ਹੈਦਰਾਬਾਦ, 7 ਜੂਨ (ਇੰਟ.)-ਤੇਲੰਗਾਨਾ ਦੇ ਰਹਿਣ ਵਾਲੇ 28 ਸਾਲਾ ਭਾਰਤੀ ਵਿਅਕਤੀ ਅੰਸ਼ੁਲ ਕੁੰਚਾ ਦੀ ਫਿਲਾਡੇਲਫੀਆ, ਅਮਰੀਕਾ 'ਚ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ ਗਈ | ਪਰਿਵਾਰ ਦਾ ਦੋਸ਼ ਹੈ ਕਿ ਇਹ ਡਕੈਤੀ ਨਹੀਂ ਸਗੋਂ ਇਕ ਸੋਚੀ ਸਮਝੀ ਸਾਜ਼ਿਸ਼ ਸੀ | ਉਨ੍ਹਾਂ ਦਾ ਕਹਿਣਾ ਹੈ ਕਿ ਅੰਸ਼ੁਲ ਨੂੰ ਨਕਲੀ ਪੀਜ਼ਾ ਆਰਡਰ ਦੇ ਕੇ ਇਕ ਸੁੰਨਸਾਨ ਇਲਾਕੇ 'ਚ ਲਿਜਾਇਆ ਗਿਆ ਸੀ ਤੇ ਪਹੁੰਚਣ 'ਤੇ ਹਮਲਾਵਰਾਂ ਨੇ ਉਸਦੇ ਸਿਰ ਵਿੱਚ ਗੋਲੀ ਮਾਰ ਦਿੱਤੀ | ਸ਼ਨੀਵਾਰ ਦੇਰ ਰਾਤ, ਉਸ ਨੂੰ ਫਿਲਾਡੇਲਫੀਆ ਦੇ ਰੇਮੰਡ ਰੋਜ਼ਨ ਹੋਮਜ਼ ਹਾਊਸਿੰਗ ਕੰਪਲੈਕਸ 'ਚ ਇਕ ਪਤੇ 'ਤੇ ਪੀਜ਼ਾ ਡਿਲੀਵਰ ਕਰਨ ਦਾ ਆਰਡਰ ਮਿਲਿਆ | ਜਦੋਂ ਉਹ ਪਹੁੰਚਿਆ ਤਾਂ ਕੋਈ ਗਾਹਕ ਮÏਜੂਦ ਨਹੀਂ ਸੀ | ਉਸ ਸਮੇਂ, 2 ਅਣਪਛਾਤੇ ਹਮਲਾਵਰਾਂ ਨੇ ਉਸ 'ਤੇ ਹਮਲਾ ਕੀਤਾ ਤੇ ਉਸਦੇ ਸਿਰ 'ਚ ਕਈ ਗੋਲੀਆਂ ਮਾਰੀਆਂ | ਘਟਨਾ ਤੋਂ ਬਾਅਦ ਹਮਲਾਵਰ ਮÏਕੇ ਤੋਂ ਭੱਜ ਗਏ |
