ਅਭਿਸ਼ੇਕ ਦੀ ਫਾਰਮ ਬਾਰੇ ਚਿੰਤਾ ਨਾ ਕਰੋ-ਸੂਰਿਆਕੁਮਾਰ

ਅਹਿਮਦਾਬਾਦ, 21 ਫਰਵਰੀ (ਪੀ.ਟੀ.ਆਈ.)-ਦੱਖਣੀ ਅਫਰੀਕਾ ਵਿਰੁੱਧ ਐਤਵਾਰ ਨੂੰ ਹੋਣ ਵਾਲੇ ਸੁਪਰ 8 ਮੈਚ ਤੋਂ ਪਹਿਲਾਂ ਟੀ-20 ਵਿਸ਼ਵ ਕੱਪ ਵਿਚ ਤਿੰਨ ਮੈਚਾਂ 'ਚ ਸਿਫਰ 'ਤੇ ਆਊਟ ਹੋਏ ਅਭਿਸ਼ੇਕ ਸ਼ਰਮਾ ਦੇ ਫਾਰਮ ਬਾਰੇ ਸਵਾਲ ਉੱਠਣ ਤੋਂ ਬਾਅਦ ਕਪਤਾਨ ਸੂਰਿਆਕੁਮਾਰ ਯਾਦਵ ਨੇ ਇਕ ਦਲੇਰਾਨਾ ਤੇ ਸਿੱਧਾ ਜਵਾਬ ਦਿੱਤਾ | ਉਨ੍ਹਾਂ ਕਿਹਾ ਕਿ ਮੈਂ ਉਨ੍ਹਾਂ ਲੋਕਾਂ ਬਾਰੇ ਚਿੰਤਾ ਕਰਦਾ ਹਾਂ ਜੋ ਅਭਿਸ਼ੇਕ ਦੀ ਫਾਰਮ ਬਾਰੇ ਚਿੰਤਾ ਕਰ ਰਹੇ ਹਨ | ਉਹ ਅਭਿਸ਼ੇਕ ਦੀ ਫਾਰਮ ਬਾਰੇ ਇੰਨੇ ਚਿੰਤਤ ਕਿਉਂ ਹਨ? ਉਨ੍ਹਾਂ ਕਿਹਾ ਕਿ ਪਿਛਲੇ ਸਾਲ, ਅਭਿਸ਼ੇਕ ਨੇ ਸਾਡੇ ਸਾਰਿਆਂ ਨੂੰ ਕਵਰ ਕੀਤਾ ਤੇ ਹੁਣ ਉਸਨੂੰ ਕਵਰ ਕਰਨਾ ਸਾਡੀ ਜ਼ਿੰਮੇਵਾਰੀ ਹੈ | ਸੂਰਿਆਕੁਮਾਰ ਨੇ ਕਿਹਾ ਕਿ ਟੀਮ ਨੂੰ ਅਭਿਸ਼ੇਕ ਤੋਂ ਇਕ ਖਾਸ ਸ਼ੈਲੀ ਦੀ ਖੇਡ ਦੀ ਲੋੜ ਹੈ ਤੇ ਉਹ ਇਹੀ ਕਰਨ ਦੀ ਕੋਸ਼ਿਸ਼ ਕਰ ਰਿਹਾ ਹੈ | ਅਸੀਂ ਨਹੀਂ ਚਾਹੁੰਦੇ ਕਿ ਉਹ ਆਪਣੀ ਪਛਾਣ ਗੁਆ ਦੇਵੇ | ਜੇਕਰ ਇਹ ਤਰੀਕਾ ਕੰਮ ਨਹੀਂ ਕਰਦਾ, ਤਾਂ ਅਸੀਂ ਉਸਨੂੰ ਕਵਰ ਕਰਨ ਲਈ ਉੱਥੇ ਹਾਂ |