ਇਰਾਕ ਤੋਂ ਆਖ਼ਰੀ ਬਰਤਾਨਵੀ ਤੇ ਅਮਰੀਕੀ ਫ਼ੌਜੀ ਰਵਾਨਾ
ਇਸਲਾਮਿਕ ਸਟੇਟ ਵਿਰੁੱਧ 12 ਸਾਲਾਂ ਦਾ ਫ਼ੌਜੀ ਗੱਠਜੋੜ ਮਿਸ਼ਨ ਸਮਾਪਤ
ਲੰਡਨ, 30 ਸਤੰਬਰ (ਮਨਪ੍ਰੀਤ ਸਿੰਘ ਬੱਧਨੀ ਕਲਾਂ)-ਇਰਾਕ ਵਿਚ ਇਸਲਾਮਿਕ ਸਟੇਟ ਵਿਰੁੱਧ ਚੱਲ ਰਹੇ ਅੰਤਰਰਾਸ਼ਟਰੀ ਗੱਠਜੋੜ ਦੇ ਫ਼ੌਜੀ ਮਿਸ਼ਨ ਦਾ ਰਸਮੀ ਤੌਰ ’ਤੇ ਅੰਤ ਹੋ ਗਿਆ ਹੈ। ਬਰਤਾਨੀਆ ਅਤੇ ਅਮਰੀਕਾ ਸਮੇਤ ਗੱਠਜੋੜ ਦੇ ਬਾਕੀ ਫ਼ੌਜੀ ਇਰਾਕ ਤੋਂ ਰਵਾਨਾ ਹੋ ਗਏ ਹਨ।
ਲੰਡਨ, 30 ਸਤੰਬਰ (ਮਨਪ੍ਰੀਤ ਸਿੰਘ ਬੱਧਨੀ ਕਲਾਂ)-ਇਰਾਕ ਵਿਚ ਇਸਲਾਮਿਕ ਸਟੇਟ ਵਿਰੁੱਧ ਚੱਲ ਰਹੇ ਅੰਤਰਰਾਸ਼ਟਰੀ ਗੱਠਜੋੜ ਦੇ ਫ਼ੌਜੀ ਮਿਸ਼ਨ ਦਾ ਰਸਮੀ ਤੌਰ ’ਤੇ ਅੰਤ ਹੋ ਗਿਆ ਹੈ। ਬਰਤਾਨੀਆ ਅਤੇ ਅਮਰੀਕਾ ਸਮੇਤ ਗੱਠਜੋੜ ਦੇ ਬਾਕੀ ਫ਼ੌਜੀ ਇਰਾਕ ਤੋਂ ਰਵਾਨਾ ਹੋ ਗਏ ਹਨ। ਬਰਤਾਨਵੀ ਰੱਖਿਆ ਮੰਤਰਾਲੇ ਨੇ ਪੁਸ਼ਟੀ ਕੀਤੀ ਕਿ ‘ਆਪਰੇਸ਼ਨ ਇਨਹੇਰੈਂਟ ਰਿਜ਼ੋਲਵ’ ਤਹਿਤ ਇਰਾਕ ਵਿੱਚ ਚੱਲ ਰਹੀ ਗੱਠਜੋੜ ਦੀ ਫ਼ੌਜੀ ਮੁਹਿੰਮ ਸਮਾਪਤ ਹੋ ਗਈ ਹੈ। ਇਹ ਮਿਸ਼ਨ 2014 ਵਿੱਚ ਉਸ ਸਮੇਂ ਸ਼ੁਰੂ ਕੀਤਾ ਗਿਆ ਸੀ, ਜਦੋਂ ਇਸਲਾਮਿਕ ਸਟੇਟ ਨੇ ਇਰਾਕ ਅਤੇ ਸੀਰੀਆ ਦੇ ਵੱਡੇ ਇਲਾਕਿਆਂ ’ਤੇ ਕਬਜ਼ਾ ਕਰ ਲਿਆ ਸੀ। ਪਿਛਲੇ ਇੱਕ ਦਹਾਕੇ ਤੋਂ ਵੱਧ ਸਮੇਂ ਦੌਰਾਨ ਗੱਠਜੋੜ ਨੇ ਇਰਾਕੀ ਸੁਰੱਖਿਆ ਬਲਾਂ ਅਤੇ ਕੁਰਦ ਪੇਸ਼ਮਰਗਾ ਨੂੰ ਸਿਖਲਾਈ, ਸਲਾਹ ਅਤੇ ਹੋਰ ਫ਼ੌਜੀ ਸਹਾਇਤਾ ਦਿੱਤੀ। ਬਰਤਾਨਵੀ ਸਰਕਾਰ ਦਾ ਕਹਿਣਾ ਹੈ ਕਿ ਇਰਾਕ ਵਿੱਚ ਇਸਲਾਮਿਕ ਸਟੇਟ ਦੀ ਖੇਤਰੀ ਹਕੂਮਤ ਨੂੰ ਖ਼ਤਮ ਕੀਤਾ ਜਾ ਚੁੱਕਾ ਹੈ ਅਤੇ ਹੁਣ ਇਰਾਕੀ ਸੁਰੱਖਿਆ ਬਲ ਦੇਸ਼ ਦੀ ਸੁਰੱਖਿਆ ਦੀ ਮੁੱਖ ਜ਼ਿੰਮੇਵਾਰੀ ਸੰਭਾਲਣ ਦੀ ਸਥਿਤੀ ਵਿੱਚ ਹਨ। ਬਰਤਾਨੀਆ ਨੇ ਇਹ ਵੀ ਸਪੱਸ਼ਟ ਕੀਤਾ ਹੈ ਕਿ ਫ਼ੌਜੀ ਮਿਸ਼ਨ ਦਾ ਅੰਤ ਇਰਾਕ ਨਾਲ ਸੁਰੱਖਿਆ ਸਬੰਧਾਂ ਦੇ ਅੰਤ ਦੇ ਬਰਾਬਰ ਨਹੀਂ ਹੈ। ਦੋਵਾਂ ਦੇਸ਼ਾਂ ਵਿਚਕਾਰ ਸੁਰੱਖਿਆ ਸਹਿਯੋਗ ਹੁਣ ਇੱਕ ਨਵੇਂ ਪੜਾਅ ਵਿੱਚ ਦਾਖ਼ਲ ਹੋਵੇਗਾ।
