ਬਰਨਾਲਾ, 29 ਮਈ (ਅਸ਼ੋਕ ਭਾਰਤੀ)-ਆਲ ਪੰਜਾਬ ਆਂਗਣਵਾੜੀ ਯੂਨੀਅਨ ਬਲਾਕ ਬਰਨਾਲਾ ਵਲੋਂ ਜਾਅਲੀ ਬਿੱਲਾਂ ਤੇ ਦਸਤਖ਼ਤ ਕਰਵਾਉਣ ਦੇ ਵਿਰੋਧ ਵਿਚ ਜ਼ਿਲ੍ਹਾ ਪੋ੍ਰਗਰਾਮ ਅਫ਼ਸਰ ਬਰਨਾਲਾ ਦੇ ਦਫ਼ਤਰ ਅੱਗੇ ਰੋਸ ਪ੍ਰਦਰਸ਼ਨ ਕੀਤਾ ਗਿਆ ਅਤੇ ਮੰਗ-ਪੱਤਰ ਦਿੱਤਾ ਗਿਆ | ਜ਼ਿਲ੍ਹਾ ਪ੍ਰਧਾਨ ਦਲਜੀਤ ਕੌਰ ਨੇ ਕਿਹਾ ਕਿ ਸੀ.ਡੀ.ਪੀ.ਓ. ਦਫ਼ਤਰ ਵਲੋਂ ਵਰਕਰਾਂ ਤੇ ਹੈਲਪਰਾਂ ਤੋਂ ਜੋ ਬਿੱਲਾਂ 'ਤੇ ਦਸਤਖ਼ਤ ਕਰਵਾ ਰਹੇ ਹਨ, ਉਹ ਬਿਲਕੁਲ ਗ਼ਲਤ ਹੈ | ਜੋ ਸਮਾਨ ਅਸੀਂ ਖ਼ਰੀਦਿਆ ਹੀ ਨਹੀਂ ਅਸੀਂ ਉਨ੍ਹਾਂ 'ਤੇ ਦਸਤਖ਼ਤ ਕਿਵੇਂ ਕਰ ਸਕਦੇ ਹਾਂ | ਜੋ ਸਮਾਨ ਸਾਡੇ ਆਂਗਣਵਾੜੀ ਸੈਂਟਰਾਂ ਵਿਚ ਭੇਜਿਆ ਗਿਆ, ਅਸੀਂ ਸਿਰਫ਼ ਉਸ ਸਮਾਨ 'ਤੇ ਹੀ ਦਸਤਖ਼ਤ ਕਰ ਸਕਦੇ ਹਾਂ | ਉਸ ਤੋਂ ਇਲਾਵਾ ਜੋ ਕੰਧਾਂ 'ਤੇ ਪੇਂਟ ਦੇ ਬਿੱਲਾਂ ਤੇ ਦਸਤਖ਼ਤ ਕਰਵਾਏ ਹਨ, ਉਹ ਗ਼ਲਤ ਹਨ | ਇਸ ਮੌਕੇ ਸਰਕਲ ਪ੍ਰਧਾਨ ਜਸਪਾਲ ਕੌਰ, ਜਸਵੀਰ ਕੌਰ, ਹਰਕੀਰਤ ਕੌਰ, ਅੰਗੂਰੀ ਦੇਵੀ, ਕਿਰਨਾ ਰਾਣੀ, ਗੁਰਮੀਤ ਕੌਰ ਆਦਿ ਹਾਜ਼ਰ ਸਨ |
