ਸ਼ਹਿਣਾ, 20 ਅਪ੍ਰੈਲ (ਸੁਰੇਸ਼ ਗੋਗੀ)-ਥਾਣਾ ਸ਼ਹਿਣਾ ਵਿਖੇ ਇਕ ਪਤੀ-ਪਤਨੀ 'ਤੇ ਹੀ 58 ਬੋਤਲਾਂ ਸ਼ਰਾਬ ਦਾ ਪਰਚਾ ਦਰਜ ਕੀਤਾ ਗਿਆ ਹੈ | ਇਹ ਜਾਣਕਾਰੀ ਦਿੰਦਿਆਂ ਥਾਣਾ ਮੁਖੀ ਰੈਨੂੰ ਪਰੋਚਾ ਨੇ ਦੱਸਿਆ ਕਿ ਏ.ਐੱਸ.ਆਈ ਜਗਪਾਲ ਸਿੰਘ ਵਲੋਂ ਗੁਪਤ ਸੂਚਨਾ ਦੇ ਆਧਾਰ 'ਤੇ ਛਾਪੇਮਾਰੀ ਕਰਦਿਆਂ ਜਗਰਾਜ ਸਿੰਘ ਰਾਜੂ ਪੱੁਤਰ ਜੀਤ ਸਿੰਘ ਉੱਪਲ ਪੱਤੀ ਨੇੜੇ ਗੈਸ ਏਜੰਸੀ ਸ਼ਹਿਣਾ ਅਤੇ ਉਸ ਦੀ ਪਤਨੀ ਸਿੰਬਲਜੀਤ ਕੌਰ 'ਤੇ 58 ਬੋਤਲਾਂ ਬਰਾਮਦ ਕਰ ਕੇ ਪਰਚਾ ਦਰਜ ਕੀਤਾ ਗਿਆ ਹੈ | ਉਨ੍ਹਾਂ ਇਹ ਵੀ ਦੱਸਿਆ ਕਿ ਜਗਰਾਜ ਸਿੰਘ ਰਾਜੂ ਤੇ ਪੁਲਿਸ ਵਲੋਂ ਇਹ ਪੰਜਵਾਂ ਪਰਚਾ ਦਰਜ ਕੀਤਾ ਗਿਆ ਹੈ |
