ਐਡੀਲੇਡ, 25 ਮਈ (ਗੁਰਮੀਤ ਸਿੰਘ ਵਾਲੀਆ)-ਦੱਖਣੀ ਆਸਟ੍ਰੇਲੀਆ ਦੇ ਰਿਵਰਲੈਂਡ ਖੇਤਰ 'ਚ ਹਾਲ ਹੀ 'ਚ ਪਾਏ ਭਾਰੀ ਮੀਂਹ ਤੋਂ ਬਾਅਦ ਕੁਦਰਤ ਨੇ ਨਵਾਂ ਰੰਗ ਧਾਰ ਲਿਆ ਹੈ | ਪਤਝੜ ਦਾ ਮੀਂਹ ਸੋਕੇ ਤੋਂ ਬਾਅਦ ਖੇਤਰੀ ਅੰਦਰੂਨੀ ਦੱਖਣੀ ਆਸਟ੍ਰੇਲੀਆ 'ਚ ਪੰਛੀਆਂ ਦੇ ਜੀਵਨ ਵਿਚ ਤੇਜ਼ੀ ਲਿਆਉਂਦਾ ਹੈ | ਰੇਨਮਾਰਕ 'ਚ 66 ਮਿਲੀਮੀਟਰ ਤੇ ਹੋਰ ਕਈ ਕਸਬਿਆਂ 'ਚ 40 ਮਿਲੀਮੀਟਰ ਤੋਂ ਵੱਧ ਮੀਂਹ ਪੈਣ ਨਾਲ ਸੁੱਕੇ ਇਲਾਕੇ ਹਰੇ-ਭਰੇ ਹੋਣ ਲੱਗੇ ਹਨ | ਸੋਕੇ ਦੇ ਲੰਬੇ ਸਮੇਂ ਤੋਂ ਬਾਅਦ ਕਿਸਾਨਾਂ ਨੂੰ ਵੀ ਰਾਹਤ ਦੀ ਭਾਵਨਾ ਮਿਲੀ | ਗਲੂਪੋਟ ਰਿਜ਼ਰਵ ਤੇ ਮਰੇ ਨਦੀ ਇਲਾਕੇ 'ਚ ਪੈਲੀਕਨ, ਬੱਤਖਾਂ, ਹਨੀਈਟਰ, ਕੋਇਲ-ਸ਼੍ਰੀਕ ਤੇ ਹੋਰ ਕਈ ਦੁਰਲੱਭ ਪੰਛੀਆਂ ਦੀ ਗਿਣਤੀ ਵਧੀ ਹੈ, ਜਿਸ ਨਾਲ ਪੰਛੀ ਪ੍ਰੇਮੀਆਂ ਵਿਚ ਖੁਸ਼ੀ ਦਾ ਮਾਹÏਲ ਹੈ | ਸ੍ਰੀਮਤੀ ਬੋਗਟ ਨੇ ਕਿਹਾ ਕਿ ਬੁੱਕਮਾਰਕ ਕ੍ਰੀਕ ਦੇ ਨੇੜੇ ਵਾਤਾਵਰਣ ਪਾਣੀ ਵਾਲੀਆਂ ਥਾਵਾਂ 'ਤੇ ਦੁਰਲੱਭ ਪੰਛੀਆਂ, ਜਿਵੇਂ ਕਿ ਬੱਫ-ਬੈਂਡਡ ਰੇਲ, ਨੂੰ ਵੀ ਦੇਖਿਆ ਗਿਆ ਹੈ | ਮਾਹਿਰਾਂ ਅਨੁਸਾਰ ਮੀਂਹ ਕਾਰਨ ਬੀਜ, ਕੀੜੇ ਤੇ ਹੋਰ ਖੁਰਾਕ ਵਧਣ ਨਾਲ ਪੰਛੀਆਂ ਦਾ ਪ੍ਰਜਨਨ ਵੀ ਤੇਜ਼ ਹੋਇਆ ਹੈ | ਵਿਗਿਆਨੀਆਂ ਦਾ ਕਹਿਣਾ ਹੈ ਕਿ ਇਹ ਮÏਸਮ ਪੰਛੀਆਂ ਦੇ ਜੀਵਨ ਦਾ ਇਕ ਵਿਲੱਖਣ ਤੇ ਰÏਣਕ ਭਰਿਆ ਸਮਾਂ ਸਾਬਤ ਹੋ ਸਕਦਾ ਹੈ |
