-ਟੇਬਲ ਟੈਨਿਸ ਚੈਂਪੀਅਨਸ਼ਿਪ- ਪਿ੍ਆਨੁਜ ਅੰਡਰ-19 ਤੇ ਰਿਤਵਿਕ ਅੰਡਰ-17 ਰਾਸ਼ਟਰੀ ਚੈਂਪੀਅਨ ਬਣੇ <br/>

ਦੇਹਰਾਦੂਨ, 23 ਅਪ੍ਰੈਲ (ਪੀ.ਟੀ.ਆਈ.)-ਫਾਈਨਲ 'ਚ ਸ਼ਾਨਦਾਰ ਵਾਪਸੀ ਕਰਦੇ ਹੋਏ ਅਸਾਮ ਦੇ ਪਿ੍ਯਨੁਜ ਭੱਟਾਚਾਰੀਆ ਨੇ ਵੀਰਵਾਰ ਨੂੰ ਤਾਮਿਲਨਾਡੂ ਦੇ ਪੀ.ਬੀ. ਅਭਿਨੰਦ ਨੂੰ ਹਰਾ ਕੇ ਇੱਥੇ ਕਰਵਾਏ ਜਾ ਰਹੇ ਜੂਨੀਅਰ ਅਤੇ ਯੂਥ ਰਾਸ਼ਟਰੀ ਟੇਬਲ ਟੈਨਿਸ ਚੈਂਪੀਅਨਸ਼ਿਪ 'ਚ ਅੰਡਰ-19 ਲੜਕਿਆਂ ਦੇ ਸਿੰਗਲਜ਼ ਦਾ ਖਿਤਾਬ ਜਿੱਤਿਆ | ਭੱਟਾਚਾਰੀਆ ਨੇ 4-2 ਨਾਲ ਜਿੱਤ ਦਰਜ ਕੀਤੀ | ਤਾਮਿਲਨਾਡੂ ਦੇ ਅਭਿਨੰਦ ਤੇ ਐਮ.ਆਰ. ਬਾਲਾਮੁਰਗਨ ਨੇ ਆਪਣੇ ਰਾਜ ਦੇ ਸਾਥੀ, ਐਸ.ਕੇ. ਮੇਹਨ ਤੇ ਉਮੇਸ਼ ਕੁਮਾਰ 'ਤੇ 3-1 ਦੀ ਜਿੱਤ ਨਾਲ ਡਬਲਜ਼ ਦਾ ਖਿਤਾਬ ਜਿੱਤਿਆ | ਇਸ ਦÏਰਾਨ, ਅੰਡਰ-17 ਲੜਕਿਆਂ ਦੇ ਸਿੰਗਲਜ਼ ਵਰਗ ਦਾ ਫਾਈਨਲ ਇਕ ਰੋਮਾਂਚਕ ਮਾਮਲਾ ਸਾਬਤ ਹੋਇਆ, ਜਿਸ 'ਚ ਜੰਮੂ ਤੇ ਕਸ਼ਮੀਰ ਦੇ ਰਿਤਵਿਕ ਗੁਪਤਾ ਨੇ ਓਡੀਸ਼ਾ ਦੇ ਸਾਰਥਕ ਆਰੀਆ ਨੂੰ ਇਕ ਸਖ਼ਤ ਮੁਕਾਬਲੇ ਵਾਲੇ ਮੈਚ 'ਚ 4-3 ਨਾਲ ਹਰਾ ਕੇ ਖਿਤਾਬ ਜਿੱਤਿਆ | ਅੰਡਰ-17 ਲੜਕਿਆਂ ਦੇ ਡਬਲਜ਼ ਮੁਕਾਬਲੇ 'ਚ ਸਾਹਿਲ ਰਾਵਤ ਤੇ ਧੀਰਯ ਰਾਵਤ ਨੇ 5 ਗੇਮਾਂ ਤੱਕ ਚੱਲੇ ਇਕ ਸਖ਼ਤ ਮੁਕਾਬਲੇ 'ਚ ਆਪਣੇ ਹੀ ਕਲੱਬ ਸਾਥੀਆਂ ਤਿ੍ਸ਼ਾਲ ਰਾਜ ਕੁਮਾਰ ਤੇ ਰਿਸ਼ੀਕੇਸ਼ ਜਗਤਾਪ ਨੂੰ ਹਰਾ ਕੇ ਚੈਂਪੀਅਨਸ਼ਿਪ ਜਿੱਤੀ |