ਵਾਈਸ ਚਾਂਸਲਰ ਨੇ ਡੀ.ਯੂ. ਆਰਟਸ ਫੈਕਲਟੀ ਵਿਖੇ ਵੰਦੇ ਮਾਤਰਮ ਹਾਲ ਦਾ ਕੀਤਾ ਉਦਘਾਟਨ
ਅਜੀਤ ਡੈਸਕ
05-02-2026
ਪ੍ਰੋ. ਯੋਗੇਸ਼ ਸਿੰਘ ਨੇ ਕਿਹਾ ਕਿ ਜਦੋਂ ਉਨ੍ਹਾਂ ਨੇ 2021 ਵਿਚ ਦਿੱਲੀ ਯੂਨੀਵਰਸਿਟੀ ਵਿਚ ਅਹੁਦਾ ਸੰਭਾਲਿਆ ਸੀ ਤਾਂ ਉਨ੍ਹਾਂ ਨੂੰ ਸ਼ੰਕਰ ਲਾਲ ਹਾਲ, ਟੈਗੋਰ ਹਾਲ ਅਤੇ ਕਨਵੋਕੇਸ਼ਨ ਹਾਲ ਦੇਖਣ ਦਾ ਮੌਕਾ ਮਿਲਿਆ | ਇਹ ਹਾਲ ਬਹੁਤ ਖਸਤਾ ਹਾਲਤ ਵਿਚ ਸਨ | ਉਨ੍ਹਾਂ ਨੇ ਇਨ੍ਹਾਂ ਦੀ ਮੁਰੰਮਤ ਕਰਨ ਦਾ ਫ਼ੈਸਲਾ ਕੀਤਾ | ਇਨ੍ਹਾਂ ਵਿਚੋਂ ਸ਼ੰਕਰ ਲਾਲ ਹਾਲ ਅਤੇ ਟੈਗੋਰ ਹਾਲ ਦਾ ਨਵੀਨੀਕਰਨ ਪੂਰਾ ਹੋਣ ਤੋਂ ਬਾਅਦ ਉਦਘਾਟਨ ਹੋ ਚੁੱਕਿਆ ਸੀ | ਅਤੇ ਅੱਜ ਇਸ ਹਾਲ ਦੇ ਉਦਘਾਟਨ ਦੇ ਨਾਲ ਇਹ ਸਾਰੇ ਹਾਲ ਆਧੁਨਿਕ ਸਹੂਲਤਾਂ ਨਾਲ ਲੈਸ ਹੋ ਗਏ ਹਨ | ਉਨ੍ਹਾਂ ਕਿਹਾ ਕਿ ਡੀ.ਯੂ. ਵਿਚ ਚਲ ਰਹੇ ਸਾਰੇ ਨਿਰਮਾਣ ਅਤੇ ਨਵੀਨੀਕਰਨ ਪ੍ਰੋਜੈਕਟ 2027 ਤੱਕ ਪੂਰੇ ਹੋ ਜਾਣਗੇ | ਇਸ ਮੌਕੇ ਕਾਲਜਾਂ ਦੇ ਡੀਨ ਪ੍ਰੋ. ਬਲਰਾਮ ਪਾਣੀ, ਸਾਊਥ ਕੈਂਪਸ ਦੀ ਡਾਇਰੈਕਟਰ ਰਜਨੀ ਅੱਬੀ ਅਤੇ ਰਜਿਸਟਰਾਰ ਡਾ. ਵਿਕਾਸ ਗੁਪਤਾ ਸਮੇਤ ਕਈ ਕਾਲਜਾਂ ਦੇ ਪਿ੍ੰਸੀਪਲ, ਅਧਿਆਪਕ, ਅਧਿਕਾਰੀ ਤੇ ਬਹੁਤ ਸਾਰੇ ਪਿ੍ੰਸੀਪਲ ਮੌਜੂਦ ਸਨ |
