ਵਾਸ਼ਿੰਗਟਨ ਦੀਆਂ ਖੇਡ ਟੀਮਾਂ ਨੂੰ ਚੀਨੀ ਕੰਪਨੀ ਅਲੀਬਾਬਾ ਤੋਂ ਦੂਰ ਰਹਿਣ ਦੀ ਸਲਾਹ, ਅਮਰੀਕੀ ਕਾਂਗਰਸ ਨੇ ਚੁੱਕਿਆ ਸੁਰੱਖਿਆ ਦਾ ਮੁੱਦਾ
ਅਜੀਤ ਡੈਸਕ
09-07-2026
ਕਮੇਟੀ ਦਾ ਕਹਿਣਾ ਹੈ ਕਿ ਅਮਰੀਕੀ ਰੱਖਿਆ ਵਿਭਾਗ ਨੇ ਅਲੀਬਾਬਾ ਨੂੰ ਉਹਨਾਂ ਕੰਪਨੀਆਂ ਦੀ ਸੂਚੀ ਵਿੱਚ ਸ਼ਾਮਲ ਕੀਤਾ ਹੈ, ਜਿਨ੍ਹਾਂ ਦੇ ਚੀਨ ਦੀ ਫੌਜ ਨਾਲ ਸੰਭਾਵਿਤ ਸਬੰਧ ਹੋ ਸਕਦੇ ਹਨ। ਇਸੇ ਕਾਰਨ ਕਮੇਟੀ ਨੇ ਖੇਡ ਸੰਸਥਾਵਾਂ ਨੂੰ ਵੀ ਰਾਸ਼ਟਰੀ ਸੁਰੱਖਿਆ ਦੇ ਮੱਦੇਨਜ਼ਰ ਸਾਵਧਾਨ ਰਹਿਣ ਲਈ ਕਿਹਾ ਹੈ ਅਤੇ 15 ਜੁਲਾਈ ਤੱਕ ਇਸ ਬਾਰੇ ਜਵਾਬ ਮੰਗਿਆ ਹੈ। ਹਾਲਾਂਕਿ ਅਲੀਬਾਬਾ ਨੇ ਇਨ੍ਹਾਂ ਦੋਸ਼ਾਂ ਨੂੰ ਚੁਣੌਤੀ ਦਿੰਦਿਆਂ ਅਦਾਲਤ ਦਾ ਰੁਖ ਕੀਤਾ ਹੈ ਅਤੇ ਆਪਣਾ ਨਾਮ ਇਸ ਸੂਚੀ ਵਿੱਚੋਂ ਹਟਾਉਣ ਦੀ ਮੰਗ ਕੀਤੀ ਹੈ। ਮਾਹਿਰਾਂ ਦਾ ਮੰਨਣਾ ਹੈ ਕਿ ਇਹ ਸਿਰਫ਼ ਇੱਕ ਕਾਰੋਬਾਰੀ ਵਿਵਾਦ ਨਹੀਂ, ਸਗੋਂ ਅਮਰੀਕਾ ਅਤੇ ਚੀਨ ਵਿਚਕਾਰ ਵਧ ਰਹੀ ਰਣਨੀਤਿਕ ਅਤੇ ਆਰਥਿਕ ਖਿੱਚਤਾਣ ਦਾ ਹਿੱਸਾ ਹੈ। ਇਸ ਮਾਮਲੇ ‘ਤੇ ਹੁਣ ਪੂਰੇ ਖੇਡ ਜਗਤ ਅਤੇ ਕਾਰੋਬਾਰੀ ਵਰਗ ਦੀ ਨਜ਼ਰ ਟਿਕੀ ਹੋਈ ਹੈ।
