ਯੂ.ਕੇ.-ਭਾਰਤ ਸਿੱਖਿਆ ਭਾਈਵਾਲੀ ਨੂੰ ਸਹਿਯੋਗ, ਸਹਿ-ਨਿਰਮਾਣ ਅਤੇ ਨਵੀਨਤਾ ਦੀ ਦਿਸ਼ਾ ਵਿਚ ਵਿਕਸਿਤ ਹੋਣਾ ਚਾਹੀਦੈ-ਪੋ੍ਰ. ਡੇਵਿਡ, ਵਾਈਸ ਚਾਂਸਲਰ, ਬੀ. ਸੀ.ਯੂ. <br/>
ਅਜੀਤ ਡੈਸਕ
26-02-2026
ਇਸ ਦੌਰੇ ਦੇ ਦੌਰਾਨ ਮੁੱਖ ਹਿੱਸੇਦਾਰਾਂ ਨੂੰ ਸੰਬੋਧਨ ਕਰਦੇ ਹੋਏ ਬੀ.ਸੀ.ਯੂ. ਦੇ ਵਾਈਸ ਚਾਂਸਲਰ ਪੋ੍ਰ. ਡੇਵਿਡ ਨੇ ਜ਼ੋਰ ਦੇ ਕੇ ਕਿਹਾ ਕਿ ਯੂ.ਕੇ.-ਭਾਰਤ ਸਿੱਖਿਆ ਭਾਈਵਾਲੀ ਨੂੰ ਰਵਾਇਤੀ ਵਿਦਿਆਰਥੀ ਗਤੀਸ਼ੀਲਤਾ ਤੋਂ ਅੱਗੇ ਵਧ ਕੇ ਡੂੰਘੇ ਸਹਿਯੋਗ, ਸਹਿ-ਨਿਰਮਾਣ ਅਤੇ ਨਵੀਨਤਾ ਦੀ ਦਿਸ਼ਾ ਵਿਚ ਵਿਕਸਿਤ ਹੋਣਾ ਚਾਹੀਦਾ ਹੈ |
ਬੀ.ਸੀ.ਯੂ. ਦੀ ਦਿ੍ਸ਼ਟੀ ਵਿਚ ਭਾਰਤ ਦੀ ਕੇਂਦਰੀ ਭੂਮਿਕਾ ਭਵਿੱਖ ਦੇ ਲਈ ਪ੍ਰਤਿਭਾ ਨੂੰ ਵਿਕਸਿਤ ਕਰ ਕੇ ਅਤੇ ਗਿਆਨ ਦੇ ਰਾਹੀਂ ਖੁਸ਼ਹਾਲੀ ਨੂੰ ਸਸ਼ਕਤ ਬਣਾਉਣ ਦੀ ਬੀ.ਸੀ.ਯੂ. ਦੀ ਰਣਨੀਤੀ 2030 ਵਿਜ਼ਨ ਵਿਚ ਭਾਰਤ ਇਕ ਮੁੱਖ ਭਾਈਵਾਲ ਹੈ | ਵਰਤਮਾਨ ਵਿਚ ਬੀ.ਸੀ.ਯੂ. ਦੇ ਬਰਮਿੰਘਮ ਕੈਂਪਸ ਵਿਚ 2000 ਤੋਂ ਵੱਧ ਭਾਰਤੀ ਵਿਦਿਆਰਥੀ ਪੜ੍ਹ ਰਹੇ ਹਨ ਜਿਸ ਨਾਲ ਭਾਰਤ ਯੂਨੀਵਰਸਿਟੀ ਦੇ ਸਭ ਤੋਂ ਵੱਡੇ ਅੰਤਰਰਾਸ਼ਟਰੀ ਭਾਈਚਾਰਿਆਂ ਵਿੱਚੋਂ ਇਕ ਬਣ ਗਿਆ ਹੈ |
ਯੂਨੀਵਰਸਿਟੀ ਨਵੀਂ ਦਿੱਲੀ ਵਿਚ ਇਕ ਬੀ.ਸੀ.ਯੂ. ਐਲੂਮਨੀ ਚੈਪਟਰ ਵੀ ਸਥਾਪਿਤ ਕਰ ਰਹੀ ਹੈ, ਤਾਂ ਜੋ ਸਲਾਹ, ਪੇਸ਼ੇਵਰ ਨੈੱਟਵਰਕਿੰਗ ਅਤੇ ਲੰਬੇ ਸਮੇਂ ਦੇ ਸੰਸਥਾਗਤ ਸੰਬੰਧਾਂ ਨੂੰ ਉਤਸ਼ਾਹ ਦਿੱਤਾ ਜਾ ਸਕੇ | ਨਵੀਂ ਦਿੱਲੀ ਦੀ ਇਹ ਫੇਰੀ ਇਕ ਸਪੱਸ਼ਟ ਸੰਦੇਸ਼ ਦਿੰਦੀ ਹੈ ਕਿ ਬੀ.ਸੀ.ਯੂ. ਨਾ ਸਿਰਫ਼ ਭਾਰਤੀ ਵਿਦਿਆਰਥੀਆਂ ਦੀ ਭਰਤੀ ਦੇ ਲਈ ਵਚਨਬੱਧ ਹੈ, ਸਗੋਂ ਭਾਰਤ ਅਤੇ ਯੂਨਾਈਟਿਡ ਕਿੰਗਡਮ ਦੋਵਾਂ ਲਈ ਲਾਭਕਾਰੀ ਅਤੇ ਅਗਾਂਹਵਧੂ ਭਾਈਵਾਲੀ ਦੇ ਨਿਰਮਾਣ ਲਈ ਵੀ ਵਚਨਬੱਧ ਹੈ |
