ਬਰਨਾਲਾ, 20 ਫਰਵਰੀ (ਅਰੋੜਾ)-ਸਥਾਨਕ 22 ਏਕੜ ਕਾਲੋਨੀ ਵਿਖੇ ਸਥਿਤ ਪ੍ਰਾਚੀਨ ਸ਼ਿਵ ਧਾਮ ਮੰਦਰ ਵਿਖੇ ਸ੍ਰੀ ਸ਼ਿਆਮ ਫਾਲਗਨ ਮੇਲਾ 21 ਫਰਵਰੀ ਦਿਨ ਸ਼ਨੀਵਾਰ ਨੂੰ ਕਰਵਾਇਆ ਜਾ ਰਿਹਾ ਹੈ | ਜਾਣਕਾਰੀ ਦਿੰਦਿਆਂ ਸ੍ਰੀ ਸ਼ਿਆਮ ਖਾਟੂ ਜੀ ਸੇਵਾ ਮੰਡਲ ਬਰਨਾਲਾ ਦੇ ਮੈਂਬਰ ਨਵੀਨ ਗਰਗ, ਸਨੀ ਗੋਇਲ, ਜਤਿੰਦਰ ਸਿੰਗਲਾ ਅਤੇ ਪੰਕਜ ਗਰਗ ਨੇ ਦੱਸਿਆ ਕਿ ਇਹ ਮੇਲਾ ਰਾਤ 8 ਵਜੇ ਸ਼ੁਰੂ ਹੋਵੇਗਾ | ਗੁਣਗਾਨ ਮਸ਼ਹੂਰ ਭਜਨ ਗਾਇਕ ਲੱਕੀ ਕਨ੍ਹਈਆ ਵਲੋਂ ਆਪਣੀ ਮਿੱਠੀ ਆਵਾਜ਼ ਵਿਚ ਕੀਤਾ ਜਾਵੇਗਾ | ਜੋਤੀ ਪ੍ਰਚੰਡ ਸਾਬਕਾ ਕੌਂਸਲਰ ਕੁਲਦੀਪ ਕੁਮਾਰ ਧਰਮਾ ਵਲੋਂ ਕੀਤੀ ਜਾਵੇਗੀ | ਪੂਜਨ ਤੋਂ ਬਾਅਦ 56 ਭੋਗ ਦਾ ਪ੍ਰਸ਼ਾਦ ਸ੍ਰੀ ਸ਼ਿਆਮ ਨੂੰ ਲਾਇਆ ਜਾਵੇਗਾ | ਇਸ ਮੌਕੇ ਸੰਜੀਵ ਕੁਮਾਰ, ਅੰਸ਼ ਗਰਗ, ਦਇਆ ਗਰਗ ਆਦਿ ਹਾਜ਼ਰ ਸਨ |
