ਜੋਕੋਵਿਚ ਤੇ ਆਈਲੀਨ ਗੂ 'ਲੌਰੀਅਸ ਵਿਸ਼ਵ ਸਪੋਰਟਸ ਐਵਾਰਡ' ਦੀ ਕਰਨਗੇ ਸਹਿ-ਮੇਜ਼ਬਾਨੀ

ਮੈਡਰਿਡ, 18 ਅਪ੍ਰੈਲ (ਪੀ.ਟੀ.ਆਈ.)-ਆਪਣੀ ਪੀੜ੍ਹੀ ਦੇ 2 ਸਭ ਤੋਂ ਪ੍ਰਭਾਵਸ਼ਾਲੀ ਐਥਲੀਟ ਨੋਵਾਕ ਜੋਕੋਵਿਚ ਤੇ ਆਈਲੀਨ ਗੂ ਇਸ ਸਾਲ ਦੇ 'ਲੌਰੀਅਸ ਵਿਸ਼ਵ ਸਪੋਰਟਸ ਅਵਾਰਡ' ਦੀ ਸਾਂਝੇ ਤÏਰ 'ਤੇ ਮੇਜ਼ਬਾਨੀ ਕਰਨਗੇ | ਖੇਡ ਕੈਲੰਡਰ ਦੇ ਸਭ ਤੋਂ ਵੱਡੇ ਪੁਰਸਕਾਰ ਸਮਾਰੋਹ 'ਚ ਪਹਿਲੀ ਵਾਰ ਦੋ ਸਰਗਰਮ ਐਥਲੀਟ ਪੇਸ਼ਕਾਰੀਆਂ ਦੀ ਭੂਮਿਕਾ ਨਿਭਾਉਣਗੇ | ਇਹ ਪ੍ਰੋਗਰਾਮ 20 ਅਪ੍ਰੈਲ ਨੂੰ ਮੈਡਰਿਡ ਦੇ ਪ੍ਰਤੀਕ ਪਲਾਸੀਓ ਡੀ ਸਿਬੇਲਸ ਵਿਖੇ ਕਰਵਾਇਆ ਜਾਣਾ ਹੈ | ਇਹ ਸਮਾਰੋਹ ਖੇਡਾਂ, ਮਨੋਰੰਜਨ ਤੇ ਸੱਭਿਆਚਾਰ ਦੀ ਦੁਨੀਆ ਦੇ ਦਿੱਗਜਾਂ ਨੂੰ ਇਕ ਪਲੇਟਫਾਰਮ 'ਤੇ ਇਕੱਠਾ ਕਰਕੇ ਉੱਤਮਤਾ ਤੇ ਪ੍ਰੇਰਨਾ ਦਾ ਜਸ਼ਨ ਮਨਾਉਂਦਾ ਹੈ |