ਪਤਨੀ ਦੀ ਮÏਤ ਮਾਮਲੇ 'ਚ ਪਾਬੰਦੀਸ਼ੁਦਾ ਸਾਬਕਾ ਓਲੰਪੀਅਨ ਰੋਹਨ ਡੈਨਿਸ ਮੁੜ ਵਿਵਾਦਾਂ 'ਚ,
ਅਜੀਤ ਡੈਸਕ
13-06-2026
ਐਡੀਲੇਡ, 12 ਜੂਨ (ਗੁਰਮੀਤ ਸਿੰਘ ਵਾਲੀਆ)-ਆਸਟ੍ਰੇਲੀਆ ਦੇ ਸਾਬਕਾ ਵਿਸ਼ਵ ਚੈਂਪੀਅਨ ਅਤੇ ਓਲੰਪੀਅਨ ਸਾਈਕਲਿਸਟ ਰੋਹਨ ਡੈਨਿਸ ਇੱਕ ਵਾਰ ਫਿਰ ਵਿਵਾਦਾਂ ਵਿੱਚ ਘਿਰ ਗਏ¢ ਦੋਸ਼ ਹੈ ਕਿ ਉਹ ਅਦਾਲਤ ਵੱਲੋਂ ਲਗਾਈ ਗਈ ਪੰਜ ਸਾਲਾਂ ਦੀ ਡਰਾਈਵਿੰਗ ਪਾਬੰਦੀ ਦੇ ਬਾਵਜੂਦ ਐਡੀਲੇਡ ਵਿੱਚ ਗੱਡੀ ਚਲਾਉਂਦੇ ਫੜੇ ਗਏ¢ਪੁਲਿਸ ਅਨੁਸਾਰ 36 ਸਾਲਾ ਰੋਹਨ ਡੈਨਿਸ ਨੂੰ ਵੀਰਵਾਰ ਸ਼ਾਮ ਕਰੀਬ 4 ਵਜੇ ਐਡੀਲੇਡ ਦੇ ਅੰਦਰੂਨੀ ਉੱਤਰੀ ਇਲਾਕੇ ਵਿੱਚ ਰੋਕਿਆ ਗਿਆ | ਜਾਂਚ ਦÏਰਾਨ ਇਹ ਦੋਸ਼ ਸਾਹਮਣੇ ਆਇਆ ਕਿ ਉਹ ਮਈ 2025 ਵਿਚ ਦੱਖਣੀ ਆਸਟ੍ਰੇਲੀਆ ਦੀ ਅਦਾਲਤ ਵੱਲੋਂ ਲਗਾਈ ਗਈ ਡਰਾਈਵਿੰਗ ਅਯੋਗਤਾ ਦੇ ਬਾਵਜੂਦ ਵਾਹਨ ਚਲਾ ਰਹੇ ਸਨ | ਡੈਨਿਸ ਨੂੰ ਆਪਣੀ ਪਤਨੀ ਅਤੇ ਸਾਬਕਾ ਓਲੰਪੀਅਨ ਸਾਈਕਲਿਸਟ ਮੇਲਿਸਾ ਹੋਸਕਿਨਜ਼ ਦੀ ਮÏਤ ਨਾਲ ਜੁੜੇ ਮਾਮਲੇ ਤੋਂ ਬਾਅਦ 2028 ਤੱਕ ਗੱਡੀ ਚਲਾਉਣ ਤੋਂ ਰੋਕਿਆ ਗਿਆ ਸੀ¢ ਇਸ ਘਟਨਾ ਨੇ ਉਸ ਸਮੇਂ ਦੇਸ਼ ਭਰ ਵਿੱਚ ਵੱਡੀ ਚਰਚਾ ਛੇੜ ਦਿੱਤੀ ਸੀ¢ਤਾਜ਼ਾ ਘਟਨਾ ਤੋਂ ਬਾਅਦ ਰੋਹਨ ਡੈਨਿਸ ਨੂੰ ਮੁੜ ਕਾਨੂੰਨੀ ਕਾਰਵਾਈ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ¢ ਪੁਲਿਸ ਵੱਲੋਂ ਮਾਮਲੇ ਦੀ ਜਾਂਚ ਜਾਰੀ ਹੈ ਅਤੇ ਅਦਾਲਤ ਵਿੱਚ ਪੇਸ਼ੀ ਦੀ ਉਮੀਦ ਕੀਤੀ ਜਾ ਰਹੀ ਹੈ¢ਇਸ ਘਟਨਾ ਨੇ ਖੇਡ ਜਗਤ ਅਤੇ ਆਮ ਲੋਕਾਂ ਵਿੱਚ ਚਰਚਾ ਛੇੜ ਦਿੱਤੀ ਹੈ ਕਿ ਅਦਾਲਤੀ ਹੁਕਮਾਂ ਦੀ ਉਲੰਘਣਾ ਕਰਨ ਵਾਲਿਆਂ ਖ਼ਿਲਾਫ਼ ਕਾਨੂੰਨ ਕਿੰਨੀ ਸਖ਼ਤੀ ਨਾਲ ਲਾਗੂ ਕੀਤਾ ਜਾਣਾ ਚਾਹੀਦਾ ਹੈ |
