ਨੇਤਨਯਾਹੂ ਮੁੜ ਪ੍ਰਧਾਨ ਮੰਤਰੀ ਨਾ ਬਣੇ ਤਾਂ ਈਰਾਨ ਨਾਲ ਅਮਰੀਕਾ ਨੂੰ ਇਕੱਲੇ ਨਜਿੱਠਣਾ ਪਵੇਗਾ - ਟਰੰਪ
ਨਿਊਯਾਰਕ, 19 ਅਕਤੂਬਰ (ਰਾਜੂ ਸ਼ਹਿਬਾਜ਼ਪੁਰਾ)– ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਇਜ਼ਰਾਈਲ ਦੀਆਂ ਆਉਣ ਵਾਲੀਆਂ ਚੋਣਾਂ ’ਚ ਪ੍ਰਧਾਨ ਮੰਤਰੀ ਬੈਂਜਾਮਿਨ ਨੇਤਨਯਾਹੂ ਦਾ ਖੁੱਲ੍ਹ ਕੇ ਸਮਰਥਨ ਕਰਦਿਆਂ ਕਿਹਾ ਕਿ ਜੇਕਰ ਨੇਤਨਯਾਹੂ ਮੁੜ ਸੱਤਾ ਵਿਚ ਨਹੀਂ ਆਉਂਦੇ ਤਾਂ ਈਰਾਨ ਵਿਰੁੱਧ ਚੱਲ ਰਹੀ ਕਾਰਵਾਈ ਨੂੰ ਅਮਰੀਕਾ ਨੂੰ ਇਕੱਲੇ ਪੂਰਾ ਕਰਨਾ ਪੈ ਸਕਦਾ ਹੈ। ਟਰੰਪ ਨੇ ਸੋਸ਼ਲ ਮੀਡੀਆ ’ਤੇ ਜਾਰੀ ਬਿਆਨ ’ਚ ਨੇਤਨਯਾਹੂ ਨੂੰ ਬਹਾਦਰ, ਮਜ਼ਬੂਤ ਅਤੇ ਸਮਝਦਾਰ ਆਗੂ ਦੱਸਿਆ।
ਨਿਊਯਾਰਕ, 19 ਅਕਤੂਬਰ (ਰਾਜੂ ਸ਼ਹਿਬਾਜ਼ਪੁਰਾ)– ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਇਜ਼ਰਾਈਲ ਦੀਆਂ ਆਉਣ ਵਾਲੀਆਂ ਚੋਣਾਂ ’ਚ ਪ੍ਰਧਾਨ ਮੰਤਰੀ ਬੈਂਜਾਮਿਨ ਨੇਤਨਯਾਹੂ ਦਾ ਖੁੱਲ੍ਹ ਕੇ ਸਮਰਥਨ ਕਰਦਿਆਂ ਕਿਹਾ ਕਿ ਜੇਕਰ ਨੇਤਨਯਾਹੂ ਮੁੜ ਸੱਤਾ ਵਿਚ ਨਹੀਂ ਆਉਂਦੇ ਤਾਂ ਈਰਾਨ ਵਿਰੁੱਧ ਚੱਲ ਰਹੀ ਕਾਰਵਾਈ ਨੂੰ ਅਮਰੀਕਾ ਨੂੰ ਇਕੱਲੇ ਪੂਰਾ ਕਰਨਾ ਪੈ ਸਕਦਾ ਹੈ। ਟਰੰਪ ਨੇ ਸੋਸ਼ਲ ਮੀਡੀਆ ’ਤੇ ਜਾਰੀ ਬਿਆਨ ’ਚ ਨੇਤਨਯਾਹੂ ਨੂੰ ਬਹਾਦਰ, ਮਜ਼ਬੂਤ ਅਤੇ ਸਮਝਦਾਰ ਆਗੂ ਦੱਸਿਆ। ਉਨ੍ਹਾਂ ਕਿਹਾ ਕਿ ਜੰਗ ਤੇ ਸਿਆਸੀ ਵਿਰੋਧ ਦੇ ਬਾਵਜੂਦ ਨੇਤਨਯਾਹੂ ਨੇ ਹਿੰਮਤ ਨਹੀਂ ਹਾਰੀ। ਟਰੰਪ ਮੁਤਾਬਕ ਈਰਾਨ ਦੇ ਪ੍ਰਮਾਣੂ ਖ਼ਤਰੇ ਨਾਲ ਨਜਿੱਠਣ ਲਈ ਅਮਰੀਕਾ ਨੂੰ ਇਜ਼ਰਾਈਲ ਵਿਚ ਇਕ ਭਰੋਸੇਯੋਗ ਸਾਥੀ ਦੀ ਲੋੜ ਹੈ। ਉਨ੍ਹਾਂ ਈਰਾਨ ਨੂੰ ਚਿਤਾਵਨੀ ਦਿੱਤੀ ਕਿ ਜੇਕਰ ਉਸ ਨੇ ਆਪਣਾ ਰਵੱਈਆ ਜਲਦੀ ਨਾ ਬਦਲਿਆ ਤਾਂ ਦੋਵੇਂ ਦੇਸ਼ ਮਿਲ ਕੇ ਆਪਣੀ ਕਾਰਵਾਈ ਪੂਰੀ ਕਰਨਗੇ। ਟਰੰਪ ਨੇ ਇਜ਼ਰਾਈਲੀ ਵੋਟਰਾਂ ਨੂੰ ਨੇਤਨਯਾਹੂ ਦਾ ਸਮਰਥਨ ਕਰਨ ਦੀ ਅਪੀਲ ਕਰਦਿਆਂ ਕਿਹਾ ਕਿ ਉਹ ਮੁਸ਼ਕਿਲ ਸਮੇਂ ਵਿਚ ਭਰੋਸਾ ਕਰਨ ਯੋਗ ਆਗੂ ਹਨ। ਇਜ਼ਰਾਈਲ ਵਿਚ 27 ਅਕਤੂਬਰ ਨੂੰ ਸੰਸਦੀ ਚੋਣਾਂ ਹੋਣੀਆਂ ਹਨ।
