ਮਹਿਲ ਕਲਾਂ, 26 ਅਪ੍ਰੈਲ (ਅਵਤਾਰ ਸਿੰਘ ਅਣਖੀ)- ਪਿੰਡ ਖ਼ਿਆਲੀ (ਬਰਨਾਲਾ) ਨਾਲ ਸਬੰਧਿਤ ਐਸ.ਸੀ. ਪਰਿਵਾਰ ਦੇ ਇਕ ਨੌਜਵਾਨ ਦੀ ਸੜਕ ਹਾਦਸੇ 'ਚ ਮੌਤ ਹੋ ਜਾਣ ਦੀ ਦੁਖਦਾਈ ਖ਼ਬਰ ਮਿਲੀ ਹੈ | ਕਬੱਡੀ ਕੁਮੈਂਟੇਟਰ ਲੱਖਾ ਖ਼ਿਆਲੀ ਅਨੁਸਾਰ ਨੌਜਵਾਨ ਰਵਿੰਦਰਦੀਪ ਸਿੰਘ (16) ਪੁੱਤਰ ਸਵਰਨ ਸਿੰਘ ਫ਼ੌਜੀ ਜੋ ਆਪਣੇ ਭਰਾ ਨਾਲ ਕਾਰ 'ਤੇ ਪਿੰਡ ਖਿਆਲੀ-ਸਹੌਰ ਲਿੰਕ ਸੜਕ ਉਪਰ ਸਥਿਤ ਇਕ ਧਾਰਮਿਕ ਅਸਥਾਨ ਉਪਰ ਨਤਮਸਤਕ ਹੋ ਕੇ ਵਾਪਸ ਘਰ ਪਰਤ ਰਿਹਾ ਸੀ ਤਾਂ ਰਸਤੇ ਵਿਚ ਉਨ੍ਹਾਂ ਦੀ ਕਾਰ ਸੜਕ ਕਿਨਾਰੇ ਖੜੇ ਇਕ ਦਰੱਖਤ ਨਾਲ ਅਚਾਨਕ ਟਕਰਾਉਣ ਕਰ ਕੇ ਗੰਭੀਰ ਸੱਟਾਂ ਲੱਗਣ ਕਾਰਨ ਨੌਜਵਾਨ ਦੀ ਮੌਤ ਹੋ ਗਈ | ਕਾਰ ਚਲਾ ਰਿਹਾ ਉਸ ਦਾ ਭਰਾ ਵਾਲ ਵਾਲ ਬਚ ਗਿਆ | ਇਸ ਦੁਖਦਾਈ ਘਟਨਾ ਦਾ ਪਤਾ ਲੱਗਦਿਆਂ ਹੀ ਪਿੰਡ ਖ਼ਿਆਲੀ ਅਤੇ ਇਲਾਕੇ ਅੰਦਰ ਮਾਹੌਲ ਸੋਗਮਈ
