ਭਾਰਤ ਨੇ 6ਵੀਂ ਵਾਰ ਜਿੱਤਿਆ ਖ਼ਿਤਾਬ
ਮੋਕੀ (ਚੀਨ), 13 ਸਤੰਬਰ (ਪੀ. ਟੀ.
ਮੋਕੀ (ਚੀਨ), 13 ਸਤੰਬਰ (ਪੀ. ਟੀ. ਆਈ.)-ਭਾਰਤੀ ਪੁਰਸ਼ ਹਾਕੀ ਟੀਮ ਨੇ ਦੱਖਣੀ ਕੋਰੀਆ ਨੂੰ 4-1 ਨਾਲ ਹਰਾ ਕੇ ਲਗਤਾਰ 6ਵੀਂ ਵਾਰ ਏ.ਐਚ.ਐਫ. ਜੂਨੀਅਰ ਏਸ਼ੀਆ ਕੱਪ ਦਾ ਖ਼ਿਤਾਬ ਆਪਣੇ ਨਾਂਅ ਕਰਦਿਆਂ ਜੂਨੀਅਰ ਹਾਕੀ ਵਿਸ਼ਵ ਕੱਪ ਲਈ ਵੀ ਜਗ੍ਹਾ ਪੱਕੀ ਕਰ ਲਈ ਹੈ।ਕਪਤਾਨ ਅਨਮੋਲ ਇੱਕਾ (13ਵੇਂ ਮਿੰਟ) ਅਤੇ ਅਜੀਤ ਯਾਦਵ (9ਵੇਂ ਮਿੰਟ) ਨੇ ਪਹਿਲੇ ਕੁਆਰਟਰ ਵਿਚ ਗੋਲ ਦਾਗੇ, ਜਦੋਂਕਿ ਦੂਜੇ ਕੁਆਰਟਰ ਵਿਚ ਪ੍ਰਭਦੀਪ ਸਿੰਘ (21ਵੇਂ ਮਿੰਟ) ਨੇ ਟੀਮ ਦੇ ਸਕੋਰ ਵਿਚ ਇਕ ਹੋਰ ਗੋਲ ਦਾ ਵਾਧਾ ਕਰਦਿਆਂ ਸਕੋਰ 3-0 ਕਰ ਦਿੱਤਾ।ਆਸ਼ੂ ਮੌਰਿਆ ਨੇ 50ਵੇਂ ਮਿੰਟ ਵਿਚ ਗੋਲ ਕਰਕੇ ਜਿੱਤ ’ਤੇ ਮੋਹਰ ਲਗਾ ਦਿੱਤੀ। ਕਪਤਾਨ ਲੀ ਮਿਨਹਯੋਕ (54ਵੇਂ ਮਿੰਟ) ਨੇ ਦੱਖਣੀ ਕੋਰੀਆ ਇਕਮਾਤਰ ਗੋਲ ਕੀਤਾ।ਭਾਰਤੀ ਟੀਮ ਨੇ ਟੂਰਨਾਮੈਂਟ ਦੌਰਾਨ ਸਭ ਤੋਂ ਵੱਧ 17 ਗੋਲ ਕੀਤੇ, ਜਦੋਂਕਿ ਗੋਲਕੀਪਰ ਵਿਵੇਕ ਕਾਲਰਾ ਨੂੰ ਵੀ ਟੂਰਨਾਮੈਂਟ ਦਾ ਸਰਬੋਤਮ ਗੋਲਕਪੀਰ ਐਲਾਨਿਆ ਗਿਆ। ਹਾਕੀ ਇੰਡੀਆ ਵਲੋਂ ਭਾਰਤੀ ਪੁਰਸ਼ ਤੇ ਮਹਿਲਾ ਟੀਮਾਂ ਦੇ ਹਰੇਕ ਖਿਡਾਰੀ ਨੂੰ 3-3 ਲੱਖ ਰੁਪਏ, ਜਦੋਂਕਿ ਸਹਾਇਕ ਸਟਾਫ਼ ਦੇ ਹਰੇਕ ਮੈਂਬਰ ਲਈ 1.5-1.5 ਲੱਖ ਰੁਪਏ ਦੀ ਇਨਾਮੀ ਰਾਸ਼ੀ ਦਾ ਐਲਾਨ ਕੀਤਾ ਗਿਆ ਹੈ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਐਤਵਾਰ ਨੂੰ ਜੂਨੀਅਰ ਹਾਕੀ ਟੀਮਾਂ ਨੂੰ ਏਸ਼ੀਆ ਕੱਪ ਜਿੱਤਣ ‘ਤੇ ਵਧਾਈ ਦਿੱਤੀ ਅਤੇ ਕਿਹਾ ਕਿ ਇਹ ਸਫਲਤਾ ਖਿਡਾਰੀਆਂ ਦੀ ਪ੍ਰਤਿਭਾ ਅਤੇ ਦ੍ਰਿੜ੍ਹ ਇਰਾਦੇ ਨੂੰ ਦਰਸਾਉਂਦੀ ਹੈ।
![repet_subhas-goyals [Copy P29]](/cms_ads/20260901/2548__2535__2535_repet_subhas-goyal.jpg)
