ਸੂਰਿਆਵੰਸ਼ੀ ਸਭ ਤੋਂ ਤੇਜ਼ ਆਈ. ਪੀ. ਐਲ. ਸੈਂਕੜੇ ਤੋਂ ਖੁੰਝਿਆ, ਹੈਦਰਾਬਾਦ ਆਈ. ਪੀ. ਐਲ. ਤੋਂ ਬਾਹਰ <br/>

ਨਿਊ ਚੰਡੀਗੜ•, 27 ਮਈ (ਏਜੰਸੀ)-ਸਨਰਾਈਜ਼ਰਸ ਹੈਦਰਾਬਾਦ ਆਈ.ਪੀ.ਐਲ. 2026 ਤੋਂ ਬਾਹਰ ਹੋ ਗਈ ਹੈ | ਟੀਮ ਨੇ ਐਲੀਮੀਨੇਟਰ ਮੁਕਾਬਲੇ 'ਚ ਰਾਜਸਥਾਨ ਰਾਇਲਸ ਨੂੰ 47 ਦੌੜਾਂ ਨਾਲ ਹਰਾ ਦਿੱਤਾ | ਕੁਆਲੀਫਾਇਰ-2 'ਚ 29 ਮਈ ਨੂੰ ਰਾਜਸਥਾਨ ਦਾ ਮੁਕਾਬਲਾ ਨਿਊ ਚੰਡੀਗੜ• 'ਚ ਗੁਜਰਾਤ ਟਾਈਟਨਜ਼ ਨਾਲ ਹੋਵੇਗਾ | ਇਸ ਮੈਚ ਨੂੰ ਜਿੱਤਣ ਵਾਲੀ ਟੀਮ 31 ਮਈ ਨੂੰ ਅਹਿਮਦਾਬਾਦ 'ਚ ਰਾਇਲ ਚੈਲੰਜਰਸ ਬੈਂਗਲੁਰੂ ਨਾਲ ਫਾਈਨਲ ਖੇਡੇਗੀ | ਇਥੇ ਮਹਾਰਾਜਾ ਯਾਦਵਿੰਦਰ ਸਿੰਘ ਅੰਤਰਰਾਸ਼ਟਰੀ ਕ੍ਰਿਕਟ ਸਟੇਡੀਅਮ 'ਚ ਹੈਦਰਾਬਾਦ ਨੇ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਦਾ ਫ਼ੈਸਲਾ ਲਿਆ | ਰਾਜਸਥਾਨ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ 20 ਓਵਰਾਂ 'ਚ 8 ਵਿਕਟਾਂ 'ਤੇ 243 ਦੌੜਾਂ ਬਣਾਈਆਂ | ਟੀਮ ਵਲੋਂ ਵੈਭਵ ਸੂਰਿਆਵੰਸ਼ੀ ਨੇ 29 ਗੇਂਦਾਂ 'ਤੇ 5 ਚੌਕੇ ਤੇ 12 ਛੱਕਿਆਂ ਦੀ ਮਦਦ ਨਾਲ 97 ਦੌੜਾਂ ਦੀ ਪਾਰੀ ਖੇਡੀ | ਇਸ ਦੇ ਨਾਲ ਹੀ ਚੰਗਾ ਸਾਥ ਦਿੰਦਿਆਂ ਧਰੁਵ ਜੁਰਲ ਨੇ 21 ਗੇਂਦਾਂ 'ਤੇ 50 ਦੌੜਾਂ ਬਣਾਈਆਂ | ਯਸ਼ਸਵੀ ਜਾਇਸਵਾਲ 