ਲਾਂਗ ਆਈਲੈਂਡ ਸਿਟੀ ’ਚ 580 ਪੌਂਡ ਕੋਕੀਨ ਜ਼ਬਤ
ਨਿਊਯਾਰਕ, 29 ਅਗਸਤ (ਰਾਜੂ ਸਾਹਿਬਾਜ਼ਪੁਰਾ)-ਨਿਊਯਾਰਕ ਪੁਲਿਸ ਨੇ ਕੁਈਨਜ਼ ਦੇ ਲਾਂਗ ਆਈਲੈਂਡ ਸਿਟੀ ਸਥਿਤ ਇਕ ਸਟੋਰੇਜ ਕੇਂਦਰ ਤੋਂ 580 ਪੌਂਡ ਤੋਂ ਵੱਧ ਕੋਕੀਨ ਬਰਾਮਦ ਕੀਤੀ ਹੈ। ਲਗਭਗ 266 ਕਿਲੋ ਭਾਰ ਵਾਲੀ ਇਸ ਖੇਪ ਦੀ ਬਾਜ਼ਾਰੀ ਕੀਮਤ ਇਕ ਕਰੋੜ ਡਾਲਰ ਤੋਂ ਵੱਧ ਦੱਸੀ ਗਈ ਹੈ।
ਨਿਊਯਾਰਕ, 29 ਅਗਸਤ (ਰਾਜੂ ਸਾਹਿਬਾਜ਼ਪੁਰਾ)-ਨਿਊਯਾਰਕ ਪੁਲਿਸ ਨੇ ਕੁਈਨਜ਼ ਦੇ ਲਾਂਗ ਆਈਲੈਂਡ ਸਿਟੀ ਸਥਿਤ ਇਕ ਸਟੋਰੇਜ ਕੇਂਦਰ ਤੋਂ 580 ਪੌਂਡ ਤੋਂ ਵੱਧ ਕੋਕੀਨ ਬਰਾਮਦ ਕੀਤੀ ਹੈ। ਲਗਭਗ 266 ਕਿਲੋ ਭਾਰ ਵਾਲੀ ਇਸ ਖੇਪ ਦੀ ਬਾਜ਼ਾਰੀ ਕੀਮਤ ਇਕ ਕਰੋੜ ਡਾਲਰ ਤੋਂ ਵੱਧ ਦੱਸੀ ਗਈ ਹੈ। ਪੁਲਿਸ ਅਨੁਸਾਰ ਪਿਛਲੇ ਘੱਟੋ-ਘੱਟ ਦਸ ਸਾਲਾਂ ਵਿਚ ਐਨ.ਵਾਈ.ਪੀ.ਡੀ. ਵੱਲੋਂ ਕੀਤੀ ਇਹ ਸਭ ਤੋਂ ਵੱਡੀ ਕੋਕੀਨ ਬਰਾਮਦਗੀ ਹੈ। ਇਸ ਮਾਮਲੇ ’ਚ ਐਂਗਲਵੁੱਡ, ਨਿਊ ਜਰਸੀ ਦੇ 35 ਸਾਲਾ ਨੇਲਸਨ ਸਲਸੇਡੋ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਪੁਲਿਸ ਮੁਤਾਬਕ ਉਹ ਸਟੋਰੇਜ ਕੇਂਦਰ ਤੋਂ ਗੱਤੇ ਦੇ ਡੱਬੇ ਕੱਢ ਕੇ ਆਪਣੀ ਵੈਨ ’ਚ ਰੱਖ ਰਿਹਾ ਸੀ। ਅਧਿਕਾਰੀਆਂ ਨੂੰ ਵੈਨ ਅੰਦਰ ਅਤੇ ਉਸ ਦੇ ਨੇੜੇ ਕੁੱਲ 19 ਡੱਬੇ ਮਿਲੇ, ਜਿਨ੍ਹਾਂ ਵਿੱਚ ਇੱਟਾਂ ਦੇ ਆਕਾਰ ਵਾਲੇ ਕੋਕੀਨ ਦੇ 230 ਪੈਕਟ ਰੱਖੇ ਹੋਏ ਸਨ।
