ਸਿਰਸਾ, 5 ਮਈ (ਭੁਪਿੰਦਰ ਪੰਨੀਵਾਲੀਆ)- ਸਿਰਸਾ ਪੁਲਿਸ ਨੇ ਧੋਖਾਧੜੀ ਵਿਆਹ ਕਰਵਾਉਣ ਮਗਰੋਂ ਗਹਿਣੇ ਤੇ ਨਕਦੀ ਲੈ ਕੇ ਭੱਜਣ ਵਾਲੇ ਇਕ ਗਰੋਹ ਦੇ ਤਿੰਨ ਮੈਂਬਰਾਂ ਨੂੰ ਗਿ੍ਫ਼ਤਾਰ ਕੀਤਾ ਹੈ | ਇਹ ਗਿਰੋਹ ਮਾਸੂਮ ਨੌਜਵਾਨਾਂ ਨੂੰ ਵਿਆਹ ਦਾ ਝਾਂਸਾ ਦੇ ਉਨ੍ਹਾਂ ਨੂੰ ਫਸਾਉਂਦਾ ਸੀ | ਸਿਰਸਾ ਦੀ ਥਾਣਾ ਸਿਟੀ ਪੁਲਿਸ ਦੇ ਇੰਚਾਰਜ ਸੰਦੀਪ ਕੁਮਾਰ ਨੇ ਦੱਸਿਆ ਕਿ ਜ਼ਿਲ੍ਹੇ ਦੇ ਪਿੰਡ ਪੰਜੂਆਣਾ ਦੇ ਇਕ ਨੌਜਵਾਨ ਜੋ ਬਿਜਲੀ ਵਿਭਾਗ 'ਚ ਡਰਾਈਵਰ ਵਜੋਂ ਕੰਮ ਕਰਦਾ ਸੀ, ਨੇ ਪੁਲਿਸ ਨੂੰ ਸ਼ਿਕਾਇਤ 'ਚ ਦੱਸਿਆ ਕਿ ਸਤੰਬਰ 2025 'ਚ ਇਕ ਸਾਥੀ ਡਰਾਈਵਰ ਨੇ ਉਸ ਨੂੰ ਇਕ ਅÏਰਤ ਨਾਲ ਵਿਆਹ ਕਰਵਾਉਣ ਲਈ ਕਿਹਾ ਸੀ | ਵਿਆਹ ਤੋਂ ਪਹਿਲਾਂ ਮੰਗਣੀ ਕੀਤੀ ਗਈ ਤੇ ਮੰਗਣੀ ਲਈ 1.5 ਲੱਖ ਰੁਪਏ ਦੀ ਮੰਗ ਕੀਤੀ ਅਤੇ ਲੜਕੀ ਅਤੇ ਉਸਦੇ ਪਰਿਵਾਰ ਦੀ ਪੂਰੀ ਜ਼ਿੰਮੇਵਾਰੀ ਲੈਣ ਦਾ ਵਾਅਦਾ ਕੀਤਾ | ਪੀੜਤ ਨੂੰ ਹਿਸਾਰ ਲਿਜਾਇਆ ਅਤੇ ਇੱਕ ਘਰ ਵਿੱਚ ਸ਼ਿਵਾਨੀ ਸ਼ਰਮਾ ਨਾਮ ਦੀ ਅÏਰਤ ਨਾਲ ਮੰਗਣੀ ਕਰਵਾਈ | ਮੰਗਣੀ ਦੀ ਆੜ ਵਿੱਚ ਪੀੜਤ ਤੋਂ 1.5 ਲੱਖ ਰੁਪਏ ਦੀ ਨਕਦੀ ਅਤੇ ਸੋਨੇ ਦੇ ਗਹਿਣੇ ਲਏ ਗਏ | ਸ਼ਿਕਾਇਤ ਵਿੱਚ ਦੱਸਿਆ ਗਿਆ ਹੈ ਕਿ ਵਿਆਹ 'ਤੇ ਹੋਰ ਖਰਚਾ ਕੀਤਾ ਗਿਆ | ਜਦੋਂ ਵਿਆਹ ਮਗਰੋਂ ਲਾੜੀ ਘਰ ਆਈ ਤਾਂ ਉਹ ਘਰੋਂ ਨਕਦੀ ਤੇ ਗਹਿਣੇ ਲੈ ਕੇ ਭੱਜ ਗਈ | ਪੁਲਿਸ ਨੇ ਪੀੜਤ ਦੀ ਸ਼ਿਕਾਇਤ 'ਤੇ ਕੇਸ ਦਰਜ ਕਰਕੇ ਮਾਮਲੇ ਦੀ ਜਾਂਚ ਕੀਤੀ ਤਾਂ ਜਾਂਚ 'ਚ ਖੁਲਾਸਾ ਹੋਇਆ ਕਿ ਇੱਕ ਗਰੋਹ ਲੋਕਾਂ ਨੂੰ ਵਿਆਹ ਦਾ ਝਾਂਸਾ ਦੇ ਕੇ ਉਨ੍ਹਾਂ ਨਾਲ ਠੱਗੀ ਮਾਰ ਰਿਹਾ ਹੈ | ਇਸ ਮਾਮਲੇ 'ਚ ਪੁਲਿਸ ਨੇ ਗੋਬਿੰਦ ਉਰਫ਼ ਸੰਨੀ ਪੁੱਤਰ ਸੁਲਤਾਨ ਸਿੰਘ, ਨੱਥੂਰਾਮ ਉਰਫ਼ ਨੱਥੂ ਪੁੱਤਰ ਧਰਮਪਾਲ ਅਤੇ ਅਜੈਬ ਸਿੰਘ ਪੁੱਤਰ ਸੁਭਾਸ਼, ਸ਼ਿਵ ਕਲੋਨੀ ਆਦਮਪੁਰ, ਜ਼ਿਲ੍ਹਾ ਹਿਸਾਰ ਦੇ ਵਸਨੀਕਾਂ ਨੂੰ ਗਿ੍ਫ਼ਤਾਰ ਕੀਤਾ |
