ਭਾਰਤ ਨੇ ਦੂਜੇ ਦਿਨ ਤਿੰਨ ਚਾਂਦੀ ਤੇ ਇਕ ਕਾਂਸੀ ਦਾ ਤਗਮਾ ਜਿੱਤਿਆ <br/>

ਕਾਹਿਰਾ, 22 ਅਪ੍ਰੈਲ (ਪੀ. ਟੀ. ਆਈ.)-ਭਾਰਤ ਦੇ ਜੂਨੀਅਰ ਨਿਸ਼ਾਨੇਬਾਜ਼ਾਂ ਨੇ ਬੁੱਧਵਾਰ ਨੂੰ ਇਥੇ ਆਈ. ਐਸ. ਐਸ. ਐਫ. ਜੂਨੀਅਰ ਵਿਸ਼ਵ ਕੱਪ ਦੇ ਦੂਜੇ ਦਿਨ ਤਿੰਨ ਚਾਂਦੀ ਅਤੇ ਇਕ ਕਾਂਸੀ ਸਮੇਤ ਚਾਰ ਹੋਰ ਤਗਮੇ ਜਿੱਤੇ | ਰੋਹਿਤ ਕੰਨਿਆਨ ਨੇ 50 ਮੀਟਰ ਰਾਈਫਲ ਪ੍ਰੋਨ ਪੁਰਸ਼ ਜੂਨੀਅਰ ਈਵੈਂਟ ਵਿਚ 615.8 ਦੇ ਯਤਨ ਨਾਲ ਭਾਰਤ ਨੂੰ ਦਿਨ ਦਾ ਆਪਣਾ ਪਹਿਲਾ ਚਾਂਦੀ ਦਾ ਤਗਮਾ ਦਿਵਾਇਆ | ਸੇਜਲ ਕਾਂਬਲੇ ਨੇ ਫਿਰ ਜੂਨੀਅਰ ਮਹਿਲਾ 25 ਮੀਟਰ ਪਿਸਟਲ ਕੁਆਲੀਫਾਇਰ 'ਚ 27 ਹਿੱਟਾਂ ਨਾਲ ਦੂਜੇ ਸਥਾਨ 'ਤੇ ਰਹੀ | ਰਾਜ ਚੰਦਰ ਨੇ 580 ਅੰਕ ਅਤੇ ਅਭਿਨਵ ਦੇਸ਼ਵਾਲ ਨੇ 578 ਅੰਕ ਪ੍ਰਾਪਤ ਕਰਕੇ 25 ਮੀਟਰ ਪਿਸਟਲ ਪੁਰਸ਼ ਜੂਨੀਅਰ ਮੁਕਾਬਲੇ 'ਚ ਕ੍ਰਮਵਾਰ ਚਾਂਦੀ ਅਤੇ ਕਾਂਸੀ ਦਾ ਤਗਮਾ ਜਿੱਤਿਆ |