ਸ਼ਹਿਣਾ, 2 ਜਨਵਰੀ (ਸੁਰੇਸ਼ ਗੋਗੀ)-ਪਿੰਡ ਸੰਤਪੁਰਾ ਨਾਲ ਸਬੰਧਿਤ ਨੈੱਟਬਾਲ ਵਿਚ ਸੋਨ ਤਗਮਾ ਜੇਤੂ ਪੰਜਾਬ ਦੀ ਟੀਮ ਦੀ ਖਿਡਾਰਨ ਦਾ ਪਿੰਡ ਵਾਸੀਆਂ ਵਲੋਂ ਨਿੱਘਾ ਸਵਾਗਤ ਕੀਤਾ ਗਿਆ | ਸੂਬੇਦਾਰ ਮਨਜੀਤ ਸਿੰਘ, ਸੰਤਪੁਰਾ ਦੀ ਹੋਣਹਾਰ ਪੱੁਤਰੀ ਅਨਮੋਲਪ੍ਰੀਤ ਕੌਰ ਜੋ ਕਿ ਵਾਈ.ਐਸ ਸਕੂਲ ਦੀ ਵਿਦਿਆਰਥਣ ਹੈ ਅਤੇ ਲੰਬੇ ਸਮੇਂ ਤੋਂ ਨੈੱਟਬਾਲ ਖੇਡ ਨਾਲ ਜੁੜੀ ਹੋਈ ਹੈ | ਅਨਮੋਲਪ੍ਰੀਤ ਕੌਰ ਇਸ ਤੋਂ ਪਹਿਲਾਂ ਨੈੱਟਬਾਲ ਵਿਚ ਕਈ ਮਾਅਰਕੇ ਮਾਰ ਚੱੁਕੀ ਹੈ | ਅਜੋਕੇ ਸਮੇਂ ਦੌਰਾਨ ਵੈਸਟ ਬੰਗਾਲ ਵਿਖੇ ਹੋਏ ਅੰਤਰਰਾਸ਼ਟਰੀ ਨੈੱਟਬਾਲ ਮੁਕਾਬਲਿਆਂ ਦੌਰਾਨ ਪੰਜਾਬ ਦੀ ਟੀਮ ਨੇ ਸੋਨ ਤਗਮਾ ਪ੍ਰਾਪਤ ਕੀਤਾ | ਇਸ ਟੀਮ ਵਿਚ ਅਨੋਮਲਪੀ੍ਰਤ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ | ਪਿੰਡ ਪਹੁੁੰਚਣ 'ਤੇ ਸਵਾਗਤ ਕਰਨ ਵਾਲਿਆਂ ਵਿਚ ਪਰਮਜੀਤ ਸਿੰਘ ਸੈਕਟਰੀ, ਕਰਨੈਲ ਸਿੰਘ ਪ੍ਰਧਾਨ, ਮਨਦੀਪ ਸਿੰਘ ਮੰਟਾ, ਬਲਦੇਵ ਸਿੰਘ, ਸਰਪੰਚ ਜਸਵੰਤ ਸਿੰਘ, ਸ਼ਮਸ਼ੇਰ ਸਿੰਘ, ਕਾਲਾ ਸਿੰਘ ਸੂਬੇਦਾਰ, ਕੁਲਦੀਪ ਸਿੰਘ ਰਾਜੂ, ਤਾਰੀ ਸੰਤਪੁਰਾ, ਜਗਤਾਰ ਸਿੰਘ ਤਾਰੀ ਬਾਬਾ, ਕੌਰ ਸਿੰਘ ਥਾਣੇਦਾਰ ਆਦਿ ਤੋਂ ਇਲਾਵਾ ਵੱਡੀ ਗਿਣਤੀ ਵਿਚ ਪਿੰਡ ਵਾਸੀ ਹਾਜ਼ਰ ਸਨ |
