ਨਵੀਂ ਦਿੱਲੀ, 30 ਜਨਵਰੀ (ਮਿਸਰਦੀਪ ਭਾਟੀਆ)-ਆਈ.ਆਈ.ਟੀ. ਮਦਰਾਸ ਵਲੋਂ ਜਾਰੀ ਤਾਜ਼ਾ ਪ੍ਰੈੱਸ ਰਿਲੀਜ਼ ਅਨੁਸਾਰ ਆਈ.ਆਈ.ਟੀ. ਮਦਰਾਸ ਦੇ ਮੈਨੇਜਮੈਂਟ ਸਟੱਡੀਜ਼ ਵਿਭਾਗ (ਡੀ.ਓ.ਐਮ.ਐਸ.) ਨੇ ਆਪਣੇ ਦੋ ਸਾਲਾ ਫੁੱਲ ਟਾਈਮ ਮਾਸਟਰ ਆਫ਼ ਬਿਜ਼ਨੈੱਸ ਐਡਮਿਨਿਸਟ੍ਰੇਸ਼ਨ (ਐਮ.ਬੀ.ਏ.) ਪ੍ਰੋਗਰਾਮ ਲਈ ਅਰਜ਼ੀ ਦੇਣ ਦੀ ਆਖ਼ਰੀ ਮਿਤੀ 8 ਫਰਵਰੀ, 2026 ਤੱਕ ਵਧਾ ਦਿੱਤੀ ਹੈ | ਪਹਿਲਾਂ ਇਹ ਆਖ਼ਰੀ ਮਿਤੀ 31 ਜਨਵਰੀ, 2026 ਸੀ | ਦਿਲਚਸਪੀ ਰੱਖਣ ਵਾਲੇ ਉਮੀਦਵਾਰ ਅਧਿਕਾਰਤ ਵੈੱਬਸਾਈਟ 'ਤੇ ਆਨਲਾਈਨ ਅਰਜ਼ੀ ਦੇ ਸਕਦੇ ਹਨ | ਐਮ.ਬੀ.ਏ. ਪ੍ਰੋਗਰਾਮ ਨਵੇਂ ਵਿਦਿਆਰਥੀਆਂ ਅਤੇ ਤਜਰਬੇਕਾਰ ਪੇਸ਼ੇਵਰਾਂ ਲਈ ਖੁੱਲ੍ਹਾ ਹੈ | ਦਾਖ਼ਲੇ ਕੈਟ 2025 ਅਤੇ ਜੀ.ਐਮ.ਏ.ਟੀ. ਸਕੋਰਾਂ ਦੇ ਆਧਾਰ 'ਤੇ ਹੋਣਗੇ | ਐਮ.ਬੀ.ਏ. ਪ੍ਰੋਗਰਾਮ ਵਿਚ 100 ਪਲੇਸਮੈਂਟ ਹੈ ਜਿਸ ਵਿਚ ਵੱਧ ਤੋਂ ਵੱਧ ਮੁਆਵਜ਼ਾ 35.5 ਲੱਖ ਰੁਪਏ ਪ੍ਰਤੀ ਸਾਲ ਹੈ |
