ਭੰਗੜਾ ਅਕੈਡਮੀ ਵਲੋਂ ਗੀਤਕਾਰ ਮੰਗਲ ਹਠੂਰ ਦਾ ਸਨਮਾਨ
ਟੋਰਾਂਟੋ, 23 ਸਤੰਬਰ (ਹਰਜੀਤ ਸਿੰਘ ਬਾਜਵਾ)-ਸਾਹਿਤ ਪ੍ਰੇਮੀਆਂ ਦਾ ਇੱਕ ਇਕੱਠ ਬੀਤੇ ਦਿਨੀ ਟੋਰਾਂਟੋਂ ਵਿਖੇ ਹਰਜੋਤ ਸਿੰਘ ਵੱਲੋਂ ਚਲਾਈ ਜਾ ਰਹੀ ਭੰਗੜਾ ਅਕੈਡਮੀ ‘ਦੀ ਭੰਗੜਾ ਅਕੈਡਮੀ’ ਵਿਖੇ ਹੋਇਆ, ਇਸ ਮੌਕੇ ਜਿੱਥੇ ਪੰਜਾਬੀ ਸਾਹਿਤ ਅਤੇ ਸੰਗੀਤ ਨਾਲ ਸਬੰਧ ਰੱਖਦੀਆਂ ਕਈ ਸ਼ਖ਼ਸ਼ੀਅਤਾਂ ਨੇ ਸ਼ਮੂਲੀਅਤ ਕੀਤੀ ਉੱਥੇ ਹੀ ਨਾਮਵਰ ਗੀਤਕਾਰ ਮੰਗਲ ਹਠੂਰ ਦਾ ਅਕੈਡਮੀ ਵੱਲੋਂ ਵਿਸ਼ੇਸ਼ ਸਨਮਾਨ ਵੀ ਕੀਤਾ ਗਿਆ, ਜਿੱਥੇ ਬੋਲਦਿਆਂ ਬੁਲਾਰਿਆਂ ਨੇ ਆਖਿਆ ਕਿ ਮੰਗਲ ਹਠੂਰ ਸਾਫ ਸੁੱਥਰੀ ਲੇਖਣੀ ਦੀ ਇੱਕ ਵੱਡੀ ਪਹਿਚਾਣ ਹੈ ਜਿਸ ਦੇ ਲਿਖੇ ਅਤੇ ਰਿਕਾਰਡ ਹੋਏ ਗੀਤ ਹਰ ਕੋਈ ਆਪੋ ਆਪਣੇ ਪਰਿਵਾਰਾਂ ਵਿਚ ਬੈਠ ਕੇ ਸੁਣ ਸਕਦਾ ਹੈ। ਇਸ ਮੌਕੇ ਪ੍ਰਸਿੱਧ ਗਾਇਕ ਹੈਰੀ ਸੰਧੂ ਅਤੇ ਪਰਮਜੀਤ ਹੰਸ ਵੱਲੋਂ ਕੁਝ ਗੀਤ ਵੀ ਸੁਣਾਏ ਜਦੋਂ ਕਿ ਮੰਗਲ ਹਠੂਰ ਨੇ ਆਪਣੇ ਗੀਤ ਅਤੇ ਸ਼ੇਅਰੋ ਸ਼ਾਇਰੀ ਨਾਲ ਆਪਣੀ ਕਲਮ ਦਾ ਲੋਹਾ ਮਨਵਾਇਆ।
ਅਜੀਤ ਡੈਸਕ
24-09-2026
