ਨਵੀਂ ਦਿੱਲੀ, 2 ਅਪ੍ਰੈਲ (ਪੀ.ਟੀ.ਆਈ.)-ਦਿੱਲੀ ਹਾਈ ਕੋਰਟ ਨੇ ਰੈਪਰ ਤੇ ਗਾਇਕ ਯੋ ਯੋ ਹਨੀ ਸਿੰਘ ਤੇ ਬਾਦਸ਼ਾਹ ਵਲੋਂ 2006 ਵਿਚ ਰਿਲੀਜ਼ ਕੀਤੇ ਗਏ ਇਕ ਅਸ਼ਲੀਲ ਤੇ ਅਪਮਾਨਜਨਕ ਗੀਤ ਦਾ ਸਖ਼ਤ ਵਿਰੋਧ ਕਰਦੇ ਹੋਏ ਕਿਹਾ ਕਿ ਇਹ ਟਰੈਕ ਸ਼ਿਸ਼ਟਾਚਾਰ ਦੇ ਘੱਟੋ-ਘੱਟ ਮਾਪਦੰਡਾਂ ਦੀ ਵੀ ਪੂਰੀ ਤਰ੍ਹਾਂ ਅਣਦੇਖੀ ਕਰਦਾ ਹੈ ਤੇ ਇਸਨੂੰ ਔਨਲਾਈਨ ਪਲੇਟਫਾਰਮਾਂ ਤੋਂ ਹਟਾਉਣ ਦਾ ਨਿਰਦੇਸ਼ ਦਿੱਤਾ | ਜਸਟਿਸ ਪੁਰਸ਼ੇਂਦਰ ਕੁਮਾਰ ਕÏਰਵ ਨੇ ਕਿਹਾ ਕਿ ਨਾਬਾਲਗਾਂ ਲਈ ਪਹੁੰਚਯੋਗ ਪਲੇਟਫਾਰਮਾਂ 'ਤੇ ਗੀਤ ਦੇ ਪ੍ਰਸਾਰ ਨੂੰ ਕਾਨੂੰਨ ਦੇ ਰਾਜ ਵਲੋਂ ਨਿਯੰਤਰਿਤ ਸਮਾਜ ਵਿਚ ਕਲਾਤਮਕ ਆਜ਼ਾਦੀ ਤੇ ਬੋਲਣ ਦੀ ਆਜ਼ਾਦੀ ਦੀ ਆੜ 'ਚ ਨਹੀਂ ਮੰਨਿਆ ਜਾ ਸਕਦਾ | ਜਸਟਿਸ ਕÏਰਵ ਨੇ ਕਿਹਾ ਕਿ ਉਸਨੇ ਆਪਣੇ ਚੈਂਬਰ ਵਿਚ ਗੀਤ ਸੁਣਿਆ ਤੇ ਸੋਚਿਆ ਕਿ ਇਸ 'ਚ ਕੋਈ ਕਲਾਤਮਕ ਜਾਂ ਸਮਾਜਿਕ ਮੁੱਲ ਦੀ ਘਾਟ ਹੈ ਤੇ ਅÏਰਤਾਂ ਨੂੰ ਮਖÏਲ ਦਾ ਵਿਸ਼ਾ ਬਣਾ ਦਿੱਤਾ ਗਿਆ ਹੈ | ਉਨ੍ਹਾਂ ਕਿਹਾ ਕਿ ਗਾਣੇ ਦਾ ਸਿਰਲੇਖ ਹੁਕਮ 'ਚ ਨਹੀਂ ਦਿੱਤਾ ਜਾ ਸਕਦਾ, ਇਹੀ ਗੱਲ ਪੂਰੀ ਤਰ੍ਹਾਂ ਅਸਵੀਕਾਰਨਯੋਗ ਜਾਪਦੀ ਹੈ | ਅਦਾਲਤ ਨੇ ਕਿਹਾ ਕਿ ਇਹ ਗਾਣਾ ਬਹੁਤ ਹੀ ਅਸ਼ਲੀਲ ਅਤੇ ਅÏਰਤਾਂ ਪ੍ਰਤੀ ਅਪਮਾਨਜਨਕ ਹੈ | ਅਦਾਲਤ ਨੇ ਇਸ ਮੁੱਦੇ 'ਤੇ ਹਨੀ ਸਿੰਘ ਅਤੇ ਬਾਦਸ਼ਾਹ ਨੂੰ ਨੋਟਿਸ ਵੀ ਜਾਰੀ ਕੀਤਾ ਹੈ | ਹਾਲਾਂਕਿ, ਦੋਵਾਂ ਗਾਇਕਾਂ ਵਲੋਂ ਇਹ ਗੀਤ ਗਾਏ ਜਾਣ ਤੋਂ ਇਨਕਾਰ ਕੀਤਾ ਗਿਆ ਹੈ |
