ਟੋਹਾਣਾ/ਜਾਖ਼ਲ, 30 ਜਨਵਰੀ (ਮਨਜੀਤ ਸਿੰਘ)-ਪੁਲਿਸ ਨੇ ਭਰੂਣ ਲਿੰਗ ਨਿਰਧਾਰਨ ਟੈੱਸਟ ਕਰਵਾਉਣ ਲਈ ਬਰਵਾਲਾ ਦੇ ਨਾਮਵਰ ਡਾ. ਅਨੰਤ ਰਾਮ ਨੂੰ ਗਿ੍ਫ਼ਤਾਰ ਕੀਤਾ ਹੈ | ਸਿਹਤ ਵਿਭਾਗ ਦੀ ਟੀਮ ਨੂੰ ਲਿੰਗ ਨਿਰਧਾਰਨ ਟੈੱਸਟਾਂ ਬਾਰੇ ਸੂਚਨਾ ਮਿਲੀ ਸੀ | ਇਸ ਜਾਣਕਾਰੀ ਦੇ ਆਧਾਰ 'ਤੇ ਟੀਮ ਨੇ ਪੁਲਿਸ ਨਾਲ ਮਿਲ ਕੇ ਕਲੀਨਿਕ 'ਤੇ ਛਾਪਾ ਮਾਰਿਆ | ਸੂਤਰਾਂ ਅਨੁਸਾਰ ਡਾ. ਅਨੰਤ ਰਾਮ ਬਰਵਾਲਾ ਮੌਕੇ 'ਤੇ ਭਰੂਣ ਲਿੰਗ ਨਿਰਧਾਰਨ ਟੈੱਸਟ ਕਰਦੇ ਹੋਏ ਪਾਏ ਗਏ | ਡਾਕਟਰ ਸੱਤ ਵਾਰ ਪਹਿਲਾਂ ਫੜਿਆ ਜਾ ਚੁੱਕਾ ਹੈ | ਡਾ. ਅਨਾਮਿਕਾ ਬਿਸ਼ਨੋਈ ਦੀ ਅਗਵਾਈ ਵਾਲੀ ਸਿਹਤ ਵਿਭਾਗ ਦੀ ਟੀਮ ਨੇ ਛਾਪਾ ਮਾਰਿਆ | ਛਾਪੇਮਾਰੀ ਦੌਰਾਨ ਡਾ. ਬਰਵਾਲਾ ਬਾਲਾ ਜੀ ਕਲੀਨਿਕ ਦੀ ਉੱਪਰਲੀ ਮੰਜ਼ਿਲ 'ਤੇ ਭਰੂਣ ਲਿੰਗ ਨਿਰਧਾਰਨ ਟੈੱਸਟ ਕਰਦੇ ਹੋਏ ਪਾਏ ਗਏ | ਟੀਮ ਨੇ ਤੁਰੰਤ ਉਨ੍ਹਾਂ ਨੂੰ ਮੌਕੇ 'ਤੇ ਹੀ ਗਿ੍ਫ਼ਤਾਰ ਕਰ ਲਿਆ | ਸਿਹਤ ਵਿਭਾਗ ਦੀ ਟੀਮ ਜਾਂਚ ਕਰ ਰਹੀ ਹੈ | ਡਾ. ਅਨੰਤ ਰਾਮ ਪਹਿਲਾਂ ਵੀ ਸੱਤ ਵਾਰ ਭਰੂਣ ਲਿੰਗ ਨਿਰਧਾਰਨ ਟੈੱਸਟ ਕਰਦੇ ਫੜੇ ਗਏ ਹਨ |
