ਯੂ. ਕੇ. 'ਚ ਬਾਫਟਾ ਪੁਰਸਕਾਰ ਸਮਾਰੋਹ ਤੋਂ ਪਹਿਲਾਂ ਸਾਰਿਆਂ ਦੀਆਂ ਨਜ਼ਰਾਂ ਭਾਰਤੀ ਫਿਲਮਾਂ 'ਤੇ
ਅਜੀਤ ਡੈਸਕ
22-02-2026
ਲੰਡਨ 'ਚ ਬਾਫਟਾ ਹੈੱਡਕੁਆਰਟਰ ਵਿਖੇ ਆਯੋਜਿਤ 'ਸੈਲੀਬ੍ਰੇਟਿੰਗ ਸਾਊਥ ਏਸ਼ੀਅਨਜ਼' ਸਮਾਗਮ 'ਚ ਆਪਣੇ ਸੰਬੋਧਨ ਵਿਚ ਗੰਧਾਬੀਰ ਨੇ ਕਿਹਾ ਕਿ ਅਸੀਂ ਇਕ ਬਹੁਤ ਹੀ ਚਿੰਤਾਜਨਕ ਅਤੇ ਖ਼ਤਰਨਾਕ ਸਮੇਂ ਵਿਚ ਰਹਿੰਦੇ ਹਾਂ | ਉਸਨੇ ਅੱਗੇ ਕਿਹਾ ਕਿ ਇੱਕ ਏਸ਼ੀਆਈ ਤੇ ਦੱਖਣੀ ਏਸ਼ੀਆਈ ਹੋਣ ਦੇ ਨਾਤੇ, ਇੱਥੇ ਆ ਕੇ ਬਹੁਤ ਵਧੀਆ ਮਹਿਸੂਸ ਹੋ ਰਿਹਾ ਹੈ | ਮੈਂ ਸਾਰਿਆਂ ਨੂੰ ਯਾਦ ਦਿਵਾਉਣਾ ਚਾਹੁੰਦੀ ਹਾਂ ਕਿ ਇਹ ਸਮਾਂ ਹੈ ਕਿ ਦੂਜੇ ਹਾਸ਼ੀਏ 'ਤੇ ਧੱਕੇ ਗਏ ਭਾਈਚਾਰਿਆਂ ਨਾਲ ਮਿਲ ਕੇ ਕੰਮ ਕੀਤਾ ਜਾਵੇ | ਐਮੀ ਅਵਾਰਡ ਜੇਤੂ ਫਿਲਮ ਨਿਰਮਾਤਾ ਨੇ ਕਿਹਾ ਕਿ ਮਹਾਨ ਸਪਾਈਕ ਲੀ ਨੇ ਮੈਨੂੰ ਫਿਲਮ ਇੰਡਸਟਰੀ 'ਚ ਮੇਰਾ ਪਹਿਲਾ ਬ੍ਰੇਕ ਦਿੱਤਾ, ਇਹ ਅਸਲ 'ਚ ਅਮਰੀਕਾ ਵਿਚ ਕਾਲਾ ਭਾਈਚਾਰਾ ਸੀ ਜਿਸਨੇ ਮੇਰੇ ਲਈ ਦਰਵਾਜ਼ੇ ਖੋਲ੍ਹੇ ਤੇ ਮੈਂ ਅੱਜ ਉਨ੍ਹਾਂ ਦੇ ਮੋਢਿਆਂ 'ਤੇ ਖੜ੍ਹੀ ਹਾਂ | ਅਸੀਂ ਇਹ ਲੜਾਈ ਲੜ ਰਹੇ ਹਾਂ ਕਿ ਅਮਰੀਕਾ 'ਚ ਜੋ ਕੁਝ ਵਾਪਰਦਾ ਹੈ ਉਹ ਪੂਰੀ ਦੁਨੀਆ ਨੂੰ ਪ੍ਰਭਾਵਿਤ ਕਰਦਾ ਹੈ | ਫਿਲਮ 'ਬੂੰਗ' ਦੀ ਨੁਮਾਇੰਦਗੀ ਫਿਲਮ ਦੇ ਸਹਾਇਕ ਨਿਰਦੇਸ਼ਕ ਰਾਹੁਲ ਸ਼ਾਰਦਾ ਨੇ ਖੁਸ਼ੀ ਜ਼ਾਹਰ ਕੀਤੀ ਕਿ ਭਾਰਤ ਦੀ ਇਕ ਖੇਤਰੀ ਫਿਲਮ ਨੂੰ ਵਿਸ਼ਵ ਪੱਧਰ 'ਤੇ ਮਾਨਤਾ ਮਿਲ ਰਹੀ ਹੈ | ਸ਼ਾਰਦਾ ਨੇ ਕਿਹਾ ਕਿ ਮੈਨੂੰ ਬਾਲੀਵੁੱਡ ਪਸੰਦ ਹੈ, ਭਾਰਤ ਕੋਲ ਆਪਣੀ ਸੱਭਿਆਚਾਰਕ ਵਿਭਿੰਨਤਾ ਨਾਲ ਪੇਸ਼ ਕਰਨ ਲਈ ਬਹੁਤ ਕੁਝ ਹੈ | ਜ਼ਿਕਰਯੋਗ ਹੈ ਕਿ 79ਵਾਂ ਸਾਲਾਨਾ ਬਾਫਟਾ ਪੁਰਸਕਾਰ ਸਮਾਰੋਹ ਐਤਵਾਰ ਨੂੰ ਲੰਡਨ ਦੇ ਰਾਇਲ ਫੈਸਟੀਵਲ ਹਾਲ ਵਿਖੇ ਆਯੋਜਿਤ ਕੀਤਾ ਜਾ ਰਿਹਾ ਹੈ |
