ਐਬਟਸਫੋਰਡ, 21 ਜੁਲਾਈ (ਗੁਰਦੀਪ ਸਿੰਘ ਗਰੇਵਾਲ)- ਕੈਨੇਡਾ ਦੇ ਬ੍ਰਿਟਿਸ਼ ਕੋਲੰਬੀਆ ਸੂਬੇ ਦੇ ਸ਼ਹਿਰ ਰਿਚਮੰਡ ਨਿਵਾਸੀ ਪੰਜਾਬੀ ਪੁਲਵਿੰਦਰ ਸਿੰਘ ਦੀ 5 ਲੱਖ ਡਾਲਰ ਭਾਵ ਤਕਰੀਬਨ 3 ਕਰੋੜ 40 ਲੱਖ ਰੁਪਏ ਦੀ ਲਾਟਰੀ ਨਿਕਲੀ ਹੈ। ਪਲਵਿੰਦਰ ਸਿੰਘ ਨੇ ਬ੍ਰਿਟਿਸ਼ ਕੋਲੰਬੀਆ ਲਾਟਰੀ ਕਾਰਪੋਰੇਸ਼ਨ ਦੀ ਲੋਟੋ ਮੈਕਸ ਲਾਟਰੀ ਦੀ ਟਿਕਟ ਰਿਚਮੰਡ ਦੀ ਵਿਲੀਅਮਜ਼ ਤੇ ਨੰਬਰ 3 ਰੋਡ ’ਤੇ ਸਥਿਤ ਸਟੋਰ ਤੋਂ ਖਰੀਦੀ ਸੀ। ਜਦੋਂ ਉਸ ਨੇ ਟਿਕਟ ਚੈੱਕ ਕੀਤੀ ਤਾਂ ਉਸ ਨੂੰ ਵਿਸ਼ਵਾਸ ਹੀ ਨਹੀਂ ਹੋਇਆ ਕਿ ਉਹ 5 ਲੱਖ ਡਾਲਰ ਦੀ ਲਾਟਰੀ ਜਿੱਤ ਚੁੱਕਾ ਹੈ। ਉਸ ਨੇ ਸਭ ਤੋਂ ਪਹਿਲਾਂ ਲਾਟਰੀ ਜਿੱਤਣ ਦੀ ਖਬਰ ਆਪਣੀ ਪਤਨੀ ਤੇ ਧੀ ਨੂੰ ਦੱਸੀ। ਪੁਲਵਿੰਦਰ ਸਿੰਘ ਦਾ ਕਹਿਣਾ ਹੈ ਕਿ ਉਹ ਲਾਟਰੀ ਦੀ ਜਿੱਤੀ ਹੋਈ ਰਾਸ਼ੀ ਦੀ ਕੁਝ ਰਕਮ ਨਾਲ ਆਪਣੇ ਘਰ ਦੀ ਨਵੀਨੀਕਰਨ ਕਰਨਗੇ ਤੇ ਪਰਿਵਾਰ ਸਮੇਤ ਯਾਤਰਾ ’ਤੇ ਜਾਣਗੇ।
