-ਐਫ.ਆਈ.ਐਚ. ਪ੍ਰੋ ਲੀਗ- ਭਾਰਤ ਸਪੇਨ ਤੋਂ 0-2 ਨਾਲ ਹਾਰਿਆ <br/>

ਹੋਬਾਰਟ, 21 ਫਰਵਰੀ (ਪੀ.ਟੀ.ਆਈ.)-ਭਾਰਤੀ ਟੀਮ ਦੀਆਂ ਐਫ.ਆਈ.ਐਚ. ਪੁਰਸ਼ ਪ੍ਰੋ ਲੀਗ 'ਚ ਵਾਪਸੀ ਦੀਆਂ ਉਮੀਦਾਂ ਇੱਥੇ ਸਪੇਨ ਤੋਂ 0-2 ਨਾਲ ਹਾਰ ਨਾਲ ਚਕਨਾਚੂਰ ਹੋ ਗਈਆਂ | ਭਾਰਤ ਹੁਣ ਐਤਵਾਰ ਨੂੰ ਪ੍ਰੋ ਲੀਗ ਦੇ ਹੋਬਾਰਟ ਪੜਾਅ ਦੇ ਆਪਣੇ ਦੂਜੇ ਮੈਚ 'ਚ ਮੇਜ਼ਬਾਨ ਆਸਟ੍ਰੇਲੀਆ ਦਾ ਸਾਹਮਣਾ ਕਰੇਗਾ | ਭਾਰਤੀ ਟੀਮ ਦਾ ਮਾੜਾ ਫਾਰਮ ਇਸ ਵਾਰ ਵੀ ਜਾਰੀ ਰਿਹਾ | ਸਪੇਨ ਲਈ ਇਗਨਾਸੀਓ ਅਬਾਜੋ ਨੇ ਛੇਵੇਂ ਮਿੰਟ 'ਚ ਤੇ ਇਗਨਾਸੀਓ ਕੋਬੋਸ ਨੇ 36ਵੇਂ ਮਿੰਟ ਵਿਚ ਗੋਲ ਕੀਤੇ | ਸਪੈਨਿਸ਼ ਟੀਮ ਨੇ ਆਪਣੇ ਮੌਕਿਆਂ ਦਾ ਫਾਇਦਾ ਉਠਾਇਆ, ਜਦੋਂ ਕਿ ਭਾਰਤ, ਲਗਾਤਾਰ ਹਮਲੇ ਦੇ ਬਾਵਜੂਦ, ਨਤੀਜੇ ਬਦਲਣ 'ਚ ਅਸਫਲ ਰਿਹਾ | ਭਾਰਤ ਨੂੰ ਘਰੇਲੂ ਪੜਾਅ ਦੌਰਾਨ ਰਾਉਰਕੇਲਾ ਵਿਚ ਆਪਣੇ ਵਿਰੋਧੀਆਂ ਵਿਰੁੱਧ ਕਰਾਰੀ ਹਾਰ ਦਾ ਸਾਹਮਣਾ ਕਰਨਾ ਪਿਆ | ਬੈਲਜੀਅਮ ਤੇ ਅਰਜਨਟੀਨਾ ਤੋਂ ਦੋ-ਦੋ ਹਾਰਾਂ ਝੱਲਣ ਵਾਲੀ ਭਾਰਤੀ ਟੀਮ, ਬਾਹਰੀ ਪੜਾਅ ਦÏਰਾਨ ਨਵੇਂ ਕਪਤਾਨ ਹਾਰਦਿਕ ਸਿੰਘ ਦੀ ਅਗਵਾਈ 'ਚ ਵਾਪਸੀ ਤੇ ਨਵੀਂ ਸ਼ੁਰੂਆਤ ਦੀ ਉਮੀਦ ਕਰ ਰਹੀ ਸੀ | ਭਾਰਤ ਨੇ ਮੈਚ ਦੀ ਸ਼ੁਰੂਆਤ ਤੇਜ਼ ਪਾਸਿੰਗ ਨਾਲ ਕੀਤੀ ਤੇ ਸ਼ੁਰੂ ਵਿਚ ਹੀ ਕੰਟਰੋਲ ਹਾਸਲ ਕਰਨ ਦੀ ਕੋਸ਼ਿਸ਼ ਕੀਤੀ, ਪਰ ਸਪੇਨ ਦਾ ਜਵਾਬੀ ਹਮਲਾ ਪ੍ਰਭਾਵਸ਼ਾਲੀ ਸਾਬਤ ਹੋਇਆ | ਲੜੀ ਦਾ ਹੋਬਾਰਟ ਪੜਾਅ 25 ਫਰਵਰੀ ਤੱਕ ਚੱਲੇਗਾ |