ਸ਼ਿਕਾਗੋ, 3 ਜੁਲਾਈ (ਕੇਵਲ ਗੁਰਾਇਆ)-ਇੱਥੇ ਸ਼ੇਰੇ ਪੰਜਾਬ ਸਪੋਰਟਸ ਐਂਡ ਕਲਚਰਲ ਕਲੱਬ ਸ਼ਿਕਾਗੋ ਵਲੋਂ ਕਰਵਾਏ ਗਏ ਸਾਲਾਨਾ ਕਬੱਡੀ ਕੱਪ ਵਿਚ ਨਿਊਯਾਰਕ ਕਿੰਗਜ਼ ਕਬੱਡੀ ਕਲੱਬ ਜੇਤੂ ਰਿਹਾ| ਇਸ ਟੂਰਨਾਮੈਂਟ ਵਿਚ ਚੋਟੀ ਦੀਆਂ ਟੀਮਾਂ ਨੇ ਭਾਗ ਲਿਆ| ਆਖ਼ਰੀ ਮੁਕਾਬਲਾ ਨਿਊਯਾਰਕ ਕਿੰਗਜ਼ ਕਬੱਡੀ ਕੱਪ ਅਤੇ ਕਲਗ਼ੀਧਰ ਯੂ.ਐੱਸ.ਏ ਵਿਚ ਹੋਇਆ ਜਿਸ ਵਿਚ ਨਿਊਯਾਰਕ ਕਬੱਡੀ ਕਲੱਬ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਕੇ ਜਿੱਤ ਪ੍ਰਾਪਤ ਕੀਤੀ| ਬੈਸਟ ਰੇਡਰ ਚਿਤਪਾਲ ਚਿੱਟੀ ਰਿਹਾ| ਬੈਸਟ ਜਾਫੀ þਪੀ ਸਿੰਦੜ ਰਿਹਾ| ਇਸ ਟੂਰਨਾਮੈਂਟ ਨੂੰ ਦੇਖਣ ਲਈ ਦਰਸ਼ਕ ਵੱਡੀ ਗਿਣਤੀ ਵਿਚ ਪੁੱਜੇ ਹੋਏ ਸਨ| ਪਹਿਲਾ ਇਨਾਮ ਤੂਰ ਬ੍ਰਦਰਜ਼,ਬੈਂਸ ਪਰਿਵਾਰ ਅਤੇ ਭਾਰਦਵਾਜ ਪਰਿਵਾਰ ਵਲੋਂ ਦਿੱਤਾ ਗਿਆ| ਮੁੱਖ ਮਹਿਮਾਨ ਅਮਰਜੀਤ ਢੀਂਡਸਾ,ਲੱਖਾ ਢੀਂਡਸਾ, ਬੱਬੂ ਖੱਟੜਾ ਸਨ| ਵਾਲੀਬਾਲ ਦੇ ਮੁਕਾਬਲਿਆਂ ਵਿਚ ਸ਼ਿਕਾਗੋ ਕਲੱਬ ਜੇਤੂ ਰਹੀ ਜਦਕਿ ਦੂਸਰੇ ਸਥਾਨ ਤੇ ਵਾਲੀਆ ਕਲੱਬ ਰਹੀ| ਇਸ ਟੂਰਨਾਮੈਂਟ ਦੀ ਖ਼ਾਸੀਅਤ ਇਹ ਸੀ ਕਿ ਇਸ ਵਾਰ ਪਾਕਿਸਤਾਨ ਤੋਂ ਬਾਬਾ ਸੰਗ ਦੀ ਟੀਮ ਦੇ 5 ਖਿਡਾਰੀਆਂ ਨੇ ਭਾਗ ਲਿਆ ਅਤੇ ਟੂਰਨਾਮੈਂਟ ਨੂੰ ਦਿਲਕਸ਼ ਬਣਾ ਦਿੱਤਾ| ਪ੍ਰਬੰਧਕਾਂ ਵਿਚ ਪਿੰਦੀ ਛੀਨਾ ਪ੍ਰਧਾਨ,ਉਂਕਾਰ ਸਹੋਤਾ ਵਾਇਸ ਪ੍ਰਧਾਨ, ਬਲਜੀਤ ਟਿਵਾਣਾ,ਦੀਪ ਇੰਦਰ ਸਿੰਘ ਵਿਰਕ,ਹਨੀ ਖੰਘੂੜਾ,ਜਿੰਦਰ ਬੈਨੀਪਾਲ, ਕਮਲਜੀਤ ਘੁਮਾਣ,ਜਸਪ੍ਰੀਤ ਸਿੰਘ ਮਠਾਰੂ,ਜਿੰਦੀ ਖੰਘੂੜਾ,ਵਿੱਕੀ ਸੰਮੀਪੁਰੀਆਂ ਅਤੇ ਹੋਰ ਹਾਜ਼ਰ ਸਨ| ਮੰਚ ਸੰਚਾਲਨ ਮੱਖਣ ਅਲੀ ਵਲੋਂ ਕੀਤਾ ਗਿਆ| ਅੰਤ ਵਿਚ ਪੰਜਾਬੀ ਗਾਇਕ ਨਿੰਜਾ ਨੇ ਆਪਣੇ ਗੀਤਾਂ ਦੀ ਛਹਿਬਰ ਲਗਾ ਕੇ ਦਰਸ਼ਕਾਂ ਦਾ ਮੰਨੋਰੰਜਨ ਕੀਤਾ|
