ਵੈਨਿਸ (ਇਟਲੀ), 10 ਮਈ (ਹਰਦੀਪ ਸਿੰਘ ਕੰਗ)-ਇਟਲੀ ਦੇ ਆਰਜੀਨੀਆਨੋ ਸ਼ਹਿਰ ਦੇ ਮੇਅਰ ਦੇ ਆਹੁਦੇ ਲਈ ਚੋਣ ਲੜ ਰਹੇ ਲੇਗਾ ਵੇਨੇਤਾ ਪਾਰਟੀ ਦੇ ਉਮੀਦਵਾਰ ਏਨਰੀਕੋ ਮਾਰਸੀਗਾਗਲੀਆ, ਅਲੇਸੀਆ ਬੇਵਿਲਾਕਵਾ ਤੇ ਬਾਕੀ ਇਟਾਲੀਅਨ ਸਾਥੀਆਂ ਸਮੇਤ ਅੱਜ ਇਟਲੀ ਦੇ ਗੁਰਦੁਆਰਾ ਸ੍ਰੀ ਗੁਰੂ ਰਾਮਦਾਸ ਨਿਵਾਸ ਕਿਆਂਪੋ ਵਿਖੇ ਨਤਮਸਤਕ ਹੋਏ | ਉਪਰੰਤ ਸਮੁੱਚੇ ਭਾਰਤੀ ਭਾਈਚਾਰੇ ਨੂੰ ਮਿਤੀ 24 ਤੇ 25 ਮਈ ਨੂੰ ਉਨਾਂ ਨੂੰ ਵੋਟ ਪਾਉਣ ਦੀ ਨਿਮਰਤਾ ਸਾਹਿਤ ਅਪੀਲ ਕੀਤੀ ਗਈ ਅਤੇ ਕਿਹਾ ਗਿਆ ਕਿ ਮੇਅਰ ਦੀ ਚੋਣ ਜਿੱਤਣ ਉਪਰੰਤ ਉਹ ਆਰਜੀਨਿਆਨੋ ਮੇਅਰ ਦੇ ਘੇਰੇ ਵਿਚ ਵਸਦੇ ਭਾਰਤੀ ਭਾਈਚਾਰੇ ਦੀ ਬਿਹਤਰੀ ਲਈ ਤੇ ਉਨਾਂ ਦੇ ਚੰਗੇ ਭਵਿੱਖ ਲਈ ਹੋਰ ਵੀ ਵਧੀਆ ਵਧੀਆ ਪ੍ਰੋਗਰਾਮ ਉਲੀਕਣਗੇ |
