ਸ਼ਹਿਣਾ, 24 ਫਰਵਰੀ (ਸੁਰੇਸ਼ ਗੋਗੀ)-ਕੇਂਦਰ ਵਿਚ ਭਾਰਤੀ ਜਨਤਾ ਪਾਰਟੀ ਦੀ ਸਰਕਾਰ ਪੰਜਾਬ ਵਿਚ ਸਮੇਂ-ਸਮੇਂ 'ਤੇ ਵਿਕਾਸ ਕਾਰਜਾਂ ਨੂੰ ਗਤੀਸ਼ੀਲ ਰੱਖ ਰਹੀ ਹੈ | ਇਹ ਸ਼ਬਦ ਹਰਜੀਤ ਸਿੰਘ ਪਟਵਾਰੀ ਮੰਡਲ ਪ੍ਰਧਾਨ ਭਾਰਤੀ ਜਨਤਾ ਪਾਰਟੀ ਨੇ ਗੱਲਬਾਤ ਕਰਦਿਆਂ ਆਖੇ | ਉਨ੍ਹਾਂ ਕਿਹਾ ਕਿ ਪ੍ਰਧਾਨ ਮੰਤਰੀ ਸ੍ਰੀ ਨਰਿੰਦਰ ਮੋਦੀ ਨੇ ਸੂਬੇ ਵਿਚ ਬਿਹਤਰੀਨ ਪ੍ਰੋਜੈਕਟ ਦਿੱਤੇ ਹਨ ਅਤੇ ਇਸੇ ਕੜੀ ਤਹਿਤ ਬੰਦੇ ਭਾਰਤ ਟਰੇਨ ਦਾ ਬਰਨਾਲਾ ਵਿਖੇ ਰੁਕਣਾ ਅਤੇ ਪੂਰੇ ਮਾਲਵੇ ਲਈ ਵੱਡਾ ਤੋਹਫ਼ਾ ਹੈ | ਹਰਜੀਤ ਸਿੰਘ ਪਟਵਾਰੀ ਨੇ ਕਿਹਾ ਕਿ ਕੇਂਦਰ ਦੀ ਭਾਜਪਾ ਸਰਕਾਰ ਸਦਕਾ ਦੇਸ਼ ਦੇ ਹਰ ਸੂਬੇ ਨੇ ਤਰੱਕੀ ਕੀਤੀ ਹੈ | ਬਿਹਾਰ ਤੇ ਯੂ.ਪੀ ਵਰਗੇ ਜੁਰਮ ਦੀ ਦੁਨੀਆ ਦੇ ਵੱਡੇ ਸੂਬੇ ਵੀ ਆਰਥਿਕ ਪੱਖੋ ਭਾਜਪਾ ਕਾਰਨ ਖ਼ੁਸ਼ਹਾਲ ਹੋ ਚੱੁਕੇ ਹਨ | ਉਨ੍ਹਾਂ ਕਿਹਾ ਕਿ ਪੰਜਾਬ ਦੁਸ਼ਮਣ ਦੇਸ਼ ਦੀਆਂ ਹੱਦਾਂ ਨਾਲ ਲੱਗਦਾ ਅਹਿਮ ਸੂਬਾ ਹੈ | ਜਿਸ ਲਈ ਭਾਜਪਾ ਪੰਜਾਬ ਲਈ ਵੀ ਚੰਗੇ ਕਦਮ ਪੱੁਟ ਰਹੀ ਹੈ, ਪਰ ਸੂਬੇ ਦੀਆਂ ਸਰਕਾਰਾਂ ਕੇਂਦਰ ਦੀਆਂ ਸਕੀਮਾਂ ਨੂੰ ਸਹੀ ਢੰਗ ਨਾਲ ਲਾਗੂ ਕਰਨ ਵਿਚ ਪਛੜ ਰਹੀਆਂ ਹਨ |