29 ਦੌੜਾਂ ਤੇ ਰਿਆਨ ਪਰਾਗ 26 ਦੌੜਾਂ ਬਣਾ ਕੇ ਆਊਟ ਹੋ ਗਏ | ਹੈਦਰਾਬਾਦ ਵਲੋਂ ਪ੍ਰਫੁਲ ਹਿੰਗੇ ਨੇ 3 ਵਿਕਟਾਂ, ਜਦੋਂ ਕਿ ਸ਼ਿਵਾਂਗ ਕੁਮਾਰ, ਨਿਤਿਸ਼ ਕੁਮਾਰ ਰੈਡੀ ਤੇ ਅਹਿਸਾਨ ਮਲਿੰਗਾ ਨੇ 1-1 ਵਿਕਟ ਹਾਸਿਲ ਕੀਤੀ | ਜਵਾਬ 'ਚ ਹੈਦਰਾਬਾਦ ਟੀਮ 19.2 ਓਵਰਾਂ 'ਚ 10 ਵਿਕਟਾਂ 'ਤੇ 196 ਦੌੜਾਂ ਹੀ ਬਣਾ ਸਕੀ | ਟੀਮ ਵਲੋਂ ਨਿਤਿਸ਼ ਕੁਮਾਰ ਰੈਡੀ ਨੇ ਸਭ ਤੋਂ ਵੱਧ 38 ਦੌੜਾਂ ਬਣਾਈਆਂ |
ਇਸ ਤੋਂ ਬਾਅਦ ਸਲਿਲ ਅਰੋੜਾ 35 ਅਤੇ ਇਸ਼ਾਨ ਕਿਸ਼ਨ 33 ਦੌੜਾਂ ਬਣਾ ਕੇ ਆਊਟ ਹੋ ਗਏ | ਸ਼ਿਵਾਂਗ ਕੁਮਾਰ ਨੇ 27 ਦੌੜਾਂ ਬਣਾਈਆਂ | ਹੋਰ ਖਿਡਾਰੀ ਖਾਸ ਪ੍ਰਦਰਸ਼ਨ ਨਹੀਂ ਵਿਖਾ ਸਕੇ | ਰਾਜਸਥਾਨ ਵਲੋਂ ਜੋਫਰਾ ਆਰਚਰ ਨੇ 3 ਵਿਕਟਾਂ, ਰਵਿੰਦਰ ਜਡੇਜਾ, ਸੁਸ਼ਾਂਤ ਮਿਸ਼ਰਾ, ਨੰਦਰੇ ਬਰਗਰ ਨੇ 2-2 ਵਿਕਟਾਂ ਤੇ ਯਸ਼ਰਾਜ ਨੇ 1 ਵਿਕਟ ਹਾਸਿਲ ਕੀਤੀ |
ਸੂਰਿਆਵੰਸ਼ੀ ਨੇ ਕ੍ਰਿਸ ਗੇਲ ਦਾ ਤੋੜਿਆ ਛੱਕਿਆਂ ਦਾ ਰਿਕਾਰਡ
ਪਟਨਾ, (ਏਜੰਸੀ)-ਕ੍ਰਿਕਟਰ ਵੈਭਵ ਸੂਰਿਆਵੰਸ਼ੀ ਨੇ ਕਿ੍ਸ ਗੇਲ ਦਾ ਇਕ ਸੀਜ਼ਨ 'ਚ ਸਭ ਤੋਂ ਜ਼ਿਆਦਾ ਛੱਕੇ ਲਗਾਉਣ ਦਾ ਰਿਕਾਰਡ ਤੋੜ ਦਿੱਤਾ ਹੈ | ਗੇਲ ਨੇ 2012 'ਚ 59 ਛੱਕੇ ਲਗਾਏ ਸਨ, ਜਦੋਂ ਕਿ ਸੂਰਿਆਵੰਸ਼ੀ ਇਸ ਸੀਜ਼ਨ 'ਚ 65 ਛੱਕੇ ਲਗਾ ਚੁੱਕੇ ਹਨ | ਉਨ੍ਹਾਂ 16 ਗੇਂਦਾਂ 'ਤੇ ਅਰਧ ਸੈਂਕੜਾ ਲਗਾਇਆ | ਇਸ ਸੀਜ਼ਨ 'ਚ ਉਨ੍ਹਾਂ ਦੀਆਂ 600 ਦੌੜਾਂ ਵੀ ਪੂਰੀਆਂ ਹੋ ਗਈਆਂ ਹਨ | ਸੂਰਿਆਵੰਸ਼ੀ 97 ਦੌੜਾਂ ਬਣਾ ਕੇ ਆਊਟ ਹੋ ਗਏ | ਉਨ੍ਹਾਂ ਪ੍ਰਫੁੱਲ ਹਿੰਗੇ ਦੀ ਗੇਂਦ 'ਤੇ ਥਰਡ ਮੈਨ ਉਪਰ ਸ਼ਾਟ ਖੇਡਣ ਦੀ ਕੋਸ਼ਿਸ਼ ਕੀਤੀ, ਪਰ ਆਰ. ਸਮਰਣ ਨੇ ਸ਼ਾਨਦਾਰ ਕੈਚ ਫੜ ਲਿਆ | ਹਾਲਾਂਕਿ ਮੈਚ ਦੌਰਾਨ ਰਾਜਸਥਾਨ ਰਾਇਲਜ਼ ਦੇ ਬੱਲੇਬਾਜ਼ ਵੈਭਵ ਸੂਰਿਆਵੰਸ਼ੀ ਆਈ.ਪੀ.ਐਲ. ਦਾ ਸਭ ਤੋਂ ਤੇਜ਼ ਸੈਂਕੜਾ ਲਗਾਉਣ ਤੋਂ ਖੁੰਝ ਗਏ ਅਤੇ ਉਹ 29 ਗੇਂਦਾਂ ਵਿਚ 5 ਚੌਕੇ ਤੇ 12 ਛੱਕਿਆਂ ਦੀ ਮਦਦ ਨਾਲ 97 ਦੌੜਾਂ ਦੀ ਪਾਰੀ ਖੇਡ ਕੇ ਆਊਟ ਹੋ ਗਏ | ਸੂਰਿਆਵੰਸ਼ੀ ਦੇ ਆਊਟ ਹੋਣ ਬਾਅਦ ਇਸ਼ਾਨ ਕਿਸ਼ਨ ਨੇ ਉਨ੍ਹਾਂ ਦੀ ਪਿੱਠ ਥਪਥਪਾਈ | ਸੂਰਿਆਵੰਸ਼ੀ ਦੀ ਧਮਾਕੇਦਾਰ ਬੱਲੇਬਾਜ਼ੀ ਵੇਖ ਕੇ ਵੈਸਟਇੰਡੀਜ਼ ਦੇ ਦਿਗਜ਼ ਬੱਲੇਬਾਜ਼ ਕ੍ਰਿਸ ਗੇਲ ਵੀ ਉਨ੍ਹਾਂ ਦੇ ਮੁਰੀਦ ਹੋ ਗਏ | ਉਨ੍ਹਾਂ ਕਿਹਾ ਕਿ ਮਹਿਜ਼ 15 ਸਾਲ ਦੀ ਉਮਰ 'ਚ ਅਜਿਹਾ ਕਰਨਾ ਆਸਾਨ ਨਹੀਂ ਹੈ | ਗੇਲ ਨੇ ਕਿਹਾ ਕਿ ਮੈਂ ਪਹਿਲਾਂ ਹੀ ਕਿਹਾ ਸੀ ਕਿ ਜੇ ਕੋਈ ਮੇਰਾ ਰਿਕਾਰਡ ਤੋੜ ਸਕਦਾ ਹੈ ਤਾਂ ਉਹ ਸਿਰਫ਼ ਵੈਭਵ ਹੀ ਹੋਣਗੇ | ਅੱਜ ਮੈਨੂੰ ਖੁਸ਼ੀ ਹੈ ਕਿ ਵੈਭਵ ਨੇ ਇਕ ਹੀ ਸੀਜ਼ਨ 'ਚ ਸਭ ਤੋਂ ਵੱਧ ਛੱਕਿਆਂ ਦਾ ਮੇਰਾ ਰਿਕਾਰਡ ਤੋੜ ਦਿੱਤਾ |