿਤ ਸੱਭਿਆਚਾਰਕ ਸਮਾਗਮ ਕਰਵਾਇਆ। ਵਿਦਿਆਰਥੀਆਂ, ਅਧਿਆਪਕਾਂ ਅਤੇ ਸਟਾਫ ਨੇ ਮਿਲ ਕੇ ਵਿਰਾਸਤੀ ਪਰੰਪਰਾ, ਸੰਗੀਤ, ਕਲਾ ਅਤੇ ਏਕਤਾ ਨਾਲ ਇਸ ਤਿਉਹਾਰ ਨੂੰ ਮਨਾਇਆ। ਦੀ ਕਾਨਵੈਂਟ ਸਕੂਲ ਦੇ ਡਾਇਰੈਕਟਰ ਡਾ. ਰਾਹੁਲ ਸ਼ਰਮਾ ਦੀ ਪ੍ਰੇਰਨਾਦਾਇਕ ਮੌਜੂਦਗੀ ਅਤੇ ਸੰਸਥਾ ਦੇ ਸੀਈਓ ਸੁਖਵੰਤ ਸਿੰਘ ਨੇ ਕਿਹਾ ਕਿ ਅਜਿਹੇ ਸਮਾਗਮ ਸਿਰਫ਼ ਤਿਉਹਾਰਾਂ ਬਾਰੇ ਨਹੀਂ, ਸਗੋਂ ਨੌਜਵਾਨ ਮਨਾਂ ਨੂੰ ਉਨ੍ਹਾਂ ਦੇ ਸੱਭਿਆਚਾਰ ਦੀਆਂ ਕਦਰਾਂ-ਕੀਮਤਾਂ ਅਤੇ ਸੁੰਦਰਤਾ ਨਾਲ ਜੋੜਨ ਦਾ ਯਕਨ ਹਨ। ਪ੍ਰਿੰਸੀਪਲ ਸ਼੍ਰੀਮਤੀ ਅਰਚਨਾ ਮਲਹੋਤਰਾ ਨੇ ਸੱਭਿਆਚਾਰ ਨੂੰ ਮਨਾਉਣ ਦੀ ਮਹੱਤਤਾ ‘ਤੇ ਚਾਨਣਾ ਪਾਇਆ ਅਤੇ ਜ਼ੋਰ ਦਿੱਤਾ ਕਿ ਇਹ ਗਤੀਵਿਧੀਆਂ ਵਿਦਿਆਰਥੀਆਂ ਨੂੰ ਨੇੜੇ ਲਿਆਉਂਦੀਆਂ ਹਨ, ਉਹਨਾਂ ਨੂੰ ਟੀਮ ਵਰਕ, ਆਪਸੀ ਸਤਿਕਾਰ ਅਤੇ ਸਾਂਝੀ ਖੁਸ਼ੀ ਦਾ ਅਸਲ ਅਰਥ ਸਿਖਾਉਂਦੀਆਂ ਹਨ। ਦਿਨ ਦੀ ਸ਼ੁਰੂਆਤ ਸਕੂਲ ਲਾਇਬ੍ਰੇਰੀ ਵਿੱਚ ਆਯੋਜਿਤ ਇੱਕ ਸੁੰਦਰ ਵਿਰਾਸਤੀ ਪ੍ਰਦਰਸ਼ਨੀ “ਵਿਰਸਾ ਪੰਜਾਬ ਦਾ” ਨਾਲ ਹੋਈ। ਜਿੱਥੇ ਪੰਜਾਬੀ ਚੁੱਲ੍ਹਾ, ਚਾਟੀ ਦੀ ਲੱਸੀ, ਪਾਣੀ ਦਾ ਖੂਹ, ਘੜ੍ਹਾ, ਸਰੋਂ ਦਾ ਸਾਗ, ਪੱਖੀਆਂ, ਫੁਲਕਾਰੀ ਅਤੇ ਹੋਰ ਬਹੁਤ ਸਾਰੀਆਂ ਵਿਰਾਸਤ ਨਾਲ ਜੁੜੀਆਂ ਚੀਜ਼ਾਂ ਪ੍ਰਦਰਸ਼ਿਤ ਕੀਤੀਆਂ ਗਈਆਂ ਸਨ। ਇਸ ਦੌਰਾਨ “ਮੇਲਾ ਤੀਆਂ ਦਾ” ਸੁਰੂ ਕਰਦਿਆਂ ਢੋਲ ਦੀ ਤਾਲ ਨੇ ਹਰ ਕਿਸੇ ਦੇ ਪੈਰ ਥਪਥਪਾਉਂਣ ਲਾ ਦਿੱਤੇ। ਵਿਦਿਆਰਥੀਆਂ ਨੇ ਪੰਜਾਬੀ ਗੀਤਾਂ ‘ਤੇ ਖੁਸ਼ੀ ਨਾਲ ਗਿੱਧਾ ਤੇ ਬੋਲੀਆਂ ਪਾ ਕੇ ਖੁਸ਼ੀ ਅਤੇ ਜਸ਼ਨ ਦਾ ਮਾਹੌਲ ਬਣਾਇਆ। ਬਹੁਤ ਸਾਰੇ ਵਿਦਿਆਰਥੀ ਰਵਾਇਤੀ ਪੰਜਾਬੀ ਪਹਿਰਾਵੇ ਕੁੜਤਾ, ਚਾਦਰਾ, ਕੈਂਠਾਂ ਅਤੇ ਦਸਤਾਰ ਵਿੱਚ ਸੁੰਦਰ ਲੱਗ ਰਹੇ ਸਨ, ਜਦੋਂ ਕਿ ਕੁੜੀਆਂ ਮਹਿੰਦੀ, ਭਾਰੀ ਰਵਾਇਤੀ ਗਹਿਣਿਆਂ, ਸੱਗੀ ਫੁੱਲ ਅਤੇ ਪੰਜਾਬੀ ਸੂਟ ਪਹਿਨ ਕੇ ਆਈਆਂ।
