ਕਾਲਾਂਵਾਲੀ/ਸਿਰਸਾ, 3 ਫਰਵਰੀ (ਭੁਪਿੰਦਰ ਪੰਨੀਵਾਲੀਆ)-ਆਲ ਇੰਡੀਆ ਤੇਰਾਪੰਥ ਮਹਿਲਾ ਮੰਡਲ ਵਲੋਂ 4 ਫਰਵਰੀ ਨੂੰ ਸ਼ਿਵਬਾੜੀ ਨੇੜੇ ਤੇਰਾਪੰਥ ਜੈਨ ਭਵਨ ਵਿਖੇ ਵਿਸ਼ਵ ਕੈਂਸਰ ਜਾਗਰੂਕਤਾ ਦਿਵਸ 'ਤੇ ਇਕ ਮੁਫਤ ਸਰਵਾਈਕਲ ਕੈਂਸਰ ਸਕ੍ਰੀਨਿੰਗ ਅਤੇ ਰੋਕਥਾਮ ਕੈਂਪ ਅਤੇ ਇਕ ਮਹਿਲਾ ਜਾਗਰੂਕਤਾ ਸੈਮੀਨਾਰ ਦਾ ਆਯੋਜਨ ਕਰੇਗਾ | ਕੈਂਪ ਕੋਆਰਡੀਨੇਟਰ ਦੇਵਾ ਕੀਰਤੀ ਗਰਗ ਨੇ ਦੱਸਿਆ ਕਿ ਕੈਂਪ ਦਾ ਉਦਘਾਟਨ ਸਿਟੀ ਕੌਂਸਲਰ ਮਧੂ ਗੋਇਲ ਕਰਨਗੇ | ਮੈਕਸ ਲੈਬ ਟੀਮ ਦੇ ਡਾ. ਮੀਨਾਕਸ਼ੀ ਅਗਰਵਾਲ ਤੇ ਗੁਰੂਚਰਨ ਮੋਂਗਾ ਵਲੋਂ ਕੈਂਪ ਵਿਚ ਸਹਿਯੋਗ ਦਿੱਤਾ ਜਾਵੇਗਾ | ਉਨ੍ਹਾਂ ਦੱਸਿਆ ਕਿ ਸਰਵਾਈਕਲ ਕੈਂਸਰ ਸਕ੍ਰੀਨਿੰਗ, ਛਾਤੀ ਦੇ ਕੈਂਸਰ ਸਕ੍ਰੀਨਿੰਗ ਤੇ ਹੀਮੋਗਲੋਬਿਨ ਟੈਸਟਿੰਗ ਲਈ ਸਿਰਫ 21 ਤੋਂ 65 ਸਾਲ ਦੀਆਂ ਅÏਰਤਾਂ ਦੀ ਸਕ੍ਰੀਨਿੰਗ ਕੀਤੀ ਜਾਵੇਗੀ | ਕੈਂਪ ਲਈ ਰਜਿਸਟਰ ਕਰਨ ਲਈ ਆਪਣਾ ਆਧਾਰ ਕਾਰਡ ਲਿਆਉਣਾ ਲਾਜ਼ਮੀ ਹੈ |
