ਨਵੀਂ ਦਿੱਲੀ, 24 ਫਰਵਰੀ (ਪੀ. ਟੀ. ਆਈ.)-ਮਹਾਨ ਭਾਰਤੀ ਬੱਲੇਬਾਜ਼ ਸਚਿਨ ਤੇਂਦੁਲਕਰ ਵਿਰੁੱਧ ਗਲਤ ਫੈਸਲਾ ਦੇਣ ਤੋਂ 2 ਦਹਾਕਿਆਂ ਤੋਂ ਵੱਧ ਸਮੇਂ ਬਾਅਦ, ਮਹਾਨ ਅੰਪਾਇਰ ਸਟੀਵ ਬਕਨਰ ਨੇ ਅੰਤ 'ਚ ਪਛਤਾਵਾ ਪ੍ਰਗਟ ਕੀਤਾ ਹੈ ਤੇ ਮੰਨਿਆ ਹੈ ਕਿ ਇਹ ਇਕ ਗਲਤੀ ਸੀ | ਬਕਨਰ, ਜੋ 2009 'ਚ ਸੇਵਾਮੁਕਤ ਹੋਏ ਸਨ, 2 ਦਹਾਕਿਆਂ ਤੋਂ ਵੱਧ ਸਮੇਂ ਲਈ ਦੁਨੀਆਂ ਦੇ ਸਭ ਤੋਂ ਸਤਿਕਾਰਤ ਅੰਪਾਇਰਾਂ ਵਿਚੋਂ ਇਕ ਸੀ | ਹਾਲਾਂਕਿ, ਉਸਨੇ ਤੇਂਦੁਲਕਰ ਨਾਲ ਸੰਬੰਧਿਤ ਕੁਝ ਵਿਵਾਦਪੂਰਨ ਫੈਸਲੇ ਲਏ ਸਨ, ਜਿਨ੍ਹਾਂ 'ਚੋਂ ਸਭ ਤੋਂ ਹੈਰਾਨ ਕਰਨ ਵਾਲਾ 22 ਸਾਲ ਪਹਿਲਾਂ ਬਿ੍ਸਬੇਨ ਦੇ ਗਾਬਾ 'ਚ ਭਾਰਤ-ਆਸਟ੍ਰੇਲੀਆ ਟੈਸਟ ਮੈਚ ਦÏਰਾਨ ਐਲ. ਬੀ. ਡਬਲਿਊ. ਦੇਣਾ ਸੀ | ਵੈਸਟ ਇੰਡੀਜ਼ ਕ੍ਰਿਕਟ ਅੰਪਾਇਰ ਐਸੋਸੀਏਸ਼ਨ ਨਾਲ ਇਕ ਇੰਟਰਵਿਊ 'ਚ, ਜਦੋਂ ਅੰਪਾਇਰ ਵਜੋਂ ਉਸਦੇ ਸਭ ਤੋਂ ਮੁਸ਼ਕਲ ਫੈਸਲਿਆਂ 'ਚੋਂ ਇਕ ਬਾਰੇ ਪੁੱਛਿਆ ਗਿਆ, ਤਾਂ ਬਕਨਰ ਨੇ ਕਿਹਾ, ਸਚਿਨ ਤੇਂਦੁਲਕਰ ਨੂੰ ਐਲ. ਬੀ. ਡਬਲਿਊ. ਦੇਣਾ | ਇਹ ਇਕ ਗਲਤੀ ਸੀ, ਪਰ ਅੱਜ ਵੀ ਲੋਕ ਹਰ ਰੋਜ਼ ਇਸ ਬਾਰੇ ਗੱਲ ਕਰਦੇ ਹਨ |
