ਸੈਕਰਾਮੈਂਟੋ, 12 ਜੂਨ (ਹੁਸਨ ਲੜੋਆ ਬੰਗਾ)-ਐਨ.ਬੀ.ਏ. ਖ਼ਿਤਾਬੀ ਖੇਡ 4 ਤੋਂ ਬਾਅਦ ਜਸ਼ਨਾਂ ਦÏਰਾਨ ਰਾਤ ਨੂੰ ਮੈਡੀਸਨ ਸਕੁਏਅਰ ਗਾਰਡਨ ਨੇੜੇ ਹਜਾਰਾਂ ਪ੍ਰਸੰਸਕਾਂ ਨੇ ਹਫੜਾ-ਦਫੜੀ ਮਚਾ ਦਿੱਤੀ | ਪੁਲਿਸ ਨੇ 56 ਲੋਕਾਂ ਨੂੰ ਹਿਰਾਸਤ 'ਚ ਲਿਆ ਹੈ | ਹਫੜਾਦਫੜੀ ਤੇ ਹਿੰਸਾ ਵਿਚ 10 ਪੁਲਿਸ ਅਫਸਰ ਜ਼ਖਮੀ ਹੋਏ ਹਨ¢ ਇਹ ਜਾਣਕਾਰੀ ਨਿਊਯਾਰਕ ਪੁਲਿਸ ਵਿਭਾਗ ਨੇ ਦਿੱਤੀ ਹੈ | ਪੁਲਿਸ ਨੇ ਕਿਹਾ ਕਿ ਮੈਡੀਸਨ ਸਕੁਏਅਰ ਗਾਰਡਨ ਦੇ ਉੱਤਰ ਵੱਲ 5ਵੇਂ ਅਤੇ 8ਵੇਂ ਐਵੇਨਿਊ ਦੇ ਵਿਚਕਾਰ ਸੜਕਾਂ 'ਤੇ 10,000 ਦੇ ਕਰੀਬ ਪ੍ਰਸ਼ੰਸਕ ਇਕੱਠੇ ਹੋ ਗਏ ਜਿਨਾਂ ਨੇ ਆਤਿਸ਼ਬਾਜ਼ੀ ਕੀਤੀ, ਆਵਾਜਾਈ ਵਿੱਚ ਵਿਘਨ ਪਾਇਆ ਅਤੇ ਟੈਕਸੀਆਂ ਨੂੰ ਉਲਟਾਉਣ ਦੀ ਕੋਸ਼ਿਸ਼ ਸਮੇਤ ਹੋਰ ਹਿੰਸਕ ਗਤੀਵਿਧੀਆਂ ਕੀਤੀਆਂ | ਭੀੜ ਨੂੰ ਕੰਟਰੋਲ ਕਰਨ ਦੇ ਯਤਨਾਂ ਦÏਰਾਨ ਇੱਕ ਪੁਲਿਸ ਅਫਸਰ ਦੇ ਸਿਰ ਵਿੱਚ ਕੱਚ ਦੀ ਬੋਤਲ ਲੱਗੀ ਹੈ¢ ਸੁਰੱਖਿਆ ਪਾਬੰਦੀਆਂ ਨੂੰ ਲੈ ਕੇ ਜਨਤਕ ਵਿਵਾਦ ਦੇ ਵਿਚਕਾਰ ਮੈਡੀਸਨ ਸਕੁਏਅਰ ਗਾਰਡਨ ਵੱਲੋਂ ਆਪਣੀ ਅਧਿਕਾਰਤ ਗੇਮ 4 ਵਾਚ ਪਾਰਟੀ ਨੂੰ ਰੱਦ ਕਰਨ ਤੋਂ ਕੁਝ ਘੰਟਿਆਂ ਬਾਅਦ ਇਹ ਗੜਬੜ ਹੋਈ |
