ਤਪਾ ਮੰਡੀ, 23 ਫਰਵਰੀ (ਪ੍ਰਵੀਨ ਗਰਗ)-ਮਨੁੱਖਤਾ ਦੀ ਸੇਵਾ 'ਚ 24 ਘੰਟੇ ਹਾਜ਼ਰ ਮਿੰਨੀ ਸਹਾਰਾ ਵੈੱਲਫੇਅਰ ਕਲੱਬ ਜੋ ਸਮੇਂ-ਸਮੇਂ 'ਤੇ ਲੋੜਵੰਦਾਂ ਦੀ ਸੇਵਾ ਕਰਨ 'ਚ ਹਮੇਸ਼ਾ ਤਤਪਰ ਰਹਿੰਦਾ ਹੈ ਅਤੇ ਬੇਸਹਾਰਿਆਂ ਲਈ ਸਹਾਰਾ ਬਣਦਾ ਹੈ | ਜਿਸ ਤਹਿਤ ਮਿੰਨੀ ਸਹਾਰਾ ਵੈੱਲਫੇਅਰ ਕਲੱਬ ਵਲੋਂ ਪਤਵੰਤਿਆਂ ਦੀ ਹਾਜ਼ਰੀ 'ਚ ਲਾਵਾਰਸ ਲਾਸ਼ ਦਾ ਅੰਤਿਮ ਸੰਸਕਾਰ ਕੀਤਾ ਗਿਆ | ਇਸ ਨੇਕ ਕੰਮ ਲਈ ਰਾਮਬਾਗ ਕਮੇਟੀ ਅਤੇ ਦੁਕਾਨਦਾਰਾਂ ਨੇ ਵੀ ਭਰਪੂਰ ਸਹਿਯੋਗ ਕੀਤਾ | ਦੱਸ ਦੇਈਏ ਕਿ ਕਲੱਬ ਵਲੋਂ ਹੁਣ ਤੱਕ ਹਜ਼ਾਰਾਂ ਲੋਕਾਂ ਦੀਆਂ ਰੋਡ ਐਕਸੀਡੈਂਟ ਵਿਚ ਜਾਨਾਂ ਬਚਾਈਆਂ ਗਈਆਂ ਹਨ, ਜਿਸ 'ਤੇ ਕਲੱਬ ਨੂੰ ਇਕ ਵਾਰ ਸਟੇਟ ਐਵਾਰਡ ਵੀ ਮਿਲ ਚੁੱਕਾ ਹੈ | ਕਲੱਬ ਵਲੋਂ ਕੀਤੇ ਜਾਂਦੇ ਉਪਰਾਲੇ ਦੀ ਮੰਡੀ ਨਿਵਾਸੀਆਂ ਵਲੋਂ ਖ਼ੂਬ ਸ਼ਲਾਘਾ ਕੀਤੀ ਜਾਂਦੀ ਹੈ | ਇਸ ਮੌਕੇ ਕਲੱਬ ਦੇ ਪ੍ਰਧਾਨ ਜੀਵਨ ਭੂਤ, ਚੇਅਰਮੈਨ ਪ੍ਰਵੀਨ ਘੁੰਨਸ, ਕੈਸ਼ੀਅਰ ਰਾਜੂ ਮੌੜ, ਪਾਇਲਟ ਰਜਿੰਦਰ ਸਿੰਘ ਗੋਗੀ ਤੋਂ ਇਲਾਵਾ ਸਮਾਜ ਸੇਵੀ ਸੰਦੀਪ ਭੈਣੀ, ਬਸੰਤ ਲਾਲ ਬਾਂਸਲ, ਲੀਤੂ, ਡਿੰਪਾ, ਪ੍ਰਵੇਸ਼ ਕੁਮਾਰ, ਵੇਦਾ, ਮਾਲੀ ਹੀਰਾ ਲਾਲ ਆਦਿ ਮੌਜੂਦ ਸਨ |
